«Գրանցված է»

ՀՀ արդարադատության

նախարարության կողմից

21 հոկտեմբերի 2008 թ.

Պետական գրանցման թիվ 11608321

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

16 հոկտեմբերի 2008 թ. ք. Երևան

N 389-Ն

Հ Ր Ա Մ Ա Ն

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԸ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» ենթակետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» ենթակետի դրույթով.

Գործողության մեջ դնել փոստային վճարման պետական նշանները`

1. Հայկական կրթօջախներ. Հայաստանի պետական ճարտարագիտական համալսարանի (Պոլիտեխնիկական ինստիտուտ) հիմնադրման 75-ամյակին նվիրված «Հայաստանի պետական ճարտարագիտական համալսարան (Պոլիտեխնիկ). 75-ամյակ» նամականիշը` սահմանելով անվանագինը 220 դրամ, տպաքանակը` 30000 հատ:

2. Վ. Համբարձումյանի ծննդյան 100-ամյակին նվիրված «Վիկտոր Համբարձումյան 1908-1996» նամականիշը` սահմանելով անվանագինը 120 դրամ, տպաքանակը` 30000 հատ:

3. Վ. Սարոյանի ծննդյան 100-ամյակին նվիրված «Ուիլյամ Սարոյան 1908-1981» նամականիշը` սահմանելով անվանագինը 350 դրամ, տպաքանակը` 30000 հատ:

ՀՀ տրանսպորտի և կապի նախարար`

Գ. Սարգսյան