310.0001.27.11.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՐԿԱՅԻՆ ՏԵՍՉՈՒԹՅՈՒՆ

Հ Ր Ա Մ Ա Ն

27 նոյեմբերի 1998 թ.

N 01/57

ՀՀ ՀԱՐԿԱՅԻՆ ՏԵՍՉՈՒԹՅԱՆ ՏԱՐԱԾՔԱՅԻՆ ՄԱՐՄԻՆՆԵՐՈՒՄ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ԳՐԱՆՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 1998 թ. մայիսի 15-ի «Հայաստանի Հանրապետությունում հսկիչ-դրամարկղային մեքենաների ներդրման մի շարք միջոցառումների մասին» N 298 որոշման 6-րդ կետի «բ» ենթակետի

ՀՐԱՄԱՅՈՒՄ ԵՄ`

Հաստատել ՀՀ հարկային տեսչության տարածքային մարմիններում ձեռնարկությունների կողմից օգտագործվող հսկիչ-դրամարկղային մեքենաների գրանցման կարգը (կցվում է):

Հարկային տեսչության պետ

Ս. Այվազյան

ՀԱՍՏԱՏՎԱԾ Է ՀՀ հարկային տեսչության պետի 1998 թ. նոյեմբերի 27-ի N 01/57 հրամանով

ՀԱՄԱՁԱՅՆԵՑՎԱԾ Է ՀՀ ֆինանսների և էկոնոմիկայի նախարարության հետ

Կ Ա Ր Գ

ՀՀ ՀԱՐԿԱՅԻՆ ՏԵՍՉՈՒԹՅԱՆ ՏԱՐԱԾՔԱՅԻՆ ՄԱՐՄԻՆՆԵՐՈՒՄ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ԳՐԱՆՑՄԱՆ

1. Սույն կարգը մշակվել է ՀՀ կառավարության 1998 թ. մայիսի 15-ի «Հայաստանի Հանրապետությունում հսկիչ-դրամարկղային մեքենաների ներդրման մի շարք միջոցառումների մասին» N 298 որոշման 6-րդ կետի «բ» ենթակետի պահանջի համաձայն և կանոնակարգում է ՀՀ հարկային տեսչության տարածքային մարմիններում (այսուհետև` հարկային մարմիններ) ֆիզիկական և իրավաբանական անձանց, իրավաբանական անձի կարգավիճակ չունեցող ձեռնարկությունների (այսուհետև` տնտեսավարող սուբյեկտ) կողմից օգտագործվող հսկիչ-դրամարկղային մեքենաների (այսուհետև` ՀԴՄ) գրանցման կարգը:

2. ՀՀ օրենսդրությամբ սահմանված կարգով ՀԴՄ-ի պարտադիր կիրառմամբ գործունեություն իրականացնող տնտեսավարող սուբյեկտները իրենց հաշվառման վայրի հարկային մարմիններին ներկայացնում են իրենց կողմից օգտագործման համար նախատեսվող ՀԴՄ-ի (այդ թվում` վարձակալած և (կամ) ժամանակավորապես օգտագործվող) գրանցման դիմում (հավելված N 1):

Դիմումին կից ներկայացվում է ՀԴՄ-ի (ՀԴՄ-ների) անձնագիրը, ՀԴՄ-ի տեխնիկական սպասարկման և նորոգման համար ՀՀ օրենսդրությամբ սահմանված կարգով պետական գրանցում և լիցենզիա ստացած տեխնիկական սպասարկում և նորոգում իրականացնող կենտրոնի (այսուհետ` կենտրոն) հետ կնքված պայմանագրի (պայմանագրերի) պատճենները, մինչև ՀԴՄ-ի գրանցումը այդպիսի պայմանագիր կնքված լինելու դեպքում: ՀԴՄ-ի գրանցումից հետո Կենտրոնների հետ կնքված պայմանագրերը ևս ենթակա են ներկայացման հարկային մարմնին:

3. Հարկային մարմինը սույն կարգի 2-րդ կետում նշված փաստաթղթերը ստանալուց հետո, դիմումը ներկայացնելու օրվանից ոչ ուշ, քան 3 օրվա ընթացքում կատարում է ՀԴՄ-ի գրանցում:

4. Հարկային մարմինը սույն կարգի 2-րդ կետում նշված բոլոր փաստաթղթերը ստանալու և 3-րդ կետով սահմանված ժամկետում ՀԴՄ-ն չգրանցելու դեպքում 1 օրյա ժամկետում բոլոր փաստաթղթերը հետ է վերադարձնում օգտագործողին` ՀԴՄ-ն չգրանցելու պատճառների գրավոր հիմնավորմամբ:

5. Հարկային մարմինը ՀԴՄ-ն գրանցելուց հետո տնտեսավարող սուբյեկտներին տալիս է հարկային մարմնում ՀԴՄ-ի գրանցման քարտ (այսուհետև` քարտ` հավելված N 2) և գրանցման քարտի հետ տնտեսավարող սուբյեկտին վերադարձնում է սույն կարգի 3-րդ կետի համաձայն ներկայացված ՀԴՄ-ի անձնագիրը և մյուս փաստաթղթերը:

6. Օգտագործվող ՀԴՄ-ն նորով փոխարինելու և (կամ) լրացուցիչ ՀԴՄ տեղակայելու անհրաժեշտության դեպքում տնտեսավարող սուբյեկտը պարտավոր է նախքան նոր ՀԴՄ-ի օգտագործումը հարկային մարմնին ներկայացնել դիմում, նոր ՀԴՄ-ի գրանցման և նախկինում գրանցված, փոխարինման ենթակա ՀԴՄ-ն գրանցումից հանելու մասին: Դիմումին կից ներկայացնում է նաև սույն կարգի 2-րդ կետով պահանջվող փաստաթղթերը:

7. Հարկային մարմինը ՀԴՄ-ի փոխարինման և (կամ) լրացուցիչ ՀԴՄ-ի տեղակայման մասին դիմումը ստանալուց հետո ոչ ուշ, քան 5 օրվա ընթացքում գրանցում է նոր ՀԴՄ-ն և գրանցումից հանում նախկինում գրանցված ՀԴՄ-ն` տնտեսավարող սուբյեկտին տալով նոր քարտ:

8. Տնտեսավարող սուբյեկտների լուծարման, վերակազմավորման կամ բոլոր այն դեպքերում, երբ տվյալ տնտեսավարող սուբյեկտի մոտ ՀԴՄ-ն հանվում է օգտագործումից վերջինս դիմում է ներկայացնում հարկային մարմին ՀԴՄ-ն գրանցումից հանելու մասին: Հարկային մարմինը, սահմանված կարգով, ՀԴՄ-ն հանում է գրանցումից և այդ մասին քարտում կատարվում է համապատասխան գրառում, որը հաստատվում է հարկային մարմնի ղեկավարի ստորագրությամբ և կնիքով:

9. Հայաստանի Հանրապետության տարածքում կիրառման համար թույլատրվող ՀԴՄ-ի ցանկից առանձին մոդելների ՀԴՄ հանվելու դեպքում տնտեսավարող սուբյեկտները` հարկային մարմինների պահանջով, օգտագործումից հանում են այդ մոդելի ՀԴՄ-ն: Ընդ որում, տնտեսավարող սուբյեկտները, ՀԴՄ օգտագործումից պարտադիր հանելու մասին հարկային մարմինների կողմից տեղեկացվում են այդ մոդելի ՀԴՄ-ի օգտագործումից հանելու օրվանից 30 օր առաջ:

10. Քարտերը տնտեսավարող սուբյեկտները պահպանում են ՀԴՄ-ի օգտագործման վայրում` օգտագործման ամբողջ ժամանակահատվածում, և ներկայացնում են հարկային մարմինների պահանջով: ՀԴՄ-ն օգտագործումից հանելու ժամանակ քարտերը վերադարձվում են հարկային մարմնին: Հարկային մարմիններում վերադարձված գրանցման քարտերը պահվում են տվյալ ՀԴՄ-ի օգտագործումից հանելու օրվանից սկսած` 3 տարվա ընթացքում: Շահագործողի պահանջով հարկային մարմնի կողմից նրան տրվում է տեղեկանք տվյալ ՀԴՄ-ն գրանցումից հանելու մասին:

ՀԱՎԵԼՎԱԾ N 1 ՀՀ ՀԱՐԿԱՅԻՆ ՏԵՍՉՈՒԹՅԱՆ ՏԱՐԱԾՔԱՅԻՆ ՄԱՐՄԻՆՆԵՐՈՒՄ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ԳՐԱՆՑՄԱՆ ԿԱՐԳԻ

Դ Ի Մ ՈՒ Մ

ՀՀ հարկային տեսչության տարածքային մարմիններում տնտեսավարող սուբյեկտների կողմից օգտագործվող Հսկիչ-դրամարկղային մեքենաների գրանցման կարգին համապատասխան _________________________ (տնտեսավարող սուբյեկտի լրիվ անվանումը)   _________________________________________________   Խնդրում է գրանցել հսկիչ-դրամարկղային մեքենաներ թվով ________ հատ. Նշված հսկիչ-դրամարկղային մեքենաները հաշվառման վերցնելու համար ներկայացնում ենք հետևյալ տվյալները` 1. ________________________________________________ (տնտեսավարող սուբյեկտի լրիվ անվանումը, կազմակերպական-իրավական տեսակը, _________________________________________________ հասցեն, հեռախոսը, պետական ռեգիստրում գրանցման համարը, ամսաթիվը և ՀՎՀՀ) _________________________________________________ _________________________________________________ ___________________________________ 2. ________________________________________________ (ղեկավարի անունը, ազգանունը, ծառ. հեռախոսը) _________________________________________________ _________________________________________________ _________________________________________________ 3. ________________________________________________ (հաշվապահի անունը, ազգանունը, ծառ. հեռախոսը) ________________________________________________ 4. _______________________________________________ (ՀԴՄ-ների մոդելները, արտադրության տարեթիվը, հաշվիչների ցուցումները, ________________________________________________ ՀԴՄ-ների շահագործման վայրերը` նշելով դրանց կոնկրետ գտնվելու տեղը, ՀԴՄ-ների ________________________________________________ տեխնիկական անձնագրերի համարները) ________________________________________________ ________________________________________________ 5. _______________________________________________ (տեխնիկական սպասարկման և նորոգման կենտրոնների անվանումը, հասցեն, հեռախոսը) ________________________________________________ ________________________________________________ ________________________________________________   Դիմումին կից ներկայացվում է ՀԴՄ-ի տեխնիկական անձնագրեր ________ ____________ հատ, տեխնիկական սպասարկում և վերանորոգում կատարող կենտրոնների հետ կնքված պայմանագրեր___________ թերթ:   Տնտեսավարող սուբյեկտի ղեկավար _________________________ (Ա.Ա.Հ. ստորագրություն) Գլխավոր հաշվապահ* __________________________________ (Ա.Ա.Հ. ստորագրություն) Դիմումի ստացման ամսաթիվը _____ __________________ 199 թ.   Տարածքային հարկային տեսչության պետ ________________________ (Ա.Ա.Հ. ստորագրություն) _________________ * Անհատ ձեռներեցների դեպքում գլխավոր հաշվապահին վերաբերվող տողերը չեն լրացվում:

ՀԱՎԵԼՎԱԾ N 2 ՀՀ ՀԱՐԿԱՅԻՆ ՏԵՍՉՈՒԹՅԱՆ ՏԱՐԱԾՔԱՅԻՆ ՄԱՐՄԻՆՆԵՐՈՒՄ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ԳՐԱՆՑՄԱՆ ԿԱՐԳԻ

Ք Ա Ր Տ  N ___________

ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՅԻ ԳՐԱՆՑՄԱՆ

Հսկիչ դրամարկղային մեքենա __________________________________ _____________________________________________________ (մոդելը) գործարանային համարը ______________________________________ պատկանող ______________________________________________ (տնտեսավարող սուբյեկտի լրիվ անվանումը, կազմակերպական-իրավական տեսակը, հեռախոսը) գրանցված է _______________________________ տարածքային հարկային տեսչությունում ՀԴՄ-ի գրանցման N __________ Տեղակայված է _____________________________________________ _______________________________________________________ (գործունեության իրականացման հասցեն) Հաշվիչների ցուցմունքը ________________________________________ _______________________________________________________ Տեխնիկական սպասարկումը և նորոգումը կատարում է _____________________ _______________________________________________________ (տեխնիկական սպասարկման և նորոգման կենտրոնի անվանումը, հասցեն, հեռ., համարը, _______________________________________________________ պայմանագրի համարը) Տարածքային հարկային տեսչության պետ ______________________________ Կ. Տ. (ստորագրություն, ամսաթիվ) Գրանցումից հանելու մասին գրառում Գրանցումից հանելու մասին գրառում Հսկիչ-դրամարկղային մեքենան հանված է գրանցումից Տարածքային հարկային տեսչության պետ ____________________________ Կ. Տ. (ամսաթիվ, ստորագրություն)