«Գրանցված է»

ՀՀ արդարադատության

նախարարության կողմից

16 հունիսի 2009 թ.

Պետական գրանցման թիվ 12409224

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

4 հունիսի 2009 թ.  ք. Երևան

N 1353-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ 1998 ԹՎԱԿԱՆԻ ՀՈՒԼԻՍԻ 28-Ի N 01/42 ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Հաստատագրված վճարների մասին» Հայաստանի Հանրապետության օրենքի 10-րդ հոդվածի 1-ին մասին և 11-րդ հոդվածի 1-ին մասին համապատասխան՝

ՀՐԱՄԱՅՈՒՄ ԵՄ՝

1. Հայաստանի Հանրապետության հարկային տեսչության 1998 թվականի հուլիսի 28-ի «Հաստատագրված վճարների մասին» Հայաստանի Հանրապետության օրենքի 10 հոդվածի 1-ին և 9-րդ կետերով, 11 հոդվածի 1-ին և 2-րդ կետերով նախատեսված ձևերը հաստատելու մասին» N 01/42 հրամանում կատարել հետևյալ փոփոխությունը և լրացումները՝

1) ուժը կորցրած ճանաչել հրամանի 6-րդ և 16-րդ կետերը և այդ կետերով հաստատված հայտարարության ձևերը,

2) հրամանը 19-րդ կետից հետո լրացնել 20-րդ կետով՝ հետևյալ բովանդակությամբ՝

«20. Հյուրանոցային տնտեսության օբյեկտի գործունեության համար հաստատագրված վճարների հաշվարկման ելակետային տվյալի և ուղղիչ գործակիցների վերաբերյալ հայտարարության ձևը և լրացման կարգը՝ համաձայն N 7 հավելվածի։»,

3) հրամանը լրացնել նոր N 7 հավելվածով՝ համաձայն սույն հրամանի հավելվածի։

ՀՀ կառավարությանն առընթեր պետական եկամուտների կոմիտեի նախագահ՝

Գ. Խաչատրյան

Հավելված ՀՀ կառավարությանն առընթեր պետական եկամուտների կոմիտեի նախագահի 2009 թ. հունիսի 4-ի N 1353-Ն հրամանի

«Հավելված N 7

___________________________ հարկային

 տեսչության պետ` ________________________

6. Հյուրանոցային տնտեսության օբյեկտի մակերեսը (մ2)
7. Հյուրանոցային տնտեսության օբյեկտի գտնվելու վայրի ուղղիչ գործակիցը

ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏԻ ԳՈՐԾՈՒՆԵՈՒԹՅԱՆ ՀԱՄԱՐ ՀԱՍՏԱՏԱԳՐՎԱԾ ՎՃԱՐԻ ՀԱՇՎԱՐԿՄԱՆ ԵԼԱԿԵՏԱՅԻՆ ՏՎՅԱԼԻ ԵՎ ՈՒՂՂԻՉ ԳՈՐԾԱԿՑԻ ՄԱՍԻՆ ՀԱՅՏԱՐԱՐՈՒԹՅԱՆ ԼՐԱՑՄԱՆ ԿԱՐԳ

Հայտարարությունը ներկայացվում է զբոսաշրջության բնագավառում Հայաստանի Հանրապետության կառավարության լիազորած մարմնի կողմից սահմանված չափանիշներին չհամապատասխանող հյուրանոցային տնտեսության օբյեկտի գործունեություն իրականացնողների կողմից։

Հայտարարությունը լրացվում է երկու օրինակից և ներկայացվում հաստատագրված վճար վճարողի հաշվառման վայրի հարկային տեսչություն։ Հարկային տեսչության կողմից հայտարարությունը հաշվառելուց (գրանցելուց) և կնքելուց հետո մեկ օրինակը վերադարձվում է հաստատագրված վճար վճարողին։

Գործունեության իրականացման յուրաքանչյուր վայրի (հասցեի) համար ներկայացվում է առանձին հայտարարություն։

1-ին տողում նշվում է հաստատագրված վճար վճարողի անվանումը կամ անհատ ձեռնարկատիրոջ անունը և ազգանունը,

2-րդ տողում նշվում է հաստատագրված վճար վճարողի գտնվելու վայրը,

3-րդ տողում նշվում է հաստատագրված վճար վճարողի փաստացի գործունեության իրականացման վայրը (հասցեն),

4-րդ տողում նշվում է Հայաստանի Հանրապետության հարկային մարմնի կողմից տրամադրված հարկ վճարողի հաշվառման համարը (ՀՎՀՀ-ն),

5-րդ տողում լրացվում է գործունեության իրականացման այն ժամանակահատվածը, որի համար ներկայացվում է հայտարարությունը,

6-րդ տողում լրացվում է հյուրանոցային տնտեսության օբյեկտի մակերեսը (մ²),

7-րդ տողում լրացվում է հյուրանոցային տնտեսության օբյեկտի գործունեություն իրականացնելու համար հաստատագրված վճարի հաշվարկման համար «Հաստատագրված վճարների մասին» Հայաստանի Հանրապետության օրենքի 36¹⁰-րդ հոդվածով սահմանված համապատասխան ուղղիչ գործակիցը։