120.0061.05.04.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ

ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

5.04.1999 թ. քաղ. Երևան

N 61

ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐ ԵՎ ԴՐԱՆՑ ԼՐԱՑՄԱՆ ՀՐԱՀԱՆԳ ՀԱՍՏԱՏԵԼՈՒ ՄԱՍԻՆ

Հիմք ընդունելով «Պետական վիճակագրության մասին» ՀՀ օրենքի 9 հոդվածի «ժ» ենթակետը և Հայաստանի Հանրապետության վիճակագրության, պետական ռեգիստրի և վերլուծության նախարարության կանոնադրության 12 կետի «թ» ենթակետը`

ՀՐԱՄԱՅՈՒՄ ԵՄ`

Հաստատել պետական վիճակագրական հետևյալ հաշվետվությունները և դրանց լրացման հրահանգը.

«Արդյունաբերության ոլորտի կազմակերպությունների արտադրանքի մեծածախ գների հաշվառման մասին»` ձև թիվ 1-ՄԳ:

«Արդյունաբերության ոլորտի կազմակերպությունների արտադրանքի իրացման գների հաշվառման մասին»` ձև թիվ 1-ԻԳ:

Նախարար

Ս. Մնացականյան

Հաստատված է հՀ վիճակագրության, պետական ռեգիստրի և վերլուծության նախարարի 05.04.1999 թ. թիվ 61 հրամանով

Հ Ր Ա Հ Ա Ն Գ

«Արդյունաբերության ոլորտի կազմակերպությունների արտադրանքի մեծածախ գների հաշվառման մասին» ձեվ թիվ-1 ՄԳ (ամսական), «Արդյունաբերության ոլորտի կազմակերպությունների արտադրանքի իրացման գների հաշվառման մասին» ձեվ թիվ 1-ԻԳ (ամսական) պետական վիճակագրական հաշվետվությունների լրացման

Սույն հրահանգը մշակված է ՀՀ Ազգային ժողովի կողմից 25.05.96 թ. ընդունված «Պետական վիճակագրության մասին» ՀՀ օրենքի 9 հոդվածի «ժ» կետի համաձայն:

ՀԻՄՆԱԿԱՆ ԴՐՈՒՅԹՆԵՐ

Հրահանգը սահմանում է արդյունաբերության ոլորտի կազմակերպությունների արտադրանքի մեծածախ և իրացման գների հաշվառման գծով (ձև 1-ՄԳ, ձև 1-ԻԳ) հաշվետվությունների (այսուհետ հաշվետվություններ) լրացման կարգը:

Հաշվետվությունները ներկայացնում են արդյունաբերական արտադրանքի մեծածախ և իրացման գների դիտարկման համար ՀՀ վիճնախարարության կողմից ընտրանքային կարգով ընտրված առևտրային կազմակերպությունները, պետական հիմնարկները (այսուհետ` կազմակերպություններ), որոնք նախապես գրավոր տեղեկացվում են վիճակագրական մարմինների կողմից:

«Արդյունաբերության ոլորտի կազմակերպությունների արտադրանքի մեծածախ գների հաշվառման մասին» (ձև թիվ 1-ՄԳ), «Արդյունաբերության ոլորտի կազմակերպությունների արտադրանքի իրացման գների հաշվառման մասին» (ձև թիվ 1-ԻԳ) հաշվետվությունները ներկայացվում են ըստ վիճակագրական ձևերում նշված ժամկետի և հասցեատերերի ամսական պարբերականությամբ:

Հաշվետվությունները կազմվում են յուրաքանչյուր ամիս հաշվետու և նախորդ ժամանակաշրջանի համար:

Սույն հրահանգի իմաստով հաշվետու ժամանակաշրջան է համարվում ամիսը:

Փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ*:

_____

* Առավել մեծ տեսակարար կշռի որոշման համար առաջարկվում է կողմնորոշվել ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող չափանիշներով:

Փաստացի գործունեության հիմնական տեսակի ծածկագիրը լրացվում է ձեռնարկությունների պետական ռեգիստրի կողմից տրված վկայականից կամ (եթե վկայականում տվյալ գործունեության տեսակը նշված չէ) տնտեսական գործունեության ընդհանուր դասակարգչի հիման վրա` անհրաժեշտության դեպքում ստանալով դրա համար խորհրդատվություն վիճակագրական մարմիններից:

Վիճակագրական հաշվետվությունները ստորագրում է կազմակերպության ղեկավարը, ինչպես նաև նշվում է կատարողի (գլխավոր հաշվապահ կամ դրա համար լիազորված այլ աշխատակից) ազգանունն ու հեռախոսի համարը:

Վիճակագրական տեղեկությունների ներկայացման հետ կապված այլ խնդիրները կարգավորվում են ՀՀ օրենքներով և այլ իրավական ակտերով (տես նաև` «Պետական վիճակագրական աշխատանքների իրականացման համար վիճակագրական տեղեկությունների ներկայացման կարգը» հաստատված ՀՀ կառավարության 15.01.99 թ. թիվ 23 որոշմամբ):

ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԲԱԶԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԸՆՏՐՈՒԹՅՈՒՆԸ

Արդյունաբերական արտադրանքի գների ուսումնասիրությունը կատարվում է արդյունաբերողների արտադրանքի գների ինդեքսի հաշվարկման համար:

Արդյունաբերական արտադրանքի գների փոփոխության դիտարկումն իրականացվում է ընտրանքային կարգով ընտրված արդյունաբերության ոլորտի բազային կազմակերպությունների (իրավաբանական անձանց, հիմնարկների) տվյալների հիման վրա:

Բազային կազմակերպությունների ընտրությունը կատարվում է վիճակագրական մարմինների կողմից, խորհրդակցելով համապատասխան նախարարությունների, գերատեսչությունների, կազմակերպությունների հետ:

Հետազոտվող օբյեկտների կազմում ներգրավվում են արդյունաբերության այս կամ այն ճյուղի արտադրության ծավալում որոշակի կշիռ ունեցող կազմակերպությունները: Չեն ընտրվում այն կազմակերպությունները, որոնց արտադրանքը ունի ժամանակավոր բնույթ:

ԱՐՏԱԴՐԱՆՔ-ՆԵՐԿԱՅԱՑՈՒՑԻՉՆԵՐԻ ԸՆՏՐՈՒԹՅՈՒՆԸ

Գների դիտարկման համար արտադրանք-ներկայացուցիչներն* ընտրվում են հետևյալ սկզբունքներից ելնելով.

- արտադրանքի արտադրությունը նախատեսված պետք է լինի երկարատև ժամանակով (առնվազն մեկ տարի).

- արտադրանքը պետք է ներկայացուցչական լինի տվյալ ապրանքախմբի արտադրության ընդհանուր ծավալում: Եթե կազմակերպությունում երկու տիպի արտադրանք կա, որոնք գերակշռում են ընդհանուր արտադրության ծավալում, ապա կարող են դիտարկվել երկուսն էլ.

- ապրանքային խմբի ապախոշորացման դեպքում միատիպ ապրանքային ենթախմբերում առանձին ապրանքատեսակների գների տատանումը պետք է լինի նվազագույնը.

- ճյուղերում, որտեղ արտադրությունը բավական արագ է նորացվում (օրինակ թեթև արդյունաբերություն` կոշիկ և այլն), կարելի է անվանացանկի մեջ ներգրավել ոչ թե առանձին արտադրատեսակներ, այլ ապրանքային խմբեր:

____

* Այն արտադրատեսակներն են, որոնք ընտրվում են նույնատիպ արտադրատեսակներից արդյունաբերական արտադրանքի մեծածախ և իրացման գների դիտարկման նպատակով:

«ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԱՐՏԱԴՐԱՆՔԻ ՄԵԾԱԾԱԽ ԳՆԵՐԻ ՀԱՇՎԱՌՄԱՆ ՄԱՍԻՆ» (ՁԵՎ ԹԻՎ 1-ՄԳ) ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 Դիտարկման ժամանակ գրանցվում է արդյունաբերության ոլորտի կազմակերպությունների արտադրանքի մեծածախ գինն առանց ավելացված արժեքի և ակցիզային հարկերի: Հաշվետվության լրացման համար հիմք են հանդիսանում արտադրված արտադրանքի վերաբերյալ կամ արտադրանքի առաքման պայմանագրերով նախատեսված գների մասին տվյալները: Եթե գների գրանցման պահին արտադրություն չի եղել, ապա վիճակագրական ձևերում գրանցվում է այն գինը, որով գրանցմանն ամենամոտ ժամանակահատվածում (նախորդ գրանցումից հետո) իրականացվել է արտադրանքի թողարկումը:

Երկարատև ցիկլով ապրանքների արտադրության համար (որոնց բեռնառաքումը մի քանի ամսվա մեջ չի կատարվել) վիճակագրական ձևում գների մասին տեղեկատվությունը լրացվում է առաքման համար կնքված փաստաթղթերում նշված գների մասին տվյալների հիման վրա:

Վիճակագրական ձևում գրանցվում է յուրաքանչյուր ամսվա ընթացքում ձևավորված արտադրված (իրացված) արտադրանքի միջին կշռված ամսական գինը, որը հաշվարկվում է արտադրանքի գնի և քանակի արտադրյալների հանրագումարը հարաբերելով քանակների գումարին:

P	=	n   ∑   Pj Qj   j = 1
		____________     n   ∑   Qj   j = 1

որտեղ` - P - արտադրանքի ամսական միջին կշռված գինն է,

P_j  - j-րդ արտադրանքի գինն է,

Q_j - j-րդ արտադրանքի քանակն է:

Օրինակ - ենթադրենք, հաշվետու ամսվա ընթացքում արտադրվել (իրացվել) է արտադրանք` կաուստիկ սոդա երեք խմբաքանակով և ձևավորվել են հետևյալ գները`

կաուստիկ սոդա	չափի միավորը	արտադրանքի գինը (P) (հազար դրամ)	արտադրանքի քանակը (Q)
I խմբաքանակ	տ	200.0	200.0
II խմբաքանակ	տ	225.0	250.0
III խմբաքանակ	տ	235.0	400.0

Ըստ վերը նշված բանաձևի, ձևավորված միջին կշռված ամսական գինը հաշվարկվում է հետևյալ կերպ.

_ P	=	200.0 * 200.0 + 225.0 * 250.0 + 235.0 * 400.0	=	223.82
		200.0 + 250.0 + 400.0

Ընտրված արտադրանք ներկայացուցիչների գների գրանցումը կատարվում է մշտապես, ամբողջ տարվա ընթացքում:

Դիտարկվող ապրանքատեսակի փոխարինումը համանման այլ ապրանքատեսակով իրականացվում է այդ ապրանքատեսակի արտադրության դադարեցման դեպքում: Ընդ որում դիտարկվող նոր ապրանքատեսակի համար գրանցվում է նաև բազիսային ժամանակաշրջանի (նախորդ ամսվա և նախորդ տարվա համապատասխան ամսվա) գինը:

Գների գրանցումն իրականացվում է ընտրված անվանացանկին համապատասխան, ընդ որում նախորդ ժամանակաշրջանի գների վերաբերյալ տվյալները փոխանցվում են հաշվետու ամսվա ձևի մեջ: Եթե արտադրանք-ներկայացուցիչը չի արտադրվել հաշվետու ամսում, ապա վերցվում է կազմակերպության կողմից տվյալ ամսվա համար հաշվարկված (հաշվարկային) գինը: Վերջինիս բացակայության դեպքում օգտագործվում է հարաբերական գինը, որի հաշվարկման համար տվյալ ապրանքախմբի մյուս ապրանքների գների միջին ինդեքսն օգտագործվում է բացակա ապրանքատեսակի գնի հաշվարկման համար: Երեք ամսից ավելի արտադրանք-ներկայացուցչի բացակայության դեպքում այն փոխարինվում է նորով, եթե այն կապված չէ հանրապետությունում էներգետիկ, տրանսպորտային և ժամանակավոր այլ սահմանափակումների հետ:

Եթե ընտրված արտադրանք-ներկայացուցիչը չի արտադրվել նախորդ (բազիսային) տարում, սակայն ընթացիկ տարում այն դիտարկվում է, ապա բազիսային ժամանակաշրջանի համար կիրառվում է հարաբերական գին, իսկ ծավալը հաշվարկվում է ընթացիկ ժամանակաշրջանում ապրանքախմբի (ենթաճյուղի) մեջ նրա տեսակարար կշռով:

Գների դիտարկում և գրանցում կարող են իրականացնել նաև վիճակագրական մարմինների աշխատողներին` բազային կազմակերպություն այցելելով:

«ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԱՐՏԱԴՐԱՆՔԻ ԻՐԱՑՄԱՆ ԳՆԵՐԻ ՀԱՇՎԱՌՄԱՆ ՄԱՍԻՆ» (ՁԵՎ ԹԻՎ 1-ԻԳ) ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

«Արդյունաբերության ոլորտի կազմակերպությունների արտադրանքի իրացման գների հաշվառման մասին» ձևում լրացվում է իրացված արտադրանքի քանակը բնաիրային արտահայտությամբ և արտադրանք-ներկայացուցչի համար ձևավորված իրացման միջին կշռված գինը: Հաշվետվությունը լրացվում է «Արդյունաբերության ոլորտի կազմակերպությունների արտադրանքի մեծածախ գների հաշվառման մասին» (ձև թիվ 1-ՄԳ) լրացման կարգին համաձայն:

Ծանոթություն._ Ապրանքափոխանակման կարգով (բարտեր), աշխատողներին բնաիրային ձևով վարձատրման (աշխատավարձի) դիմաց, կամ այլ վճարումներ (բնաիրային ձևով) կատարելու դեպքում վիճակագրական ձևում լրացվում է տվյալ արտադրանքի իրացման փաստացի ձևակերպման գին, իսկ քանակը` որպես իրացված արտադրանքի քանակ բնաիրային արտահայտությամբ:

ՀՀ ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

ծածկագրերն ըստ

Ներկայացվում է համաձայն «Պետական վիճակագրության մասին» ՀՀ օրենքի, ՀՀ կառավարության կողմից հաստատված «Պետական վիճակագրական աշխատանքների ծրագրի» և «Պետական վիճակագրական աշխատանքների իրականացման համար վիճակագրական տեղեկությունների ներկայացման» կարգի

ՁԿԴ-ի ** (Ձեռնարկությունների կոդերի դասակարգիչ)

ՊԿՄՆՀ-Ի * (Պետական կառավարման մարմինների նշանակման համակարգիչ)

ՏԳԸԴ-Ի ** (Տնտեսական գործունեության ընդհանուր դասակարգիչ)

Ում է ներկայացվում _________________________                                               (անվանումը) Ով է ներկայացնում __________________________                                                  (անվանումը) Հիմնադիրները (մասնակիցները)***                 1  □  2 □  3 □  4 □ 1 պետություն 2 համայնք 3 իրավաբանական անձ 4 քաղաքացի Օտարերկրյա մասնակցի առկայության դեպքում անհրաժեշտ է կատարել նշում □   Կազմակերպական-իրավական ձևը __________   ծածկագիրը **       I_I_I   Փաստացի գործունեության հիմնական տեսակը __________________ծածկագիրը **    I_I_I_I_I_I   Ձեռնարկությունների պետռեգիստրում գրանցման համարը **                             I_I_I_I_I_I_I_I_I_I_I_I   Նույնականացման (իդենտիֆիկացիոն) կոդը **                                                     I_I_I_I_I_I_I_I_I   Մարզը ______________                                                I_I_I   Հասցեն _________________   *) Ծածկագրերը լրացվում են վիճակագրական մարմինների կողմից **) Լրացվում է ձեռնարկությունների պետռեգիստրի կողմից տրված գրանցման վկայականից (կամ ՏԳԸԴ-ի հիման վրա) ***) Մի քանի հիմնադրի (մասնակցի) դեպքերում □  նշումները կատարվում են միաժամանակ` համապատասխան վանդակներում

Ձև N 1-ՄԳ փոստային - ամսական Հաստատված է` ՀՀ Վիճնախարարի 1999 թ. ապրիլի 5-ի թիվ 61 հրամանով Ներկայացվում է` վիճակագրության տեղական բաժանմունք կամ մարզային (Երևանի քաղաքային) վարչություն   Ներկայացնում են` ՀՀ վիճնախարարության կողմից ընտրանքային կարգով ընտրված առևտրային կազմակերպությունները, պետական հիմնարկները:    Հաշվետվության ներկայացման ժամկետը` հաշվետու ժամանակաշրջանից հետո 2-րդ օրը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն` ՀՀ օրենսդրությամբ սահմանված կարգով:

Հ Ա Շ Վ Ե Տ Վ ՈՒ Թ Յ ՈՒ Ն

ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԱՐՏԱԴՐԱՆՔԻ

ՄԵԾԱԾԱԽ ԳՆԵՐԻ ՀԱՇՎԱՌՄԱՆ ՄԱՍԻՆ

19 __ թվականի __________ ամսվա համար

(տվյալները լրացվում են առանց ավելացված արժեքի և ակցիզային հարկերի)

Ապրանքատեսակների անվանումը	Չափի միավորը	Ընթացիկ ամսում		Նախորդ տարվա համապատասխան ամսում		նշումներ
		արտադրված արտադրանքի քանակը բնաիրային արտահայ- տությամբ	արտադրված արտադրանքի մեկ միավորի գինը (դրամ)	արտադրված արտադրանքի քանակը բնաիրային արտահայ- տությամբ	արտադրված արտադրանքի մեկ միավորի գինը (դրամ)
Ա	Բ	1	2	3	4	5

__  _______ 19 _____ թ. _____________________ կատարողի ազգանունը և հեռախոսի համարը (գլխավոր հաշվապահ կամ այլ լիազորված անձ)

Ղեկավար` __________

Ցուցում.

«Ա», «Բ» - բաժիններում համապատասխանաբար լրացվում է թողարկված արտադրանքի անվանումը մակնիշը (մարկան)

և չափի միավորը:

«1» - բաժնում գրանցվում է ընթացիկ ամսում իրացված արտադրանքի քանակը բնաիրային արտահայտությամբ:

«2» - բաժնում գրանցվում է ընթացիկ ամսում ձևավորված արտադրանք-ներկայացուցչի իրացման միջին կշռված գինը:

«3», «4» - բաժինները լրացվում են միայն նոր արտադրանք-ներկայացուցչի առկայության դեպքում:

«5» - բաժնում գների նկատելի փոփոխությունների (նախորդ ժամանակաշրջանի նկատմամբ) և այլ դեպքերում տրվում են լրացուցիչ

հիմնավորումներ:

Գների գրանցումը իրականացվում է ընտրված ցանկին խիստ համապատասխան: Եթե որևէ արտադրանք-ներկայացուցիչ չի

արտադրվել հաշվետու ամսում, ապա վերցվում է ձեռնարկության կողմից տվյալ ամսվա համար հաշվարկված (հաշվարկային)

գինը: Երեք ամսից ավել արտադրանք-ներկայացուցչի բացակայության դեպքում, այն փոխարինվում է նորով (եթե այն

կապված չէ էներգետիկ, տրանսպորտային և այլ ժամանակավոր սահմանափակումների հետ) նախօրոք տեղյակ պահելով

վիճակագրական մարմիններին:

ՀՀ ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

ծածկագրերն ըստ

Ներկայացվում է համաձայն «Պետական վիճակագրության մասին» ՀՀ օրենքի, ՀՀ կառավարության կողմից հաստատված «Պետական վիճակագրական աշխատանքների ծրագրի» և «Պետական վիճակագրական աշխատանքների իրականացման համար վիճակագրական տեղեկությունների ներկայացման» կարգի

ՁԿԴ-ի ** (Ձեռնարկությունների կոդերի դասակարգիչ)

ՊԿՄՆՀ-Ի * (Պետական կառավարման մարմինների նշանակման համակարգիչ)

ՏԳԸԴ-Ի ** (Տնտեսական գործունեության ընդհանուր դասակարգիչ)

Ում է ներկայացվում _________________________                                               (անվանումը) Ով է ներկայացնում __________________________                                                  (անվանումը) Հիմնադիրները (մասնակիցները)***                 1  □  2 □  3 □  4 □ 1 պետություն 2 համայնք 3 իրավաբանական անձ 4 քաղաքացի Օտարերկրյա մասնակցի առկայության դեպքում անհրաժեշտ է կատարել նշում □   Կազմակերպական-իրավական ձևը __________   ծածկագիրը **       I_I_I   Փաստացի գործունեության հիմնական տեսակը __________________ծածկագիրը **    I_I_I_I_I_I   Ձեռնարկությունների պետռեգիստրում գրանցման համարը **                             I_I_I_I_I_I_I_I_I_I_I_I   Նույնականացման (իդենտիֆիկացիոն) կոդը **                                                     I_I_I_I_I_I_I_I_I   Մարզը ______________                                                I_I_I   Հասցեն _________________   *) Ծածկագրերը լրացվում են վիճակագրական մարմինների կողմից **) Լրացվում է ձեռնարկությունների պետ-ռեգիստրի կողմից տրված գրանցման վկայականից (կամ ՏԳԸԴ-ի հիման վրա) ***) Մի քանի հիմնադրի (մասնակցի) դեպքերում □  նշումները կատարվում են միաժամանակ` համապատասխաններում վանդակներում

Ձև N 1-ՄԳ փոստային - ամսական Հաստատված է` ՀՀ Վիճնախարարի 1999 թ. ապրիլի 5-ի թիվ 61 հրամանով Ներկայացվում է` վիճակագրության տեղական բաժանմունք կամ մարզային (Երևանի քաղաքային) վարչություն   Ներկայացնում են` ՀՀ վիճնախարարության կողմից ընտրանքային կարգով ընտրված առևտրային կազմակերպությունները, պետական հիմնարկները:    Հաշվետվության ներկայացման ժամկետը` հաշվետու ժամանակաշրջանից հետո 2-րդ օրը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն` ՀՀ օրենսդրությամբ սահմանված կարգով:

Հ Ա Շ Վ Ե Տ Վ ՈՒ Թ Յ ՈՒ Ն

ԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԿԱԶՄԱԿԵՐՊՈՒԹՅՈՒՆՆԵՐԻ ԱՐՏԱԴՐԱՆՔԻ ԻՐԱՑՄԱՆ ԳՆԵՐԻ ՀԱՇՎԱՌՄԱՆ ՄԱՍԻՆ

19 ___ թվականի ____________ ամսվա համար

(տվյալները լրացվում են առանց ավելացված արժեքի և ակցիզային հարկերի)

Ապրանքատեսակների անվանումը	Չափի միավորը	Ընթացիկ ամսում		Նախորդ տարվա համապատասխան ամսում		նշումներ
		իրացված արտադրանքի քանակը բնաիրային արտահայ- տությամբ	իրացված արտադրանքի մեկ միավորի գինը (դրամ)	իրացված արտադրանքի քանակը բնաիրային արտահայ- տությամբ	իրացված արտադրանքի մեկ միավորի գինը (դրամ)
Ա	Բ	1	2	3	4	5

__  _______ 19 _____ թ. _____________________ կատարողի ազգանունը և հեռախոսի համարը (գլխավոր հաշվապահ կամ այլ լիազորված անձ)

Ղեկավար` __________

Ցուցում.

«Ա», «Բ» - բաժիններում համապատասխանաբար լրացվում է թողարկված արտադրանքի անվանումը մակնիշը (մարկան)

և չափի միավորը:

«1» - բաժնում գրանցվում է ընթացիկ ամսում իրացված արտադրանքի քանակը բնաիրային արտահայտությամբ:

«2» - բաժնում գրանցվում է ընթացիկ ամսում ձևավորված արտադրանք-ներկայացուցչի իրացման միջին կշռված գինը:

«3», «4» - բաժինները լրացվում են միայն նոր արտադրանք-ներկայացուցչի առկայության դեպքում:

«5» - բաժնում գների նկատելի փոփոխությունների (նախորդ ժամանակաշրջանի նկատմամբ) և այլ դեպքերում տրվում են լրացուցիչ

հիմնավորումներ:

Գների գրանցումը իրականացվում է ընտրված ցանկին խիստ համապատասխան: Եթե որևէ արտադրանք-ներկայացուցիչ չի

արտադրվել հաշվետու ամսում, ապա վերցվում է ձեռնարկության կողմից տվյալ ամսվա համար հաշվարկված (հաշվարկային)

գինը: Երեք ամսից ավել արտադրանք-ներկայացուցչի բացակայության դեպքում, այն փոխարինվում է նորով (եթե այն

կապված չէ էներգետիկ, տրանսպորտային և այլ ժամանակավոր սահմանափակումների հետ) նախօրոք տեղյակ պահելով

վիճակագրական մարմիններին:

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

29 հունիսի 1999 Թ.

ՊԵՏԱԿԱՆ ԳՐԱՆՑՄԱՆ ԹԻՎ 120990108