Գլխավոր տեղեկություն
Համար
N 348-Ն
Տիպ
Հրաման
Ակտի տիպ
Base act (25.10.2007-till now)
Կարգավիճակ
Գործում է
Սկզբնաղբյուր
ՀՀԳՏ 2007.10.15/27(267) Հոդ.342
Ընդունող մարմին
Տրանսպորտի և կապի նախարար
Ընդունման ամսաթիվ
27.09.2007
Ստորագրող մարմին
Տրանսպորտի և կապի նախարար
Ստորագրման ամսաթիվ
27.09.2007
Ուժի մեջ մտնելու ամսաթիվ
25.10.2007

«Գրանցված է»

ՀՀ արդարադատության

նախարարության կողմից

8 հոկտեմբերի 2007 թ.

Պետական գրանցման թիվ 11607347

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

 

27 սեպտեմբերի 2007 թ.

ք. Երևան

  N 348-Ն

 

Հ Ր Ա Մ Ա Ն

 

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԸ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

 

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» ենթակետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «իա» ենթակետի դրույթով.

 

Գործողության մեջ դնել փոստային վճարման պետական նշանները`

1. Չորրորդ համահայկական խաղերին նվիրված «ՉՈՐՐՈՐԴ ՀԱՄԱՀԱՅԿԱԿԱՆ ԽԱՂԵՐ. FOURTH PAN-ARMENIAN GAMES» գեղաթերթիկը` սահմանելով անվանագինը 360 դրամ, տպաքանակը` 20000 հատ:

2. Գառզուի ծննդյան 100-ամյակին նվիրված «Ժան Գառզու 1907-2000» և «Ժան Գառզու 1907-2000. Սեդայի դիմանկարը 1975» երկու նամականիշը` սահմանելով անվանագինը 180 և 220 դրամ, տպաքանակը` յուրաքանչյուրից 30000 հատ:

3. Ակադեմիկոս Նորայր Սիսակյանի ծննդյան 100-ամյակին նվիրված «Նորայր Սիսակյան 1907-1966» նամականիշը` սահմանելով անվանագինը 120 դրամ, տպաքանակը` 30000 հատ:

4. Ժողովրդական նվագարաններին նվիրված «քամանչա» նամականիշը` սահմանելով անվանագինը 110 դրամ, տպաքանակը` 50000 հատ:

5. Հայաստանի բուսական և կենդանական աշխարհ. Թռչուններին նվիրված «Գանգրափետուր հավալուսն. Pelecanus crispus» և «Սև անգղ. Aegypius monachus» երկու նամականիշը` սահմանելով անվանագինը 120 և 200 դրամ, տպաքանակը` յուրաքանչյուրից 50000 հատ:

6. Մանկությանը նվիրված շարք` մանուկների կողմից կատարված նկար. «Ճնճղուկներ» նամականիշը` սահմանելով անվանագինը 35 դրամ, տպաքանակը` 100000 հատ:

7. Մեսրոպ Մաշտոցի անվան Մատենադարանին նվիրված «Մեսրոպ Մաշտոցի անվան Մատենադարան» նամականիշը` սահմանելով անվանագինը 200 դրամ, տպաքանակը` 30000 հատ:

8. Հայաստանի կապի զարգացմանը նվիրված «Բագրատ Նալբանդյան 1902-1990» նամականիշը` սահմանելով անվանագինը 230 դրամ, տպաքանակը` 30000 հատ:

 

ՀՀ տրանսպորտի և կապի

նախարար`

 Ա. Մանուկյան