«Գրանցված է»
ՀՀ արդարադատության
նախարարության կողմից
7 փետրվարի 2003 թ.
Պետական գրանցման թիվ 10203080

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

7 փետրվարի 2003 թ. ք. Երևան

N 67-Ն

Հ Ր Ա Մ Ա Ն

ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ԳՈՐԾԱԿԱԼՈՒԹՅԱՆ ՊԵՏԻ ԿԱՐԳԱԴՐՈՒԹՅՈՒՆՆԵՐԻ ԳՐԱՆՑԱՄԱՏՅԱՆԻ ՁԵՎԸ ԵՎ ՎԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2002 թվականի նոյեմբերի 28-ի «Հայաստանի Հանրապետության արդարադատության նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության արդարադատության նախարարության կանոնադրությունը և աշխատակազմի կառուցվածքը հաստատելու մասին» թիվ 1917-Ն որոշմամբ հաստատված «Հայաստանի Հանրապետության արդարադատության նախարարության կանոնադրության» 8-րդ կետի իթ) ենթակետի համաձայն.

Հրամայում եմ՝

1. Հաստատել Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության պետի կարգադրությունների գրանցման գրանցամատյանի վարման կարգը (հավելված 1):

2. Հաստատել Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության պետի կարգադրությունների գրանցման գրանցամատյանի ձևը (հավելված 2):

Նախարար՝

Դ. Հարությունյան

Հավելված N 1   Հաստատված է ՀՀ արդարադատության նախարարի 2003 թվականի փետրվարի 7-ի թիվ 67-Ն հրամանով

Կ Ա Ր Գ

ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ԳՈՐԾԱԿԱԼՈՒԹՅԱՆ ՊԵՏԻ ԿԱՐԳԱԴՐՈՒԹՅՈՒՆՆԵՐԻ ԳՐԱՆՑԱՄԱՏՅԱՆԻ ՎԱՐՄԱՆ

1. Սույն կարգով կարգավորվում են Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության պետի կարգադրությունների (այսուհետ` կարգադրություն) գրանցման գրանցամատյանի վարման հետ կապված հարաբերությունները:

2. Կարգադրության պետական գրանցումն իրականացվում է պետական գրանցման գրանցամատյանում (այսուհետ՝ գրանցամատյան) համապատասխան գրառում կատարելու միջոցով:

3. Գրանցամատյանում ըստ հերթականության գրառվում են՝

ա) կարգադրության համարը.

բ) կարգադրության վերնագիրը.

գ) կարգադրության ստորագրման տարին, ամիսը, ամսաթիվը։

Գրանցամատյանում կարող են կատարվել նաև այլ գրառումներ:

4. Գրանցամատյանում գրանցման համարների հերթականությունը վերսկսվում է յուրաքանչյուր տարվա հունվարի մեկից:

5. Գրանցամատյանում գրառումները պետք է արվեն առանց կրճատումների, ջնջումների և տողեր բաց թողնելու, պարզ ու ընթեռնելի ձեռագրով: Գրանցամատյանում նշումները պետք է կատարվեն գրիչով:

6. Գրանցամատյանը խիստ հաշվառման փաստաթուղթ է: Այն պետք է լինի կարված (ժապավենված), իսկ թերթերը՝ համարակալված:

7. Թերթերի քանակը պետք է հաստատվի Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության կնիքով:

Հավելված N 2   Հաստատված է ՀՀ արդարադատության նախարարի 2003 թվականի փետրվարի 7-ի թիվ 67-Ն հրամանով

Գ Ր Ա Ն Ց Ա Մ Ա Տ Յ Ա Ն

ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ԳՈՐԾԱԿԱԼՈՒԹՅԱՆ ՊԵՏԻ ԿԱՐԳԱԴՐՈՒԹՅՈՒՆՆԵՐԻ

Կարգադրության համարը	Կարգադրության վերնագիրը	Կարգադրության ստորագրման տարին, ամիսը, ամսաթիվը	Այլ գրառումներ