«Գրանցված է»
ՀՀ արդարադատության
նախարարության կողմից
28 նոյեմբերի 2005 թ.
 Պետական գրանցման թիվ 11805436

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

23 նոյեմբերի 2005 թ. ք. Երևան

N 1240-Ն

            Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 1999 ԹՎԱԿԱՆԻ ՀՈՒԼԻՍԻ 30-Ի N 292 ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 7-րդ հոդվածը, «Հայաստանի Հանրապետության Նախագահի 2002 թվականի մարտի 16-ի «Հայաստանի Հանրապետության կառավարության կառուցվածքը սահմանելու մասին» ՆՀ-1063 հրամանագրում փոփոխություններ և լրացում կատարելու մասին» ՀՀ Նախագահի 2005 թվականի ապրիլի 27-ի ՆՀ-74-Ն հրամանագիրը, Հայաստանի Հանրապետության կառավարության 2005 թվականի հոկտեմբերի 20-ի ` «Հայաստանի Հանրապետության տարածքային կառավարման նախարարության աշխատակազմի պետական ռեզերվների գործակալությանը բյուջետային հատկացումների գլխավոր կարգադրիչի իրավասություններ տալու, Հայաստանի Հանրապետության 2005 թվականի պետական բյուջեում և Հայաստանի Հանրապետության կառավարության 2005 թվականի փետրվարի 24-ի N 265-Ն որոշման մեջ փոփոխություններ և լրացումներ կատարելու մասին» N 1798-Ն որոշումը, ինչպես նաև «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 41-րդ հոդվածով Հայաստանի Հանրապետության ֆինանսների և էկոնոմիկայի նախարարությանը վերապահված` Հայաստանի Հանրապետության բյուջետային դասակարգման մանրամասները և կիրառման կարգը սահմանելու իրավասությունը.

Հրամայում եմ`

Հայաստանի Հանրապետության ֆինանսների նախարարի 1999 թվականի հուլիսի 30-ի «Հայաստանի Հանրապետության բյուջետային դասակարգման մանրամասները և կիրառման կարգը հաստատելու մասին» N 292 հրամանով հաստատված` «ԲՅՈՒՋԵՏԱՅԻՆ ԾԱԽՍԵՐԻ ԳԵՐԱՏԵՍՉԱԿԱՆ ԴԱՍԱԿԱՐԳՈՒՄԸ» N 4 հավելվածի 1-ին հատվածում կատարել հետևյալ փոփոխությունները և լրացումները.

1. «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՈՒԹՅՈՒՆՆԵՐ» 04 ենթահատվածը լրացնել «ՀՀ տարածքային կառավարման նախարարություն 1 04 001» տողով, իսկ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱՏԵՍՉՈՒԹՅՈՒՆՆԵՐ» 05 ենթահատվածը` «ՀՀ տարածքային կառավարման նախարարության աշխատակազմի պետական ռեզերվների գործակալություն 1 05 022» տողով,

2. «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱՏԵՍՉՈՒԹՅՈՒՆՆԵՐ» 05 ենթահատվածում «ՀՀ կառավարությանն առընթեր ջրային տնտեսության պետական կոմիտե 1 05 010» տողը շարադրել հետևյալ խմբագրությամբ` «ՀՀ տարածքային կառավարման նախարարության ջրային տնտեսության պետական կոմիտե 1 05 010», իսկ «ՀՀ կառավարությանն առընթեր արտակարգ իրավիճակների վարչություն 1 05 014» տողը` «ՀՀ տարածքային կառավարման նախարարության արտակարգ իրավիճակների վարչություն 1 05 014» տողով:

Նախարար`

Վ. Խաչատրյան