102.0104.01.03.02

«Գրանցված է»
ՀՀ արդարադատության
նախարարության կողմից
7 մարտի 2002 թ.
Պետական գրանցման թիվ 10202047

1 մարտի 2002 թ. Երևան

N 104

ՆՈՏԱՐԱԿԱՆ ԳՐԱՆՑԱՄԱՏՅԱՆԻ ՁԵՎԸ ԵՎ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐԻ ԿԱՏԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Նոտարիատի մասին» Հայաստանի Հանրապետության օրենքի 50-րդ հոդվածի 3-րդ կետի համաձայն

Հրամայում եմ

Հաստատել Նոտարական գրանցամատյանի ձևը և գրանցամատյանում գրանցումների կատարման կարգը (կցվում են):

Նախարար

Դ. Հարությունյան

Հաստատված է ՀՀ արդարադատության նախարարի 2002 թվականի մարտի 1-ի N 104 հրամանով

Գ Ր Ա Ն Ց Ա Մ Ա Տ Յ Ա Ն

ՆՈՏԱՐԱԿԱՆ ԳՈՐԾՈՂՈՒԹՅՈՒՆՆԵՐԻ ԳՐԱՆՑՄԱՆ

ՆՈՏԱՐ ____________________
_______________ թվական N

Նոտա- րական գործո- ղության N-ը	Նոտարական գործողության կատարման ամսաթիվը, ամիսը, տարեթիվը	Անձանց կամ նրանց ներկայացուցիչների ազգանունը, անունը, հայրանունը և բնակության վայրը, որոնց համար կատարված է նոտարական գործողությունը	Նոտարական գործողության կատարմանը ներկայացած անձի ինքնությունը հաստատող փաստաթուղթը	Նոտարական գործողության բովանդա- կությունը	Գանձ- ված է պետական տուրք կամ նշում պետական տուրքի վճարումից ազատված լինելու մասին	Ստորա- գրություն նոտարական կարգով վավերացված փաստաթուղթը ստանալու մասին
1	2	3	4	5	6	7

Հաստատված է ՀՀ արդարադատության նախարարի 2002 թվականի մարտի 1-ի N 104 հրամանով

Կ Ա Ր Գ

ՆՈՏԱՐԱԿԱՆ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐԻ ԿԱՏԱՐՄԱՆ

1. Սույնով սահմանվում է նոտարների կողմից նոտարական գրանցամատյաններում գրանցումների կատարման կարգն ու պայմանները:

2. «Նոտարիատի մասին» Հայաստանի Հանրապետության օրենքի (այսուհետև` օրենք) 39-րդ հոդվածի համապատասխան նոտարական գրանցամատյանում գրանցումները պետք է կատարվեն հայերենով:

3. Նոտարական գրանցամատյանում գրանցումների կատարման կարգի խախտման համար պատասխանատվություն է կրում նոտարը` անկախ այն հանգամանքից, թե նա այդ աշխատանքներն իրականացնում է անձա՞մբ, թե նրա ստաժորը կամ նոտարի աշխատակազմի աշխատողը:

4. Նոտարների կողմից կատարվող բոլոր նոտարական գործողությունները գրանցվում են հատուկ գրանցամատյանում (սեղանամատյանում): Յուրաքանչյուր նոտարական գործողություն կրում է առանձին հերթական համար: Գրանցամատյանում գրանցված նոտարական գործողության հերթական համարը ցույց է տրվում նոտարի կողմից տրվող փաստաթղթերում և վավերացման մակագրություններում: Գրանցումները պետք է լինեն պարզ և հստակ, առանց ջնջումների:

5. Գրանցամատյանները պետք է լինեն ժապավենված, թերթերը` համարակալված: Թերթերի քանակը պետք է հաստատվի Հայաստանի Հանրապետության արդարադատության նախարարության համապատասխան ստորաբաժանման պետի կողմից և կնքվի նախարարության կնիքով:

Գրանցամատյանում մատիտով գրանցումներ կատարել չի թույլատրվում:

Յուրաքանչյուր տարվա սկզբից բացվում է նոր սեղանամատյան:

6. Նոտարները Հայաստանի Հանրապետության արդարադատության նախարարի կամ նրա համապատասխան տեղակալի թույլտվությամբ, կարող են վարել մի քանի գրանցամատյան:

7. Եթե ինքնուրույն գրանցամատյաններ են ներդրվում որոշակի նոտարական գործողություններ, օրինակ` վավերացված պատճեններ կամ ժառանգության իրավունքի վկայագրեր գրանցելու համար, այդ դեպքում յուրաքանչյուր գրանցամատյանի ինդեքսին ավելացվում է նոտարական գործողության անվանմանը համապատասխանող տառ: Օրինակ` թիվ 1-Պ, թիվ 2-Ժ, որը նշանակում է առաջին գրանցամատյան` պատճենները գրանցելու համար, երկրորդ գրանցամատյան` տրված ժառանգության իրավունքի վկայագրեր գրանցելու համար:

8. Նոտարական գործողության առանձին տեսակը գրանցելու համար նախատեսված ինդեքսով գրանցամատյանը վերջանալու դեպքում այդ ինդեքսը դրվում է նաև գրանցամատյանի հաջորդ գրքերի վրա, իսկ գրանցման հերթական համարները շարունակվում են մինչև տարվա վերջը:

Այդպիսի գրանցամատյաններում գրանցված փաստաթղթի վրա գրանցամատյանի համարները նշվում են հետևյալ ձևով` թիվ 1-Պ, թիվ 2-Ժ և այլն:

Նոտարները նոտարական գործողությունների գրանցման գրանցամատյանից քաղվածքներ տալիս են օրենքով սահմանված կարգով:

9. Նոտարական գրանցամատյանում գրանցումները կատարվում են հետևյալ կերպ`

ա) Գրանցամատյանի 1-ին սյունակում ցույց է տրվում տարվա` սկզբի նոտարական գործողության հերթական համարը:

բ) 2-րդ սյունակում ցույց տրված նոտարական գործողության կատարման տարեթիվը պետք է համընկնի նոտարի կողմից տրված վկայագրի կամ այլ փաստաթղթի վրա եղած վավերացման մակագրության տարեթվին:

գ) 3-րդ սյունակում ցույց է տրվում այն անձանց ազգանուն, անուն, հայրանունը, կազմակերպության անվանումը, նրանց ներկայացուցիչների ազգանուն, անուն, հայրանունը, որոնց համար կատարվում է նոտարական գործողությունը:

Եթե փաստաթղթի պատճենի վավերացման համար չի ներկայացել այն քաղաքացին, որի անունով տրված է փաստաթուղթը, այլ նրա խնդրանքով ներկայացել է մեկ ուրիշ քաղաքացի, ապա նշվում է ներկայացող քաղաքացու ազգանուն, անուն, հայրանունը և նրա հասցեն:

Այն դեպքում, երբ նոտարական կարգով վավերացված փաստաթղթի մեկ օրինակը մնում է նոտարի գործերում, ապա կողմերի հասցեն նշել չի պահանջվում:

Ստորագրել չկարողացող անձի անունից գործարք վավերացնելիս 3-րդ սյունակում նշվում է ստորագրող անձի անուն, հայրանուն, ազգանունը և նրա բնակության վայրը:

Եթե նոտարական գործողություն կատարելու համար դիմում է կազմակերպություն, նրա առանձնացված ստորաբաժանումը, ինչպես նաև պետական կամ համայնքային հիմնարկը, ապա 3-րդ սյունակում նշվում է նրանց լրիվ անվանումը, գտնվելու վայրը, ներկայացուցիչների անունը, ազգանունը:

դ) Գրանցամատյանի 4-րդ սյունակում նշվում է նոտարական գործողություն կատարելու համար ներկայացողի անձնագրի կամ նրա ինքնությունը հաստատող այլ փաստաթղթի համարը, տրման ժամանակը և ում կողմից է տրված, ինչպես նաև գործարքի մասնակիցների գործունակությունը ստուգելու համար նրանց ծննդյան թվերը:

ե) 5-րդ սյունակում գործարքների վավերացման ժամանակ նշվում է միայն այդ գործարքների տեսակը. Օրինակ`

«Տան առուվաճառքի պայմանագիր...... ,«կտակ» և այլն:

Նույնպիսի կրճատումներով է գրանցվում նաև տրված վկայագրերը (ժառանգության իրավունքի, քաղաքացու կենդանության և այլն):

Փաստաթղթի պատճենի ճշտության վավերացման ժամանակ այս սյունակում նշվում է փաստաթղթի անվանումը:

զ) 6-րդ սյունակում նոտարական գործողությունների համար գանձված պետական տուրքի գումարը նշվում է առանձին, բանկի անդորրագրի տարեթվի և համարի նշումով:

Եթե փաստաթղթերը կամ անձը, որոնց համար կատարվում է նոտարական գործողությունը, ազատված են պետական տուրքի վճարումից, ապա 6-րդ սյունակում նշվում է «Պետական տուրքի վճարումից ազատված է (նշվում է պետական տուրքից ազատվելու հիմքը) հիման վրա»:

Այսպիսի դեպքում նոտարական կարգով ձևակերպված փաստաթղթեր ստացող անձինք գրանցամատյանի 7-րդ սյունակում նշում են, որ փաստաթղթերը իրենց կողմից ստացված է անվճար:

է) Գրանցամատյանում չլրացված տողերը պետք է ընդգծված լինեն, ջնջումներ չի թույլատրվում, իսկ ուղղումները պետք է ծանոթագրված լինեն գրանցման վերջում (որտեղ կատարված է ուղղումը) պետական նոտարի ստորագրությունից առաջ:

ը) Գրանցամատյանի համարակալման սխալները հայտնաբերելիս, այդ մասին կազմվում է տեղեկանք նոտարի ստորագրությամբ:

10. Եթե նոտարական գործողությունները կատարվում են նոտարական գրասենյակի շենքից դուրս, ապա սեղանամատյանում պետք է նշվի նոտարական գործողության կատարման վայրը (հասցեն):