«Գրանցված է»

ՀՀ արդարադատության

նախարարության կողմից

20 հոկտեմբերի 2008 թ.

Պետական գրանցման թիվ 10008319

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

24 սեպտեմբերի 2008 թ. ք. Երևան

N 17-Ն

Հ Ր Ա Մ Ա Ն

ՄԵԾԱՀԱՍԱԿԻ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ԵՎ ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏԻ ՎԱՐՄԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ

Հիմք ընդունելով ՀՀ կառավարության 2002 թվականի դեկտեմբերի 5-ի «Պոլիկլինիկաների (խառը, մեծահասակների և մանկական), առանձին մասնագիտացված կաբինետների, ընտանեկան բժշկի գրասենյակների, գյուղական բժշկական ամբուլատորիաների, գյուղական առողջության կենտրոնների, բուժակ-մանկաբարձական կետերի, կանանց կոնսուլտացիաների և հիվանդանոցային (մասնագիտացված) բժշկական oգնության և սպասարկման համար անհրաժեշտ տեխնիկական և մասնագիտական որակավորման պահանջներն ու պայմանները հաստատելու մասին» N 1936-Ն որոշման 2-րդ կետի 2-րդ ենթակետը, Հայաստանի Հանրապետության առողջապահության նախարարի 2007 թվականի նոյեմբերի 26-ի «Մեծահասակի ամբուլատոր բժշկական քարտի, երեխաների բժշկական հսկողության ամբուլատոր քարտերի, նորածնի փոխանակման քարտի և նախածննդյան պատրոնաժի թերթիկի ձևերը հաստատելու մասին» N 1752-Ն հրամանի 4-րդ կետի 1-ին ենթակետը և Հայաստանի Հանրապետության կառավարության 2002 թվականի օգոստոսի 15-ի «Հայաստանի Հանրապետության առողջապահության նախարարության աշխատակազմ» պետական կառավարչական հիմնարկ ստեղծելու, ՀՀ առողջապահության նախարարության կանոնադրությունը և աշխատակազմի կառուցվածքը հաստատելու մասին» N 1300-Ն որոշման 12-րդ կետի «դ» ենթակետը.

Հրամայում եմ`

1. Հաստատել`

1) մեծահասակի ամբուլատոր բժշկական քարտի և երեխայի բժշկական հսկողության ամբուլատոր քարտի վարման ուղեցույցը` համաձայն Հավելված 1-ի.

2) մեծահասակի ամբուլատոր բժշկական քարտերի շրջանառության հաշվառման մատյանի ձևը` համաձայն Հավելված 2-ի.

3) բնակչի այցի հաշվառման ձևը` համաձայն Հավելված 3-ի.

4) համառոտ գրառումների թերթիկի ձևը` համաձայն Հավելված 4-ի:

2. Առաջարկել, որ առողջության առաջնային պահպանման հաստատություններում մեծահասակի ամբուլատոր բժշկական քարտի և երեխայի բժշկական հսկողության ամբուլատոր քարտի ներդրումը իրականացվում է աստիճանաբար, առաջին հերթին այն կիրառելով հետևյալ դեպքերում`

1) առաջին անգամ դիմած և նախկինում ամբուլատոր քարտ չունեցող բնակիչների համար,

2) եթե մաշվածության պատճառով ամբուլատոր բժշկական քարտը պիտանի չէ,

3) նախկին ամբուլատոր քարտը կորցրած անձանց համար,

4) 18 տարին լրացած և մեծահասակների ծառայություն տեղափոխված անձանց ամբուլատոր բժշկական քարտեր տրամադրելիս,

5) նորածնի բժշկական հսկողության ամբուլատոր քարտեր տրամադրելիս:

3. Հայաստանի Հանրապետության առողջապահության նախարարության աշխատակազմի բժշկական օգնության կազմակերպման վարչության պետ Վ. Պողոսյանին`

սույն հրամանը ուժի մեջ մտնելուց հետո ապահովել հրամանի օրինակների առաքումը Երևանի քաղաքապետարան և Հայաստանի Հանրապետության մարզպետարաններ:

4. ՀՀ առողջապահության նախարարի իրավական խորհրդական Ս. Քրմոյանին՝ սույն հրամանը սահմանված կարգով ներկայացնել ՀՀ արդարադատության նախարարություն՝ պետական իրավական փորձաքննության և պետական գրանցման:

5. Սույն հրամանի կատարման հսկողությունը հանձնարարել Հայաստանի Հանրապետության առողջապահության նախարարի տեղակալ Հ. Դարբինյանին:

Նախարար՝

Հ. Քուշկյան

ՈՒ Ղ Ե Ց ՈՒ Յ Ց

ՄԵԾԱՀԱՍԱԿԻ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ԵՎ ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏԻ ՎԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն ուղեցույցը կարգավորում է առողջության առաջնային պահպանման հաստատություններում (պոլիկլինիկաներ, առողջության առաջնային պահպանման կենտրոններ, ամբուլատորիաներ, ընտանեկան բժիշկների գրասենյակներ) (այսուհետ` ԱԱՊ հաստատություններ) մեծահասակի ամբուլատոր բժշկական քարտերի և երեխայի բժշկական հսկողության ամբուլատոր քարտերի վարման գործընթացը` ներառյալ դրանց տրամադրումը, պահպանումը, շրջանառությունը ԱԱՊ հաստատության բժիշկ-մասնագետների մոտ և վերադարձը մատենավարման (գրանցման) բաժին:

2. Մեծահասակի ամբուլատոր բժշկական քարտը և երեխայի բժշկական հսկողության ամբուլատոր քարտը ԱԱՊ հաստատությունում վարվող բնակչի անհատական և առողջության վերաբերյալ տվյալների գրանցման բժշկական փաստաթուղթն է: Սույն հրամանի իմաստով «բնակիչ» են համարվում Հայաստանի Հանրապետության քաղաքացիները, քաղաքացիություն չունեցող անձինք, oտարերկրյա քաղաքացիները, փախստականի և ապաստան հայցողի կարգավիճակ ունեցող անձինք, ովքեր բնակվում են Հայաստանի Հանրապետությունում:

II. ՄԵԾԱՀԱՍԱԿԻ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ՎԱՐՄԱՆ ԿԱՐԳ

1. ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ՏՐԱՄԱԴՐՈՒՄ

4. Մեծահասակի ամբուլատոր բժշկական քարտ բացելու համար բնակիչն անձը հաստատող փաստաթղթով (անձնագրով) դիմում է իր կողմից ընտրված առողջության առաջնային պահպանման բժշկին (այսուհետ` ԱԱՊ բժիշկ), որի հիման վրա բնակչին տրվում է սույն հրամանի հավելված 3-ով հաստատված բնակչի այցի հաշվառման ձև, որով նա ներկայանում է ԱԱՊ հաստատության մատենավարման (գրանցման) բաժին` անձը հաստատող փաստաթղթի հետ մեկտեղ:

5. Առողջության առաջնային պահպանման ծառայություններ ստանալու նպատակով ամբուլատոր բժշկական քարտ ունեցող բնակիչն մատենավարման (գրանցման) բաժնում հայտնում է իր անուն, ազգանունը, բնակության վայրը և իր կողմից ընտրված առողջության ԱԱՊ բժշկի անունը, ազգանունը:

6. Մատենավարման (գրանցման) բաժնի մատենավարը.

1) բժշկական ծառայություններ ստանալու համար բնակչին հայտնում է ԱԱՊ բժշկի կաբինետի հա-մարը,

2) այցի հաշվառման ձևում լրացնում է բնակչի և բժշկի անուն, ազգանունը և այցի ամսաթիվը, ամիսը, տարեթիվը,

3) համապատասխան գրառում է կատարում սույն հրամանի հավելված 2-ով հաստատված ամբուլատոր բժշկական քարտերի շրջանառության հաշվառման մատյանում:

7. Մատենավարման (գրանցման) բաժնի աշխատակիցը ամբուլատոր բժշկական քարտը և այցի հաշվառման ձևը տրամադրում է բնակչին, ով ստորագրելով հաշվառման մատյանում ամբուլատոր բժշկական քարտով դիմում է ԱԱՊ բժշկին:

8. Անհետաձգելի բուժօգնություն պահանջող վիճակների դեպքում բնակիչն կարող է ուղղակի դիմել ԱԱՊ հաստատության նեղ մասնագիտացմամբ բժշկին առանց ԱԱՊ բժշկի ուղեգրման:

9. Բնակչի դիմումի դեպքում նրան տրամադրվում է քաղվածք ամբուլատոր բժշկական քարտից:

10. ԱԱՊ հաստատությունից այլ բժշկական հաստատություն ուղեգրելու դեպքում ամբուլատոր բժշկական քարտը բնակչին չի տրվում:

2. ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ՎԱՐՈՒՄԸ ԱԱՊ ՀԱՍՏԱՏՈՒԹՅԱՆ ԲԺՇԿԻ ԿՈՂՄԻՑ

11. Ամբուլատոր բժշկական քարտը ԱԱՊ հաստատության բժշկի կողմից լրացվում է բնակչի այցի ընթացքում:

12. Եթե բնակչի` տվյալ առողջական խնդրի կապակցությամբ դեպքն ավարտված է, աշխատանքային օրվա վերջում ամբուլատոր բժշկական քարտը վերադարձվում է մատենավարման (գրանցման) բաժին, որտեղ մատենավարի կողմից կատարվում է համապատասխան գրառում ամբուլատոր բժշկական քարտերի շրջանառության հաշվառման մատյանում:

13. Եթե բնակչի` տվյալ առողջական խնդրի կապակցությամբ դեպքն ավարտված չէ և (կամ) լրացուցիչ այցի կամ շարունակական այցերի անհրաժեշտություն կա, ամբուլատոր բժշկական քարտը պահվում է բուժող բժշկի աշխատասենյակում մինչև լրացուցիչ այցի կամ շարունակական այցերի անհրաժեշտությունը, որից հետո հանձնվում են մատենավարման (գրանցման) բաժին:

3. ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԵՐԻ ՇՐՋԱՆԱՌՈՒԹՅՈՒՆԸ ԱԱՊ ՀԱՍՏԱՏՈՒԹՅԱՆ ՆԵՐՍՈՒՄ ՆԵՂ ՄԱՍՆԱԳԻՏԱՑՄԱՄԲ ԲԺՇԿԻ ՄՈՏ ԿԱՄ ԼԱԲՈՐԱՏՈՐ-ԱԽՏՈՐՈՇԻՉ ՀԵՏԱԶՈՏՈՒԹՅԱՆ ՈՒՂԵԳՐԵԼԻՍ

14. Բնակչին ԱԱՊ հաստատության ներսում նեղ մասնագիտացմամբ բժշկի մոտ կամ լաբորատոր-ախտորոշիչ հետազոտության ուղեգրելու դեպքում ԱԱՊ բժիշկը ամբուլատոր բժշկական քարտը հանձնում է բնակչին:

15. Այցի ընթացքում նեղ մասնագիտացմամբ բժիշկը կամ լաբորատոր-ախտորոշիչ հետազոտություն իրականացնող մասնագետը ամբուլատոր բժշկական քարտում լրացնում է հետազոտման արդյունքները: Այցի ավարտից հետո ամբուլատոր բժշկական քարտը տրվում է բնակչին, որն էլ այն վերադարձնում է ուղեգրող ԱԱՊ բժշկին: Ամբուլատոր բժշկական քարտի հետագա շրջանառությունն իրականացվում է սույն ուղեցույցի 3-րդ գլխում սահմանված կարգով:

16. ԱԱՊ հաստատությունից դուրս նեղ մասնագիտացմամբ բժշկի մոտ կամ ախտորոշիչ հետազոտության ուղեգրելու դեպքում ամբուլատոր բժշկական քարտը չի տրվում:

4. ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԵՐԻ ՊԱՀՊԱՆՈՒՄԸ

17. Ամբուլատոր բժշկական քարտերը պահպանվում են ԱԱՊ հաստատության մատենավարման (գրանցման) բաժնում, այդ նպատակով առանձնացված գրապահարաններում (գրադարակներ):

18. Գրապահարանները (գրադարակներ) համարակալվում և նշագրվում են ԱԱՊ բժիշկների անունով: Յուրաքանչյուր համարակալված և նշագրված գրապահարանում (գրադարակում) պահվում են տվյալ ԱԱՊ բժշկի կողմից սպասարկվող բնակիչների ամբուլատոր բժշկական քարտերը: Համարակալված և նշագրված գրապահարանում (գրադարակ) բնակիչների ամբուլատոր բժշկական քարտերը դասավորվում են ըստ ազգանունների` այբբենական կարգով:

19. Ամբուլատոր բժշկական քարտերի շրջանառության հսկման նպատակով, մատենավարման (գրանցման) բաժնում պահվում է հաշվառման մատյան, որում գրանցվում են յուրաքանչյուր օրվա ընթացքում մատենավարման (գրանցման) բաժնից դուրս եկած ամբուլատոր քարտերի շարժը:

II. ԵՐԵԽԱՅԻ (ՏՂԱ, ԱՂՋԻԿ) ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏԻ ՎԱՐՄԱՆ ՈՒՂԵՑՈՒՅՑ

1. ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԻ ՏՐԱՄԱԴՐՈՒՄ

20. Երեխայի բժշկական հսկողության ամբուլատոր քարտ բացելու համար բնակիչն (երեխայի ծնողը) ԱԱՊ հաստատություն է ներկայացնում երեխայի անձը հաստատող փաստաթուղթ (անձնագիր, կամ ծննդյան վկայական կամ ծնունդը հաստատող փաստաթուղթ), որում նշված տեղեկությունների հիման վրա առաջին այցելության ժամանակ լրացվում է երեխայի բժշկական հսկողության ամբուլատոր քարտը: ԱԱՊ հաստատությունների բուժակ-մանկաբարձական կետերում երեխայի բժշկական հսկողության ամբուլատոր քարտը լրացվում է բուժքրոջ կողմից:

21. Նորածիններին հաշվառման վերցնելու համար փոխանակման քարտը պարտադիր է, բացառությամբ տնային ծննդաբերությունների դեպքում, երբ հաշվառման վերցնելու համար ներկայացնում են ծննդյան մասին տեղեկանք:

22. Երեխայի բժշկական հսկողության ամբուլատոր քարտը համարակալվում է ԱԱՊ բուժհաստատության ներքին ակտերով սահմանված համարակալման կարգի համաձայն:

2. ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԵՐԻ ՊԱՀՊԱՆՈՒՄԸ

23. Երեխայի բժշկական հսկողության ամբուլատոր քարտերը պահվում են ԱԱՊ հաստատության գրանցման/ մատենավարման բաժնում, առանձին գրադարակներում, բացառությամբ բուժակ-մանկաբարձական կետերի, որտեղ բժշկական հսկողության ամբուլատոր քարտերը պահվում են այդ կետերում:

24. Յուրաքանչյուր բժշկին կցված տեղամասի բնակչության ամբուլատոր քարտերը պահվում են առանձին պահարաններում՝ ըստ բնակության վայրի:

25. Երեխաների ամբուլատոր քարտերը կարող են պահվել նաև բժշկի աշխատասենյակում՝ ըստ երեխայի ծննդյան տարեթվի և անուն-ազգանունի:

26. Ազատ ընտրության սկզբունքով այլ տեղամասերից տվյալ բժշկի մոտ հավաքագրված (գրանցված) երեխաների բժշկական հսկողության ամբուլատոր քարտերը պահպանվում են այդ բժշկի կողմից սպասարկվող երեխաների բժշկական հսկողության ամբուլատոր քարտերի հետ:

27. 18 տարեկանը լրացած բնակչի բժշկական հսկողության ամբուլատոր քարտը պահվում է ԱԱՊ հաստատությունների արխիվում` Հայաստանի Հանրապետության օրենսդրությամբ սահմանված կարգով, իսկ առողջության վերաբերյալ տեղեկությունները ըստ սահմանված կարգի փոխանցվում են այն ԱԱՊ բուժհաստատություններ, որոնք իրականացնում են մեծահասակների բժշկական օգնություն և սպասարկում:

3. ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏԻ ՎԱՐՈՒՄԸ

29. Բնակիչն (երեխայի օրինական ներկայացուցիչը) մատենավարման (գրանցման) բաժնում հայտնում է իր անուն, ազգանունը, բնակության վայրը և ԱԱՊ բժշկի ազգանունը: Մատենավարը բնակչին (երեխայի ծնողին) հայտնում է բժշկի աշխատասենյակի համարը և բժշկական քարտը հանձնում է բնակչին (երեխայի ծնողին):

30. Եթե երեխան բժշկական քարտ չունի բժշկի կամ բուժքրոջ կողմից`

1) երեխայի անունով բացվում է նոր քարտ,

2) եթե տվյալ երեխայի համար նոր բժշկական հսկողության ամբուլատոր քարտ բացելն աննպատակահարմար է (երեխան այլ բուժհաստատությունում արդեն իսկ ունի ամբուլատոր բժշկական քարտ, սակայն տվյալ պահին չի կարող ներկայացնել), ապա այցելուի անունով բացվում է սույն հրամանի հավելված 4-ով հաստատված համառոտ գրառումների թերթիկ:

31. Անհետաձգելի դեպքերում եթե երեխայի վիճակը ծանր է, մատենավարը երեխայի բժշկական հսկողության ամբուլատոր քարտը հանձնում է ծնողին, իսկ 14 տարեկանից բարձր երեխաների դեպքում կարող է հանձնվել նաև անձամբ երեխային, որն էլ անմիջապես դիմում է նեղ մասնագիտացմամբ բժշկին:

32. ԱԱՊ հաստատությունից այլ բժշկական հաստատություն ուղեգրելու դեպքում ամբուլատոր բժշկական քարտը բնակչին չի տրվում:

4. ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏԵՐԻ ՇՐՋԱՆԱՌՈՒԹՅՈՒՆԸ ԱԱՊ ՆԵՐՍՈՒՄ ՆԵՂ ՄԱՍՆԱԳԻՏԱՑՄԱՄԲ ԲԺՇԿԻ ՄՈՏ ԿԱՄ ԼԱԲՈՐԱՏՈՐ-ԱԽՏՈՐՈՇԻՉ ՀԵՏԱԶՈՏՈՒԹՅԱՆ ՈՒՂԵԳՐԵԼԻՍ

33. ԱԱՊ հաստատության նեղ մասնագիտացմամբ բժշկի օգնության անհրաժեշտության դեպքում մանկաբույժը կամ ընտանեկան բժիշկը բժշկական հսկողության ամբուլատոր քարտը հանձնում է բնակչին, որն էլ դիմում է նեղ մասնագիտացմամբ բժշկին:

34. Այցելության ընթացքում նեղ մասնագիտացմամբ բժիշկը լրացնում է բժշկական հսկողության ամբուլատոր քարտը: Մասնագիտացված կաբինետի բուժքույրը ամբուլատոր քարտը վերադարձնում է ուղեգրող բժշկին:

35. ԱԱՊ հաստատությունից դուրս ուղեգրելու դեպքում բժշկական հսկողության ամբուլատոր քարտը տվյալ հաստատությունից դուրս չի տրվում:

Հավելված 2 ՀՀ առողջապահության նախարարի 2008 թ. սեպտեմբերի 24-ի N 17-Ն հրամանի

Ձ Ե Վ

ՄԵԾԱՀԱՍԱԿԻ ԱՄԲՈՒԼԱՏՈՐ ԲԺՇԿԱԿԱՆ ՔԱՐՏԵՐԻ ՇՐՋԱՆԱՌՈՒԹՅԱՆ ՀԱՇՎԱՌՄԱՆ ՄԱՏՅԱՆԻ

Տրման ամիս, ամսաթիվ, տարեթիվ	Բնակչի անուն, ազգանուն	Ամբուլատոր բժշկական քարտի համարը	Ամբուլատոր բժշկական քարտի ստացողի անուն, ազգանուն	Ստորագրություն	Վերադարձման ամիս, ամսաթիվ, տարեթիվ	Վերադարձնողի պաշտոնը/Անուն, ազգանուն	Ստորագրություն

 

Հավելված 3 ՀՀ առողջապահության նախարարի 2008 թ. սեպտեմբերի 24-ի N 17-Ն հրամանի

Ձ Ե Վ

ԲՆԱԿՉԻ ԱՅՑԻ ՀԱՇՎԱՌՄԱՆ

ԲՆԱԿՉԻ ԱՆՈՒՆ, ԱԶԳԱՆՈՒՆ
ԲԺՇԿԻ ԱՆՈՒՆ, ԱԶԳԱՆՈՒՆ
ԱՅՑԻ ԱՄԻՍ, ԱՄՍԱԹԻՎ

Հավելված 4 ՀՀ առողջապահության նախարարի 2008 թ. սեպտեմբերի 24-ի N 17-Ն հրամանի

Ձ Ե Վ _________________________________________________________________ (Սպասարկող Առողջության առաջնային պահպանման հաստատության անվանումը)   ՀԱՄԱՌՈՏ ԳՐԱՌՈՒՄՆԵՐԻ ԹԵՐԹԻԿ   ԱԶԳԱՆՈՒՆ __________________________________________   ԱՆՈՒՆ _____________________________________________   ՀԱՅՐԱՆՈՒՆ __________________________________________   ՀԻՄՆԱԿԱՆ ԲՆԱԿՈՒԹՅԱՆ ՎԱՅՐԸ ____________________________   ՓԱՍՏԱՑԻ ԲՆԱԿՈՒԹՅԱՆ ՎԱՅՐԸ _____________________________

Օրը, ամիսը, տարին ամբուլատոր, տնային (նշել)	Գանգատները, օբյեկտիվ քննության տվյալները, հիվանդության ընթացքը, ախտորոշումը բժշկի ազգանունը, ստորագրությունը	Հետազոտություններ, նշանակումներ, նշում անաշխատունակության թերթիկ տալու մասին