310.0705.11.08.97

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅՈՒՆ

Հ Ր Ա Մ Ա Ն

11 օգոստոսի 1997 թ. N 705

«ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 15 ՀՈԴՎԱԾԻ 5, 6 ԵՎ 7 ԿԵՏԵՐԻ ԴՐՈՒՅԹՆԵՐԻ ՎԵՐԱԲԵՐՅԱԼ» ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ի կատարումն «Ավելացված արժեքի հարկի մասին» Հայաստանի Հանրապետության օրենքի 46 հոդվածի առաջին մասի

ՀՐԱՄԱՅՈՒՄ ԵՄ

1. Հաստատել «Ավելացված արժեքի հարկի մասին» Հայաստանի Հանրապետության օրենքի 15 հոդվածի 5, 6 և 7 կետերի դրույթների վերաբերյալ» հրահանգը:

ՀՀ հարկային տեսչության պետ

Ա. Թումանյան

Հաստատված է ՀՀ հարկային տեսչության 11.08.97 թ. N 705 հրամանով	Հաստատված է ՀՀ գյուղատնտեսության նախարարության հետ 05.08.97 թ.
Համաձայնեցված է ՀՀ ֆինանսների և էկոնոմիկայի նախարարության հետ 13.07.97 թ.	Համաձայնեցված է ՀՀ ստանդարտացման, չափագիտության ու սերտիֆիկացման վարչության հետ 06.08.97 թ.

Հ Ր Ա Հ Ա Ն Գ

«ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 15 ՀՈԴՎԱԾԻ 5, 6 ԵՎ 7 ԿԵՏԵՐԻ ԴՐՈՒՅԹՆԵՐԻ ՎԵՐԱԲԵՐՅԱԼ

Սույն հրահանգը հրապարակվում է ի կատարումն «Ավելացված արժեքի հարկի մասին» Հայաստանի Հանրապետության օրենքի 46 հոդվածի և նպատակ ունի հստակեցնել 15 հոդվածի 5, 6 և 7 կետերի դրույթները:

ՀՀ հարկային տեսչությունը, ՀՀ ֆինանսների և էկոնոմիկայի նախարարությունը, ՀՀ գյուղատնտեսության նախարարությունը և ՀՀ ստանդարտացման, չափագիտության և սերտիֆիկացման վարչությունը հայտնում են.

Համաձայն «Ավելացված արժեքի հարկի մասին» Հայաստանի Հանրապետության օրենքի 15 հոդվածի 5, 6 և 7 կետերի ավելացված արժեքի հարկից ազատվում են.

1. Մանկական սննդի իրացումը.

Մանկական սնունդ է համարվում այն մթերքը, որի արտադրության նորմատիվ փաստաթղթերում (ստանդարտ տեխնիկական պայմաններ) նշված է, որ այդ մթերքը նախատեսվում է որպես մանկական սնունդ օգտագործելու համար: Չափածրարված մանկական սննդի պիտակի կամ փաթեթվածքի վրա պարտադիր պետք է նշված լինի, որ այն նախատեսված է մանուկների օգտագործման համար: Մանկական սնունդը կարող է լինել պտղահատապտղային, բանջարամրգային, բանջարամսային, բանջարեղենային, կաթնային, կաթնաալրային, սպիտակուցաձավարային պահածոների, խտածոների և չոր խառնուրդների, խույսերի տեսքով: Մասնավորապես, մանկական սնունդ արտադրվում է ԳՈՍՏ 15849-89, ԳՈՍՏ 21831-76 միջպետական ստանդարտներով:

2. Անասնաբուժական դեղամիջոցների իրացումը.

Անասնաբուժական դեղամիջոցներ են համարվում կենդանիների հիվանդությունների կանխարգելման, ախտորոշման ու բուժման իմունակենսաբանական, բուսական, քիմիադեղագործական և այլ նյութերը, պատրաստուկները և լրացակերերը, որոնք խմբավորված են «Արտաքին տնտեսական գործունեության ապրանքային անվանացանկի» «2308», «2938», «2941», «3002», «3004» ծածկագրերում` բացի մարդկանց համար նախատեսված դեղամիջոցներից:

Անասնաբուժական նպատակով օգտագործվող առանձին դեղամիջոցների տուփերի, սրվակների վրա կամ կից հրահանգում նշվում է` «Միայն անասնաբուժական նպատակների համար» հիշեցումը:

3. Գյուղատնտեսական արտադրանքի արտադրության համար օգտագործվող թունաքիմիկատների իրացումը:

Գյուղատնտեսական արտադրանքի արտադրության համար օգտագործվող թունաքիմիկատներ համարվում են միջատասպան (ինսեկտցիդ), տզասպան (ակարիցիդ), սնկասպան (ֆանիգիցիդ), նեմատոդասպա, մկնասպան (ռոդենտիցիդ) պատրաստուկները, բիոպրեպարատները, հերբիցիդները և աճը կարգավորողները, որոնք խմբավորված են «Արտաքին տնտեսական գործունեության ապրանքային անվանացանկի» «3808» կոդի տակ: Գյուղատնտեսության մեջ օգտագործվող թունաքիմիկատների որոշ խմբերի (պեստիցիդներ) ցուցակը բերված է ԳՈՍՏ 19856-86 միջպետական ստանդարտում:

Մասնավորապես, ավելացված արժեքի հարկից ներկայումս ազատվում են ստորև բերված ցանկում նշված թունաքիմիկատները.

Ց Ա Ն Կ

ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ ՀԱՄԱՐ ՕԳՏԱԳՈՐԾՎՈՂ ԹՈՒՆԱՔԻՄԻԿԱՏՆԵՐԻ

1. Ակտելիկ	28. Տալստար	55. Պոլիկարբացին	82. Գրանստար
2. Ամբուշ	29. Տիոդան	56. Ռիդոմիլ	83. Դուել
3. Անտիո	30. Ֆաստակ	57. Սաբրոլ	84. Զենկոր
4. Ապոլլո	31. Ծծմբի թրջվող փոշի	58. Սկոր	85. Իլլոքսան
5. Ապլաուդ	32. Ծծումբ աղացած	59. Սումիլեքս	86. Պրոմետրին
6. Արրիվո	33. Ֆոզալոն	60. Տիազոն	87. Ռաունդապ
7. Բազուդին	34. Ֆյուրի	61. Տիլտ	88. Ստոմպ
8. Բենզոֆոսֆատ	35. Ֆուրադան	62. Տոլոնիտ	89. Տարգա
9. ԲԻ-58	36. Խոստակվիկ	63. Տուբարիտ	90. Տետրալ
10. Վոլատոն	37. Ցիմբուշ	64. Ֆունդազոլ	91. Տոտրիլ
11. Վոֆատոքս	38. Շերպա	65. Ագրոցիդ	92. Տրեֆլան
12. Դեցիս	39. Տոցպազ	66. Ագրոմետրին	93. Ֆենագոն
13. Դնոկ	40. Մարշալ	67. Բերետ	94. Ուտալ
14. Դուրսբան	41. Ավիկսիլ	68. ՏՄՏԴ	95. Տրոֆի
15. Զոլոն	42. Ակրոբատ	69. Վիտավաքս	96. Ֆենազոն
16. Կառատե	43. Ալտո	70. Վիտատիուրամ	97. Ֆուրորե
17. Կարբոֆոս	44. Արցերիդ	71. Սումի-8	98. Ֆյուզիլադ
18. Մավրիկ	45. Արչեր	72. Տիգամ	99. Խոմեցին
19. Մետաֆոս	46. Վայլետոն	73. Սումիլեաքս	100. Գլիֆտոր
20. Նեորոն	47. Բենլաթ	74. Տեկտո	101. Ցինկի ֆոսֆատ
21. Նիսսորան	48. Բերստան	75. Ֆենորամ	102. Գետերոֆոս
22. Նուրել	49. Բրոմմեթիլ	76. Ավադեքս	103. Գետերոաուքսին
23. Օմայթ	50. Դազոմետ	77. Բանվել	104. Կիր
24. Սանմայթ	51. Կարբատիոն	78. Բազագրան	105. Տուր
25. Սումի-ալֆա	52. Պղնձարջասպ	79. Բաստան	106. Լանիրատ
26. Սումիտիոն	53. Օքսիխոմ	80. Գեզագարդ	107. Կլերատ
27. Սումիցիդին	54. Պլանտֆաքս	81. 2,4դ-ամին. աղ	108. Շտորմ

Գյուղատնտեսական արտադրանքի արտադրության համար օգտագործվող թունաքիմիկատների իրացման ժամանակ հաշիվ-ֆակտուրա կամ այլ հաշվարկային փաստաթուղթ դուրս գրելու դեպքում դրանցում պարտադիր կարգով կատարվում է «Գյուղատնտեսական արտադրանքի արտադրության համար» նշումը:

4. Արտադրողի կողմից Հայաստանի Հանրապետությունում արտադրված գյուղատնտեսական արտադրանքի իրացումը:

«Գյուղատնտեսական արտադրանք» հասկացության մեջ ընդգրկվում են նախկին ԽՍՀՄ Պետպլանի և Պետստանդարտի կողմից 1977 թ. հրատարակված «Արդյունաբերական և գյուղատնտեսական արտադրանք: Բարձրագույն դասակարգչային խմբավորումներ» համամիութենական դասակարգչի «Բուսաբուծության, գյուղատնտեսության և անտառային տնտեսության արտադրանք» և «Կենդանաբուծության արտադրանք» խմբավորումների մեջ մտնող հետևյալ ծածկագրերով ապրանքախմբերը.

97 1000 - հացահատիկային և հացահատիկաոլոռային կուլտուրաներ

97 2000 - տեխնիկական կուլտուրաներ

97 3000 - պալարապտղային, բանջարային, բոստանային կուլտուրաներ և փակ գրունտի արտադրանք

97 4000 - դաշտային մշակման կերային կուլտուրաներ

97 5000 - կերարտադրության այլ արտադրանք

97 6000 - պարտեզների, խաղողի այգիների, բազմամյա տնկիների և ծաղկաբուծության արտադրանք

97 7000 - ծառերի և թփերի սերմեր, սերմեր պտուղներում

97 8000 - ծառերի և թփերի սածիլներ

97 9000 - ծառերի և թփերի տնկիներ

98 1000 - անասնաբուծության արտադրանք

98 2000 - խոզաբուծական արտադրանք

98 3000 - ոչխարաբուծության և այծաբուծության արտադրանք

98 4000 - թռչնաբուծության արտադրանք

98 5000 - ձիաբուծության, էշերի և ջորիների արտադրանք

98 6000 - եղջերվաբուծության ու ուղտաբուծության արտադրանք

98 7000 - ճագարաբուծության, մորթատու գազանաբուծության և որսորդական տնտեսության արտադրանք

98 8000 - ձկնաբուծության, մեղվաբուծության, շերամաբուծության, արհեստական սերմնավորման արտադրանք

Նշված ապրանքախմբերի մեջ մտնող ապրանքատեսակների մանրամասն ցանկը տրված է վերը նշված դասակարգիչներում:

Հայաստանի Հանրապետությունում արտադրված գյուղատնտեսական արտադրանքը դրա անմիջական արտադրողին պատկանելու փաստի հիմնավորման համար հիմք են ընդունվում.

ա) գյուղացիական տնտեսությունների, ֆիզիկական անձանց (այդ թվում` անհատ ձեռներեցների, այգեգործական ընկերությունների անդամների), կազմակերպչա-իրավական տարբեր տիպի ձեռնարկությունների համար`

1. Հողի սեփականության իրավունքը հաստատող փաստաթուղթը, (կամ ժամանակավոր վկայականը) կամ հողի վարձակալության վերաբերյալ պայմանագրերի կամ այգեգործական հողատարածքի տրամադրման վերաբերյալ այն հատկացնող ձեռնարկության կողմից տրված փաստաթղթի պատճենը: Կենդանաբուծության դեպքում` արտադրական տարածքի առկայությունը հաստատող փաստաթուղթ:

2. Տեղեկանք գյուղատնտեսական արտադրանքի արտադրողի կողմից մշակվող գյուղատնտեսական հողատեսքերի և կենդանաբուծական գործունեության վերաբերյալ` տրված ըստ գործունեության վայրի տեղական ինքնակառավարման մարմնի ղեկավարի (գյուղապետ, թաղապետ) կամ այգեգործական ընկերության նախագահի կողմից: Տեղեկանքի ձևը բերվում է սույն հրահանգի հավելվածում:

Արտադրանք իրացնողի մոտ, իրացման պահին, պետք է առկա լինեն նշված երկու փաստաթղթերը.

բ) գյուղացիական կոլեկտիվ տնտեսությունների և ձեռնարկությունների գյուղատնտեսական արտադրանք արտադրող ու ինքնուրույն տնտեսավարող սուբյեկտ չհամարվող օժանդակ տնտեսությունների համար`

համապատասխան հիմնավորող սկզբնական հաշվապահական փաստաթուղթը (հաշիվ-ֆակտուրա, բեռնառաքման ապրանքագիր և այլն):

Հավելված «Ավելացված արժեքի հարկի մասին» ՀՀ օրենքի 15 հոդվածի 5, 6 և 7 կետերի դրույթների վերաբերյալ» հրահանգի

Տ Ե Ղ Ե Կ Ա Ն Ք

ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔ ԱՐՏԱԴՐՈՂԻ ԿՈՂՄԻՑ ՄՇԱԿՎՈՂ ԳՅՈՒՂԱՏՆՏԵՍԱԿԱՆ ՀՈՂԱՏԵՍՔԵՐԻ ԵՎ ԿԵՆԴԱՆԱԲՈՒԾԱԿԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ 199- ԹՎԱԿԱՆԻ ՀԱՄԱՐ

Տրվում է _______________________________________________ ձեռնարկության անվանումը կամ ֆիզիկական անձի անուն, ազգանունը առ այն, որ նա ______________________________________________ բնակավայրի այգեգործական ընկերության անվանումը սեփականության իրավունքով, վարձակալական հիմունքներով, մշտական ________________________________________________________ անհրաժեշտն ընդգծել օգտագործման իրավունքով ________________________________________________________ մշակում է ________ հեկտար հողատարածք հետևյալ հողատեսքերով` այդ թվում 1. վարելահող _________ հեկտար _____________________________ նշել կուլտուրաների ________________________________________________________ խումբը և մշակվող տարածքը ________________________________________________________ 2. այգի _____ հեկտար _____________________________________ ________________________________________________________ նշել կուլտուրայի անվանումը և մշակվող տարածքը 3. խոտհարք _____________________________________________ զբաղվում է կենդանաբուծությամբ և ունի ____________________________ ________________________________________________________ նշել կենդանու տեսակը և գլխաքանակները (մեղվաբուծության դեպքում` փեթակների ________________________________________________________ թիվը, ձկնաբուծության, շերամապահության դեպքում` չի լրացվում) տեղեկանք տալու ________________________________________________________ օրվա դրությամբ ________________________________________________________ ________________________________________________________ Ընտանիքի կազմը _______________________________________ ձեռնարկության համար լրացվում է իրացումը (վաճառքը) իրականացնելու համար լիազորված անձանց անուն, ազգանունը և անձնագրային տվյալները ___________________________________________ ___________________________________________ Տեղական ինքնակառավարման մարմնի ղեկավար (գյուղապետ, թաղապետ) կամ այգեգործական ընկերության նախագահ Կ.Տ. (ստորագրություն)