100.0961.28.12.01

ՀՀ արդարադատության

նախարարության կողմից

29 հունվարի 2002 թ.

Պետական գրանցման թիվ 10002016

«ՀԱՏԿԱՊԵՍ ԱՐԱԳ ՓՉԱՑՈՂ ՍՆՆԴԱՄԹԵՐՔԻ ՊԱՀՊԱՆՄԱՆ ԺԱՄԿԵՏՆԵՐԸ ԵՎ ՊԱՅՄԱՆՆԵՐԸ» N 2-III-4.4-1 ՍԱՆԻՏԱՐԱԿԱՆ ԿԱՆՈՆՆԵՐՆ ՈՒ ՆՈՐՄԵՐԸ ՀԱՍՏԱՏԵԼՈՒ ՄԱՍԻՆ

Համաձայն «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի հոդված 4-ի, «Հայաստանի Հանրապետության պետական հիգիենիկ և հակահամաճարակային ծառայության մասին» Հայաստանի Հանրապետության կառավարության 12.10.1993 թ. N 518 որոշմամբ հաստատված ՀՀ պետական հիգիենիկ և հակահամաճարակային ծառայության կանոնադրության ու սանիտարական կանոնների, նորմերի, հիգիենիկ նորմատիվների մշակման, հաստատման, վերանայման, կիրարկման կարգի և պայմանների կետ 7-ի, ելնելով բնակչության առողջության պահպանման շահերից՝ հատկապես արագ փչացող սննդամթերքի պահպանման պայմաններն ու ժամկետները սահմանելու նպատակով,

Հրամայում եմ՝

1. Հաստատել «Հատկապես արագ փչացող սննդամթերքների պահպանման պայմանները և ժամկետները» N 2-III-4.4-1 սանիտարական կանոններն ու հիգիենիկ նորմերը (կցվում է):

2. Հիգիենիկ և հակահամաճարակային հսկողության Երևան քաղաքի, մարզային, կենտրոնների ու ներմարզային կայանների գլխավոր բժիշկներին՝ սահմանել հսկողություն «Հատկապես արագ փչացող սննդամթերքների պահպանման պայմաններըԽև ժամկետներ» N 2-III-4.4-1 սանիտարական կանոնների և հիգիենիկ նորմերի պահանջների կատարման նկատմամբ:

Նախարար

Ա. Մկրտչյան

Հաստատված է ՀՀ առողջապահության նախարարի 2001 թ. դեկտեմբերի 28-ի N 961 հրամանով

ՀԱՏԿԱՊԵՍ ԱՐԱԳ ՓՉԱՑՈՂ ՍՆՆԴԱՄԹԵՐՔԻ ՊԱՀՊԱՆՄԱՆ ԺԱՄԿԵՏՆԵՐԸ ԵՎ ՊԱՅՄԱՆՆԵՐԸ

ՍԱՆԻՏԱՐԱԿԱՆ ԿԱՆՈՆՆԵՐ ԵՎ ՀԻԳԻԵՆԻԿ ՆՈՐՄԵՐ

N 2- III -4.4 -1

Սննդամթերքի և պարենային հումքի արտադրությունը, փոխադրումը, պահպանումն ու իրացումը պետք է կատարվի սանիտարական կանոնների և հիգիենիկ նորմերի պահպանմամբ: Չհամապատասխանելու դեպքում դրանք անմիջապես հանվում են արտադրությունից ու վաճառքից՝ համապատասխան գլխավոր պետական սանիտարական բժշկի որոշման համաձայն:

Սույն սանիտարական կանոններով սահմանվում են հատկապես արագ փչացող պարենահումքի և սննդամթերքի պահպանման ժամկետներին ու պայմաններին ներկայացվող սանիտարահիգիենիկ պահանջները:

Սույն սանիտարական կանոնների պահանջների կատարումը պարտադիր է հատկապես արագ փչացող սննդամթերք արտադրող, պահող, տեղափոխող և իրացնող բոլոր կազմակերպությունների, ինչպես նաև անհատ ձեռնարկատերերի համար:

Հատկապես արագ փչացող սննդամթերքը ենթակա չէ պահման առանց սառնարանային պայմանների:

Սառնարաններում՝ +6⁰C-ից ոչ բարձր ջերմաստիճանում հատկապես արագ փչացող պարենահումքի և սննդամթերքի պահման առավելագույն ժամկետը 6-72 ժամից չպետք է գերազանցի:

Հատկապես արագ փչացող սննդամթերքի շարքին են դասվում՝ միս-մսամթերքը, այդ թվում թռչնի ու ճագարի, ձուկ-ձկնեղենը, ծովամթերքը, կաթ-կաթնամթերքը և դրանցից պատրաստված կիսապատրաստվածքները և խոհարարական արտադրանքը, ալրային և կրեմային հրուշակեղենը, քաղցրավենիքը, ըմպելիքները, արագ սառեցրած մթերքը (աղցաններ, ուտեստներ, ճաշատեսակներ), ձավարեղենային և բանջարեղենային կիսապատրաստվածքները:

Հատկապես արագ փչացող սննդամթերքի պահպանման պայմաններն ու ժամկետները խախտելու դեպքում, դրանցում կարող են զարգանալ մթերքի փչացմանը նպաստող մանրէներ, ինչպես նաև մանրէային ծագման սննդային թունավորումներ և աղիքային սուր վարակիչ հիվանդություններ առաջացնող ախտածին ու պայմանական ախտածին մանրէներ:

Հատկապես արագ փչացող սննդամթերքի պահպանման ժամկետը հաշվարկվում է տեխնոլոգիական գործընթացն ավարտելուց անմիջապես հետո, ներառում է արտադրող կազմակերպությունում սննդամթերքը գտնվելու, առևտրի ու հանրային սննդի կազմակերպություններ փոխադրելու, ինչպես նաև վերջիններում դրանք պահելու և իրացնելու ժամանակահատվածը:

Հատկապես արագ փչացող սննդամթերք արտադրող կազմակերպությունը պարտավոր է պարտադիր հավաստման ենթակա ապրանքների յուրաքանչյուր խմբաքանակն ուղեկցել համապատասխանության սերտիֆիկատով, որտեղ պետք է նշված լինի սննդամթերքի արտադրման ամսաթիվը, ժամը, պահման պայմանները և իրացման/սպառման վերջնական ժամկետը: Հատկապես արագ փչացող սննդատեսակների իրացումը պետք է կատարվի դրանց պարտադիր մակնշման (կամ պիտակների) առկայությամբ: Պարտադիր մակնշվող տեղեկատվական տվյալները պետք է ներառեն հետևյալ տվյալները.

- արտադրանքի անվանումը,

- կիրառման ոլորտը (դիետիկ և մանկական սննդատեսակների համար),

- արտադրող կազմակերպության անվանումը և գտնվելու վայրը,

- արտադրանքի քաշը կամ ծավալը,

- սննդային հավելումների անվանումը և ծածկագիրը (սննդային հավելումների կիրառման դեպքում),

- արտադրանքի սննդային և էներգիական արժեքավորության վերաբերյալ տվյալներ (սպիտակուցների, ճարպերի, ածխաջրատների, վիտամինների, միկրոտարրերի պարունակությունը և կալորիականությունը),

- պատրաստման ամսաթիվը, պահման պայմանները և իրացման ժամկետները,

- պատրաստման եղանակը (կիսապատրաստվածքների, խտանյութերի և հատուկ՝ մանկական և դիետիկ սննդատեսակների համար):

Արգելվում է անհրաժեշտ մակնշում չունեցող կամ համապատասխան պիտակներով չուղեկցվող հատկապես արագ փչացող սննդամթերքի ստացումը և իրացումը առևտրի ու հանրային սննդի կազմակերպություններում:

Հատկապես արագ փչացող սննդամթերքի փոխադրումը պետք է իրականացվի մակնշված փակ տարաներով:

Հատկապես արագ փչացող սննդամթերքի տեղափոխումը պետք է կատարվի ներքին մակերեսի հիգիենիկ ծածկույթ ունեցող սառեցվող կամ հավասարաջերմ փոխադրամիջոցներով: Վերջիններս պետք է մակնշված լինեն՝ տեղափոխվող սննդամթերքին համապատասխան:

Տարվա տաք ժամանակաշրջանում, հավասարաջերմ թափքով փոխադրամիջոցներով տեղափոխման տևողությունը սառույցի առկայության դեպքերում չպետք է գերազանցի 3 ժամից, իսկ առանց սառույցի՝ 1 ժամից:

Հատկապես արագ փչացող սննդամթերքի պահպանումն առևտրի ցանցում և հանրային սննդի օբյեկտներում թույլատրվում է միայն +2⁰C-ից մինչև +6⁰C (կամ մինուսային) ջերմային ռեժիմի ապահովման դեպքում: Բացառություն կարող են կազմել բարձր ջերմաստիճանում պատրաստված կիսապատրաստվածքներ ու պատրաստի արտադրատեսակներ, որոնք նախատեսված են հանրային սննդի կազմակերպություններում հետագա մշակման (վերջնական պատրաստման) և խոհարարական խանութներում (կամ խանութների խոհարարական բաժիններում) իրացնելու համար, ունեն ավելի երկարատև պահպանման ժամկետներ: Դրանց պահպանման ջերմաստիճանը ցանկում առանձնացված է * նշանով:

ՀԱՏԿԱՊԵՍ ԱՐԱԳ ՓՉԱՑՈՂ ՍՆՆԴԱՄԹԵՐՔԻ ՊԱՀՊԱՆՄԱՆ ՋԵՐՄԱՅԻՆ ՊԱՅՄԱՆՆԵՐԸ ԵՎ ԺԱՄԿԵՏՆԵՐԸ

N	Սննդամթերքի անվանում	Պահպանման առա-վելագույն ժամկետ (ժամ)	Պահպանման ջերմաստիճան 0C
	ՄՍԱՄԹԵՐՔ Կիսապատրաստվածքներ տավարի, խոզի, ոչխարի մսից
1.	Միս խոշոր կտորներով	48	+2-ից +6
2.	Չափածրարված միս (0.25-1 կգ քաշով)	36	+2-ից+6
3.	Չափաբաժիններով կտորներ առանց պաքսիմատի (բնական բիֆշտեքս, լանգետ, անտրեկոտ, ռոմշտեքս, էսկալոպ, շնիցել՝ տավարի, ոչխարի, խոզի միս ջեռոցում պատրաստելու համար և այլն)	36	+2-ից +6
4.	Չափաբաժիններով կտորներ պաքսիմատում (ռոմշտեքս, շնիցել, բնական կոտլետ տավարի և խոզի մսից և այլն)	24	+2-ից +6
5.	Մանր կտորներով միս` խորովածի համար, բեֆստրոգանով, ազու, գուլյաշ, տավարի միս շոգեխաշելու համար և այլն	24	+2-ից +6
6.	Մսի ասորտի	18	+2-ից +6
7.	Սննդային ոսկրեր	24	+2-ից +6
8.	Գյուղատնտեսական կենդանիների ենթամթերք՝ սառեցրած	48	+2-ից +6
	պաղեցրած	24	+2-ից +6
9.	Խորովածի կիսապատրաստվածք մարինադացված	24	+2-ից +6
10.	Կիսապատրաստվածքներ աղացած մսից՝ բնական շնիցել, կոտլետներ, կիևյան և այլ տեսակներ, բիֆշտեքս, լյուլա-քյաբաբ աղացած բիֆշտեքս սառեցրած	12 48 48	+2-ից +6 ոչ բարձր -5-ից
	բարձր սննդային արժեքավորության կիսապատրաստվածքներ՝ կոտլետներ՝ տավարի մսից, անյուղ և այլ տեսակների կոլոլակ տավարի մսից, մսային գնդիկներ համակցված կիսապատրաստվածքներ (կոտլետներ միս-կարտոֆիլային, միս-բանջարեղենային և այլն)	12 12	+2-ից +6
11.	Մսի արդյունաբերության և հանրային սննդի կազմակերպությունների նախապատրաստական արտադրամասերում արտադրվող մսի խճողակ (ֆարշ) դիետիկ և խճողակ մսի խճողակ սառեցրած մսի համակցված խճողակ հատուկ (սոյայի սպիտակուցի ավելացմամբ)	12 18 48 12	+2-ից +6 +2 -ից +6  0-ից ցածր+2-ից +6
12.	Առևտրի և հանրային սննդի կազմակերպություններում արտադրվող մսի խճողակ	6	+2 -ից +6
13.	Մսով պելմեններ, կոլոլակ սառեցրած	48	ոչ բարձր - 5-ից
	Կիսապատրաստվածքներ թռչնի և ճագարի մսից
14.	Թռչնի և ճագարի միս պաղեցրած փաթեթավորված	48	+2 -ից +6
15.	Թռչնի և ճագարի միս սառեցրած	72	+2 -ից +6
16.	Թռչնի մսից կիսապատրաստվածքներ (խոհարարական մշակման համար պատրաստված մսեղիք, ֆիլե, սուկի, ողնաշարի անոսկր մաս, բդիկներ, ճտեր տապակայի համար)	48	+2 -ից +6
17.	Հավաքածուներ՝ դոնդողի, ռագուի, սուպերի համար	12	+2 -ից +6
18.	Կիսապատրաստվածքներ աղացած թռչնի մսից (կոտլետներ հավի մսից, կոտլետներ հնդկահավի մսից և այլն)	12	+2-ից +6
19.	Թռչնի և ճագարի ենթամթերք և դրանցից կիսապատրաստվածքներ	24	+2 -ից +6
	Խոհարարական արտադրանք տավարի, խոզի և ոչխարի (այծի) մսից
20.	Հանրային սննդի կազմակերպությունների նախապատրաստական արտադրամասերում արտադրվող եփած միս (խոշոր կտորներով սառը ճաշատեսակների համար, խոշոր կտորներով, կտրատված բաժինների՝ I-ին և II-րդ ճաշատեսակների համար)	24
21.	Հանրային սննդի կազմակերպություններում (բացառությամբ նախապատրաստական արտադրա-մասերի) պատրաստված խաշած միս	12	+2 -ից +6
22.	*Հանրային սննդի կազմակերպությունների նախապատրաստական արտադրամասերում պատրաստված տապակած միս (տավարի և խոզի տապակած միս՝ սառը ճաշատեսակների համար, տապակած խոշոր կտորներով և կտրատած բաժինների՝ երկրորդ ճաշատեսակների համար, միս դոնդողում)	48	+2-ից +6
23.	Հանրային սննդի կազմակերպություններում (բացառությամբ նախապատրաստական արտադրամասերի) պատրաստված տապակած միս	24	+2-ից +6
24.	*Միս լցոնած ճարպով շոգեխաշած (խոշոր կտորներով, կտրատված բաժինների II-րդ ճաշատեսակների համար, միս դոնդողում)	24	+2-ից +6
25.	Ենթամթերք եփած (լեզու, սիրտ, երիկամ, ուղեղ)	18	+2-ից +6
26.	Լյարդ տապակած	24	+2-ից +6
27.	Խոհարարական արտադրանք աղացած մսից տապակած (կոտլետներ, բիֆշտեքս, շնիցել և այլ)	12	+2-ից +6
28.	Դոնդող մսով	12	+2-ից +6
29.	Մսի արդյունաբերության կազմակերպություններում արտադրված պաշտետներ՝ մսից, լյարդից և թռչնի մսից	24	0-ից +2
30.	Հանրային սննդի կազմակերպություններում պատրաստված պաշտետներ՝ մսից և լյարդից	6	+2-ից +6
31.	Մսի արդյունաբերության կազմակերպություններում արտադրված արգանակներ՝ խտացրած հեղուկ	24 6	+2-ից +6 +2-ից +6
32.	* Արգանակներ դոնդողանյութով: Կիսապատրաստվածքներ մսի հավի	48 24	+2-ից +6 +2-ից +6
33.	*Արգանակ հավի ոսկորից: Կիսապատրաստվածք	24	+2 -ից +6
34.	*Խիտ արգանակ ոսկորներից: Կիսապատրաստվածք	48	+2-ից +6
	Խոհարարական արտադրանք ճագարի և թռչնի մսից
35.	Բադերի և ճտերի մսեղիք՝ կարմրացրած	48	+2-ից +6
36.	Թռչնի մսեղիք՝ ապխտած, ապխտած /տապակած, ապխտած-եփած	72	+2-ից +6
37.	*Հանրային սննդի կազմակերպությունների նախապատրաստվածքային արտադրամասերում և թռչնի վերամշակման կազմակերպություններում կենտրոնացված եղանակով արտադրվող թռչնի ու ճագարի տապակած միս	48	+2-ից +6
38.	Հանրային սննդի կազմակերպություններում պատրաստվող թռչնի և ճագարի միս՝ յուղով տապակած	24	+2-ից +6
39.	* Հանրային սննդի կազմակերպությունների նախապատրաստվածքային արտադրամասերում և թռչնի վերամշակման կազմակերպություններում կենտրոնացված եղանակով արտադրվող թռչնի մսեղիք՝ եփած	24	+2-ից +6
40.	Հանրային սննդի կազմակերպություններում պատրաստված թռչնի մսեղիք եփած	18	+2 -ից +6
41.	* Թռչնի բաժնեմասնատված խաշած միս՝ դոնդողի մեջ	24	+2 -ից +6
42.	* Թռչնի փափուկ միս խաշած բրիկետի ձևով	24	+2 -ից +6
43.	Թռչնի մսից պատրաստված կոտլետներ	12	+2 -ից +6
44.	Եփած ձու	24	+2 -ից +6
	Երշիկներ և երշիկեղեն
45.	Դոնդող թաղանթի մեջ	36	+2 -ից +6
46	Երշիկեղեն դոնդողի մեջ զելց բարձր տեսակի առաջին և երկրորդ տեսակի երրորդ տեսակի	48 24 12	+2 -ից +6 +2 -ից +6 +2 -ից +6
47.	Ռուլետ խմապից	12	+2 -ից +6
48.	Երշիկներ եփած՝ բարձր տեսակի 1-ին և 2-րդ տեսակի երրորդ տեսակի	72 48 24	+2 -ից +6 +2 -ից +6 +2 -ից +6
49.	Նրբերշիկներ և սարդելկաներ	48	+2 -ից +6
50.	Մսային հացեր՝ բարձր տեսակի 1-ին և 2-րդ տեսակի	72 48	+2-ից +6 +2 -ից +6
51.	Երշիկներ լյարդաթոքային (ենթամթերքից) բարձր և 1-ին տեսակի 2-րդ տեսակի 3-րդ տեսակի	48 24 12	+2 -ից +6 +2 -ից +6 +2 -ից +6
52.	Երշիկներ արյունային՝ 1-ին և 2-րդ տեսակի 3-րդ տեսակի ապխտած 1-ին տեսակի	24 12 48	+2 -ից +6 +2 -ից +6 +2 -ից +6
53.	Եփած արտադրատեսակներ թաղանթի մեջ (խոզապուխտ ասորտի, խողապուխտ նախաճաշի համար, խոզապուխտ թաղանթի մեջ և այլ)	72	+2 -ից +6
54.	Երշիկներ եփած՝ ենթամթերքի ավելացմամբ, սարդելկաներ սպիտակուցային և ենթամթերքից	24	+2 –ից +6
55.	Երշիկեղեն պոլիմերային թաղանթի մեջ վակուումային եղանակով փաթեթավորված՝ եփած երշիկներ, եփած արտադրանք՝ խոզի, տավարի և ոչխարի մսից	48	+2 -ից +6
56.	Երշիկներ լյարդ /թոքից բուսական (ձավարեղենի ավելացումով)	12	+2 -ից +6
57.	Երշիկներ մանկական /դպրոցական սննդի համար	36	+2 -ից +6
58.	Եփած երշիկներ թռչնի մսից՝ բարձր տեսակի	72	+2 -ից +6
59.	Եփած երշիկներ թռչնի մսից՝ 1-ին տեսակի, նրբերշիկներ	48	+2 -ից +6
	ՁԿՆԵՂԵՆ ԵՎ ԾՈՎԱՄԹԵՐՔ Կիսապատրաստվածքներ
60.	Ձուկ բոլոր անվանումների պաղեցրած	48	0-ից -2
61.	Ձուկ և ձկնամթերք բոլոր անվանումների սառեցրած և փայլապատ	24	0-ից -2
62.	Ձուկ /կտրված, չսառեցված	24	-2-ից +2
63.	Ձուկ չափաբաժիններով պաքսիմատով	12	+2-ից +6
64.	Ձկան կիսապատրաստվածք խորովելու և տապակելու համար	24	-2-ից +2
65.	Կոտլետներ, խճողակ, ձուկ /կարտոֆիլային կոտլետներ, բլիթներ/ բլիններ (առանց սառեցնելու)	12	-2-ից +2
66.	Կոտլետներ, տոլմա և խճողակ սառեցրած	72	-4-ից –6
67.	Ձկան պելմենիներ սառեցրած	48	-4-ից –6
	Խոհարարական արտադրանք
68.	Ձուկ (բոլոր անվանումների) տապակած	36	+2-ից +6
69.	Ձուկ( բոլոր անվանումների) խորոված/տապակած	48	+2-ից +6
70.	Ձուկ (բոլոր անվանումների) եփած	24	+2-ից +6
71.	Ձուկ խճողած	24	+2-ից +6
72.	Աղ դրած ձկից աղացած արտադրանք (ծովատառեխ, թյունիկ և այլ)	24	+2-ից +6
73.	Ձկան (բոլոր անվանումների) կոտլետներ տապակած	12	+2-ից +6
74.	Տիֆտելներ ձկան տոմատի սոուսում, կոլոլակ	48	+2-ից +6
75.	Ձուկ (բոլոր անվանումների) և ռուլետ տաք եղանակով ապխտած	48	+2-ից +6
76.	Ձկան երշիկներ եփած	48	+2-ից +6
77.	Ձուկ դոնդողում «Ձկնորսական», «Հատուկ» և այլ	12	+2-ից +6
78.	Խեցգետիններ և մանր ծովախեցգետիններ եփած	12	+2-ից +6
79.	Ծովախեցգետնի ձողիկներ	48	+2-ից +6
80.	Կաղամար բանջարեղենով թթվասերի սոուսի մեջ, կոտլետներ կաղամարից, կաղամար մարինադացված	24 48	+2-ից +6 +2-ից +6
81.	Խոհարարական արտադրանք «Օկեան» սպիտակուցային մածուկից արդյունաբերական արտադրության	24	+2-ից +6
82.	Յուղ ձկան և ձկնկիթի (բոլոր անվանումների)	24	+2-ից +6
83.	Ձուկ դոնդողի մեջ	24	+2-ից +6
84.	Ձկան մածուկներ պոլիմերային սպառողական տարայում	24	+2-ից +6
85.	Ձկան 2-րդ կերակրատեսակներ պոլիմերային սպառողական տարայում՝ առանց սառեցման սառեցրած	12 72	+2-ից +6 -4-ից - 6
86.	Սպիտակուցային սառեցրած մածուկ «Օկեան»	72	-1-ից –3
	ԿԱԹՆԱՄԹԵՐՔ
87.	Պաստերիզացված կաթ, սերուցք, ացիդոֆիլին	36	+2-ից +6
88.	Կեֆիր	36	+2-ից +6
89.	Մածուն	48	+2-ից +6
90.	Ըմպելիքներ շիճուկից (բոլոր անվանումների)	48	+2-ից +6
91.	Թան թարմ	36	+2-ից +6
92.	Բնական կումիս (զամբիկի կաթից), կումիս կովի կաթից	48	+2-ից +6
93.	Թթվասեր Դիետիկ թթվասեր	72 48	+2-ից +6 +2-ից +6
94.	Կաթնաշոռ յուղալի և յուղաճարպազրկված դիետիկ Գյուղական 5 % յուղայնությամբ	36 24	+2-ից +6 +2-ից +6
95.	Պանրիկներ սոյայից, սոյայի թթվեցրած կաթ	12	+2-ից +6
96.	Կիսապատրաստվածքներ կաթնաշոռից (բոլոր անվանումների) լցոնով կաթնաշոռային կարկանդակներ	24 24	+2-ից +6 ոչ բարձր -5 -ից
97.	Կաթնաշոռային պանրիկներից պատրաստված արտադրանք	36	0-ից +2
98.	Հանրային սննդի կազմակերպություններում կաթնաշոռից պատրաստված թխվածքաճաշ (զապե-կանկա) և քաղցրակուտապ (պուդինգ)	48	+2-ից +6
99.	Հանրային սննդի կազմակերպություններում կաթնաշոռից պատրաստված խոհարարական արտադրանք՝ - քաղցրակուտապ կաթնաշոռային (յուղոտ և կիսայուղոտ) - զրազներ կաթնաշոռից չամիչով (յուղոտ և կիսայուղոտ)	24 36	+2-ից +6 +2-ից +6
100	Պանիր (կաթնաշոռ) տնական	36	+2-ից +6
101	Սերուցքային պանիրներ՝ փաթեթավորված պոլիստիրոլից և այլ պոլիմերային նյութերից տուփերում մրգային քաղցր տեսակի կծու, ռոքֆոր տեսակի	48 72	+2-ից +6 +2-ից +6
102	Պանիրներ փափուկ և աղաջրային՝ առանց հասունացման	48	+2-ից +6
103	Պանրային զանգված	48	+2-ից +6
104	Շիճուկակարագ	48	+2-ից +6
105	Սերուցքային ըմպելիքներ	24	+2-ից +6
106	Սերուցքային կարագ՝ մանր կտորներով	6	+2-ից +6
107	Ըմպելիք «Հարավային»	24	+2-ից +6
108	Ըմպելիքներ «Սիրողական», «Ձյունիկ»	36	+2-ից +6
109	*Մանկական սնունդ՝ համաձայն սպառողական տարայի մակնշման
110	Մանկական կաթնախոհանոցի արտադրանք	24	+2-ից +6
	ԲԱՆՋԱՐԵՂԵՆ Կիսապատրաստվածքներ
111	Կարտոֆիլ հում` մաքրված, սուլֆիտացված	48	+2-ից +6
112	Կաղամբ թարմ սպիտակագլուխ մաքրած	12	+2-ից +6
113	Մաքրած հում գլուխ սոխ, գազար, ճակնդեղ	24	+2-ից +6
114	* Ամսական բողկ, ծովաբողկ` մաքրած, կտրատած	12	+2-ից +6
115	* Մաղադանոս մշակված` կանաչ տերևները արմատները	18 24	+2-ից +6 +2-ից +6
116	* Նեխուր մշակված` կանաչ տերևները արմատները	18 24	+2-ից +6 +2-ից +6
117	* Կանաչ սոխ մշակված	18	+2-ից +6
118	* Սամիթ մշակված	18	+2-ից +6
119	* Թարխուն մշակված	18	+2-ից +6
120	*Վայրի ստեպղին (գազար) մշակված	24	+2-ից +6
	Ջերմային մշակման ենթարկված կիսապատրաստվածքներ
121	*Թխվածքաճաշ /զապեկանկա/ կաղամբով, գազարով, բանջարեղենով, կարտոֆիլով, մսով	18	+2-ից +6
122	*Կոտլետներ գազարի, կաղամբի, ճակնդեղի, կարտոֆիլի	18	+2-ից +6
126	Շնիցել կաղամբից, խճողակ կաղամբի, խճողակ գազարի	12	+2-ից+6
127	*Աղ դրած վարունգ` կտրատված, տապակած	24	+2-ից +6
128	*Սպիտակագլուխ թարմ կաղամբ` կտրատված, շոգեխաշած	12	+2-ից +6
129	*Թթու դրած սպիտակագլուխ կաղամբ` շոգեխաշած 1-ին ճաշատեսակների համար	72	+2-ից +6
130	*Սոխ, գազար շոգեխաշած	48	+2-ից +6
131	* Սոուսներ խտացրած՝ - կարմիր տոմատի - սպիտակ, թթվասերային, խնձորի	72 48	+2-ից+6 +2-ից+6
132	Տոլմայի կիսապատրաստվածքներ՝ բանջարեղենային, մսով և բրնձով, ձկով և բրնձով, կաթնաշոռով և բրնձով և այլ	12	+2-ից+6
133	*Տոլմայի կիսապատրաստվածք մսով և բրնձով, պատրաստված հանրային սննդի կազմակերպություններում	6	+2-ից+6
134	* Աղցան թթվեցրած կաղամբից	24	+2-ից+6
135	* Բանջարեղեն եփած մաքրած` գազար բազուկ կարտոֆիլ	24 24 18	+2-ից+6 +2-ից+6 +2-ից+6
136	* Բանջարեղեն եփած, մաքրած, կտրատած` գազար բազուկ կարտոֆիլ	18 18 12	+2-ից+6 +2-ից+6 +2-ից+6
137	*Աղցաններ (մսից, ձկից և այլն) չհամեմված	12	+2-ից+6
138	Հանրային սննդի կազմակերպություններում պատրաստված բոլոր տեսակների աղցաններ, խառնախորտիկներ՝ չհամեմված	6	+2-ից+6
139	Բանջարեղեն եփած, չմաքրած	6	+2-ից+6
	ԱԼՐԱՅԻՆ ԱՐՏԱԴՐԱՆՔ Կիսապատրաստվածքներ
140	Խմոր (խմորիչային, դրոժով)` թխված և տապակված կարկանդակների, փքաբլիթների, լցոնով կարկանդակների, կուտապի և ալրային այլ արտադրանքի համար	9	+2-ից+6
141	Խմոր շերտավոր անալի՝ տորթերի, կարկանդակների և ալրային այլ արտադրանքի համար	24	+2-ից+6
142	Խմոր փխրուն տորթերի և կարկանդակների համար	36	+2-ից+6
143	Խմոր լցոնով կարկանդակների համար	24	+2-ից+6
144	Նախապատրաստվածքներ նրբաբլիթների /բլինների/ համար	24	+2-ից+6
145	Նրբաբլիթներ լցոնած խճողակով՝ մսով, կաթնաշոռով, խնձորով ջեմով, պովիդլոյով	12 18	+2-ից+6 +2-ից+6
	Խոհարարական արտադրանք
146	Պանրային ձողիկներ	72	+2-ից+6
147	Խմորիչային դրոժով խմորից լոռաբլիթ, հյութալի բլիթ, կուտապներ կիսաբաց՝ կաթնաշոռով պովիդլոյով և մրգային լցոնով	24 6 24	+2-ից+6 ոչ բարձր +20-ից ոչ բարձր +20-ից
148	Կարկանդակներ, չեբուրեկներ, բելյաշներ, թխվածքաբլիթներ, կուլեբյակներ՝ թխված, տապակված (մսով, ձվով, կաթնաշոռով, կաղամբով, սիրտ /թոքով և այլ տեսակի լցոններով)	24 3	+2-ից+6 ոչ բարձր +20-ից
	ՁԱՎԱՐԵՂԵՆԱՅԻՆ ԱՐՏԱԴՐԱՆՔ Կիսապատրաստվածքներ
149	Կոտլետներ սպիտակաձավարից, կորեկաձավարից	18	+2-ից+6
	Խոհարարական արտադրանք
150	Թխվածքաճաշ սպիտակաձավարից, բրնձից, բրինձ-կաթնաշոռով	12	+2-ից+6
151	Քաղցրակուտապ կաթով, բրնձով	24	+2-ից+6
152	Ձավարաճաշ կաթնաշոռով յուղալի և կիսայուղոտ	24	+2-ից+6
153	Փլավ մրգային	24	+2-ից+6
	ԱԼՐԱՅԻՆ ՀՐՈՒՇԱԿԵՂԵՆ, ՔԱՂՑՐԱՎԵՆԻՔ, ԸՄՊԵԼԻՔՆԵՐ
154	Տորթեր և հրուշակ՝ հարած սպիտակուցային կրեմով, մրգային ձևավորումով կամ առանց կրեմային ձևավորման սերուցքային կրեմով եփած կրեմով, հարած սերուցքային կրեմով	72 36 6	+2-ից+6 +2-ից+6 +2-ից+6
155	Բիսկվիտային ռուլետներ՝ կրեմով կաթնաշոռով	36 24	+2-ից+6 +2-ից+6
156	Անուշահամ դոնդողներ , սամբուկ, մուսս	24	+2-ից+6
157	Կրեմներ՝ սերուցքային, կաթնաշոռամրգային	24	+2-ից+6
158	Սերուցք հարած	6	+2-ից+6
159	Տորթ կաթնաշոռից	24	+2-ից+6
160	Կվաս արդյունաբերական արտադրության՝ կվաս հացի չպաստերիզացված կվաս «Մոսկովյան»	48 72	+2-ից+6 +2-ից+6
161	Արդյունաբերական արտադրության ոչ ոգելից ըմպելիքներ չգազացված՝ կիտրոնի, բալի և այլ մրգերի (առանց պահածոյացնող նյութերի)	48	+2-ից+6
	ԱՐԱԳ ՍԱՌԵՑՐԱծ ՄԹԵՐՔ Աղցաններ և ուտեստներ
162	Աղցան կարմրագլուխ կաղամբից	24	0-ից+4
163	Աղցան բազուկից	24	0-ից+4
164	Բանջարեղենային ուտեստ տոմատով	24	0-ից+4
Երկրորդ ճաշատեսակներ և գարնիրներ
165	Գուլյաշ տավարի մսից
166	Շոգեխաշած տավարի միս
167	Միս տնական ձևով
168	Բեֆստրոգանով
169	Կոլոլակ
170	Կոլոլակ առանց սոուսի	96	ոչ բարձր -5-ից
171	Կոլոլակներ սոուսով
172	Բիֆշտեքս	48	ոչ բարձր 0-ից
173	Սարդելկա
174	Նրբերշիկ
175	Երշիկ
176	Նրբաբլիթ /բլինչիկ գյուղական/
177	Նրբաբլիթ /բլինչիկ կովկասյան/
178	Նրբաբլիթ /բլինչիկ կաղամբով/
179	Նրբաբլիթ /բլինչիկ կաթնաշոռով/
180	Նրբաբլիթ /բլինչիկ մրգային լցոնով/
181	Կրոկետ	48	ոչ բարձր -5-ից
182	Կոտլետ սոուսում գյուղական	48	ոչ բարձր -6-ից
183	Կոտլետ գյուղական, առանց սոուսի	48	ոչ բարձր -6-ից
184	Խճողակ կրոկետի համար	48	ոչ բարձր -6-ից
185	Կաղամբ թթվեցրած, շոգեխաշած	24	0-ից +4
186	Կաղամբ թարմ, շոգեխաշած	24	0-ից +4

Սույն սանիտարական կանոններում և հիգիենիկ նորմերում չներառված ազգային սննդատեսակների և ֆիրմային ճաշատեսակների, ինչպես նաև նոր արտադրատեսակների պահպանման ջերմային ռեժիմներն ու ժամկետները սահմանվում են ՀՀ գլխավոր պետական սանիտարական բժշկի կողմից համաձայնեցրած դրանց նորմատիվային փաստաթղթերում (ստանդարտներ, տեխնիկական պայմաններ):

Սույն սանիտարական կանոնների ու հիգիենիկ նորմերի պահանջների կատարման հսկողությունն իրականացվում է ՀՀ պետական հիգիենիկ և հակահամաճարակային ծառայության մարմինների կողմից: