«Գրանցված է»

ՀՀ արդարադատության

նախարարության կողմից

10 հոկտեմբերի 2007 թ.

Պետական գրանցման թիվ 10007355

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

14 սեպտեմբերի 2007 թ. ք. Երևան

N 1416-Ն

Հ Ր Ա Մ Ա Ն

ԴԵՂԱՏԱՆ ԿԱՄ ԴԵՂԱՏՆԱՅԻՆ ԿՐՊԱԿԻ ԱՌԱՋԻՆ ՕԳՆՈՒԹՅԱՆ ՊԱՐԱԳԱՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով ՀՀ կառավարության 2007 թվականի հունիսի 21-ի «Հայաստանի Հանրապետության կառավարության 2002 թվականի հունիսի 29-ի N 867 որոշման մեջ լրացումներ և փոփոխություններ կատարելու մասին» N 747-Ն որոշմամբ հաստատված հավելվածի 8-րդ կետի 6-րդ ենթակետը և Հայաստանի Հանրապետության կառավարության 2002 թվականի օգոստոսի 15-ի «Հայաստանի Հանրապետության առողջապահության նախարարության աշխատակազմ պետական կառավարչական հիմնարկ ստեղծելու, Հայաստանի Հանրապետության առողջապահության նախարարության կանոնադրությունը և աշխատակազմի կառուցվածքը հաստատելու մասին» N 1300-Ն որոշմամբ հաստատված կանոնադրության 12-րդ կետի «դ» ենթակետը.

Հրամայում եմ`

1. Հաստատել դեղատան կամ դեղատնային կրպակի առաջին օգնության պարագաների ցանկը` համաձայն Հավելվածի:

2. Հայաստանի Հանրապետության առողջապահության նախարարի իրավական խորհրդական Ս. Քրմոյանին`

սույն հրամանը սահմանված կարգով ներկայացնել ՀՀ արդարադատության նախարարություն՝ պետական իրավական փորձաքննության և պետական գրանցման:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Հ. Քուշկյան

Հավելված ՀՀ առողջապահության նախարարի 2007 թ. սեպտեմբերի 14-ի N 1416-Ն հրամանի

Դեղատներում կամ դեղատնային կրպակներում առաջին օգնության պարագաների ցանկ

1 Հիպոթերմիա առաջացնող փաթեթ (սառեցնող)

2 Բեկակալ

3 Զարկերակային ճնշումը չափելու սարք (տոնոմետր)

4 Արյունահոսությունը դադարեցնող ձգալարան

5 Մկրատ

6 Մանրէազերծված բինտ

7 Չմանրէազերծված բինտ

8 Մանրէասպան կպչուն սպեղանի

9 Էլաստիկ բինտ

10 Կպչուն սպեղանի

11 Բամբակ (խոնավածուծ, հիգրոսկոպիկ)