«Մարալիկի հիվանդանոց» ՓԲԸ-ի եվ «Մարալիկի պոլիկլինիկա» ՓԲԸ-ի եվ «Մարալիկի առողջության կենտրոն» ՓԲԸ-ի լիցենզիաները դադարեցնելու եվ «Մարալիկի առողջության կենտրոն» ՓԲԸ-ին լիցենզիայի նոր ձեվաթուղթ տրամադրելու վերաբերյալ

Հիմք ընդունելով «Լիցենզավորման մասին» ՀՀ օրենքի 32-րդ հոդվածի 1-ին մասը, ՀՀ կառավարության 02.11.2006 թ. N 1911-Ն որոշումը և «Մարալիկի բժշկական կենտրոն» ՓԲԸ-ի 11.06.2007 թ. N 5709 դիմումը.

Հրամայում եմ`

1. Դադարեցնել «Մարալիկի հիվանդանոց» պետական փակ բաժնետիրական ընկերության N Կ-XX- 000311 և «Մարալիկի պոլիկլինիկա» պետական փակ բաժնետիրական ընկերության N Կ-XX-000287, «Մարալիկի առողջության կենտրոն» փակ բաժնետիրական ընկերության N Կ-XX-001003 լիցենզիաները:

2. «Մարալիկի առողջության կենտրոն» փակ բաժնետիրական ընկերությանը տրամադրել բժշկական օգնության և սպասարկման լիցենզիայի նոր ձևաթուղթ, վերջինիս մեջ ներառելով «Մարալիկի պոլիկլինիկա» փակ բաժնետիրական ընկերության, «Մարալիկի հիվանդանոց» փակ բաժնետիրական ընկերության N Կ-XX-000287, N Կ-XX-000311, N Կ-XX-001003 լիցենզիաների մեջ ներառված բժշկական օգնության և սպասարկման տեսակները և ձևերը:

3. ՀՀ ԱՆ աշխատակազմի լիցենզավորման բաժնի պետ Մ. Ղազարյանին՝

3.1. Ապահովել լիցենզիաների դադարեցման և լիցենզիայի նոր ձևաթղթի տրամադրման վերաբերյալ տեղեկությունների ներառումը համապատասխան գրանցամատյաններում.

3.2. Եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ հրապարակող մարմին և ՀՀ կառավարությանն առընթեր հարկային պետական ծառայություն:

4. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Ա. Ղուկասյանին:

Նախարար`

Հ. Քուշկյան