ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2024 թվականի դեկտեմբերի 4-ին
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հոդված 1. 2016 թվականի հոկտեմբերի 4-ի Հայաստանի Հանրապետության հարկային օրենսգրքի (այսուհետ՝ Օրենսգիրք) 87-րդ հոդվածի 1-ին մասում՝
1) 6-8-րդ կետերը շարադրել հետևյալ խմբագրությամբ․
«6) քսայուղը: Սույն կետի կիրառության իմաստով՝ քսայուղը ներառում է ԱՏԳ ԱԱ 2710 19 7 - 2710 19 9 ծածկագրերին դասվող ծանր թորվածքները և ԱՏԳ ԱԱ 3403 19 100 0, 3403 19 900 0, 3403 99 000 0 ծածկագրերին դասվող քսանյութերը․
7) բենզինը։ Սույն կետի կիրառության իմաստով՝ բենզինը ներառում է ԱՏԳ ԱԱ 2710 12 ծածկագրին դասվող թեթև թորվածքները և նյութերը, այդ թվում՝ շարժիչային բենզինը, բացառությամբ ԱՏԳ ԱԱ 2710 12 310 0 ծածկագրին դասվող ավիաբենզինի․
8) դիզելային վառելիքը: Սույն կետի կիրառության իմաստով՝ դիզելային վառելիքը ներառում է ԱՏԳ ԱԱ 2710 19 1 - 2710 19 6 ծածկագրերին դասվող միջին և ծանր թորվածքները, բացառությամբ ԱՏԳ ԱԱ 2710 19 210 0 ծածկագրին դասվող ավիավառելիքի․»․
2) լրացնել հետևյալ բովանդակությամբ 10.1-ին և 10.2-րդ կետերով.
«10.1) նյութերը (հավելանյութերը): Սույն կետի կիրառության իմաստով՝ նյութերը (հավելանյութերը) ներառում են ԱՏԳ ԱԱ 3811 ծածկագրին դասվող հակաճայթիչները, հակաօքսիդիչները, խեժագոյացման արգելակիչները, թանձրացուցիչները, հակաքայքայիչ նյութերը և պատրաստի այլ հավելանյութեր՝ նախատեսված նավթամթերքների (ներառյալ՝ բենզինի) կամ այլ հեղուկների համար, որոնք օգտագործվում են նույն նպատակներով, ինչ նավթամթերքները.
10.2) արգելակման, հիդրավլիկ և այլ հեղուկներ՝ պատրաստի, նախատեսված հիդրավլիկական փոխանցիչների համար, 70% զանգվածային բաժնից պակաս՝ բիտումային ապարներից ստացված նավթ կամ նավթամթերք չպարունակող կամ պարունակող, որոնք դասակարգվում են ԱՏԳ ԱԱ 3819 00 000 0 ծածկագրին.»:
Հոդված 2. Օրենսգրքի 88-րդ հոդվածում՝
1) 1-ին մասի աղյուսակում՝
ա․ 16-րդ տողի «2710 19 710 0 - 2710 19 980 0» ծածկագրերը փոխարինել «2710 19 7 - 2710 19 9» ծածկագրերով,
բ․ 18-րդ և 19-րդ տողերը շարադրել հետևյալ խմբագրությամբ.
|
«18. |
2710 19 1 - 2710 19 6 |
դիզելային վառելիք |
1 տոննա |
14200 |
|
19. |
2709 00
2710 20
2710 9 |
հում նավթ, նավթամթերք |
1 տոննա |
29450», |
գ․ լրացնել հետևյալ բովանդակությամբ 19.1-ին և 19.2-րդ տողերով.
|
«19.1. |
3811 |
նյութեր (հավելանյութեր) |
1 տոննա |
43600 |
|
19.2. |
3819 00 000 0 |
արգելակման, հիդրավլիկ և այլ հեղուկներ՝ պատրաստի, նախատեսված հիդրավլիկական փոխանցիչների համար, 70% զանգվածային բաժնից պակաս՝ բիտումային ապարներից ստացված նավթ կամ նավթամթերք չպարունակող կամ պարունակող |
1 կգ |
550»․ |
2) 7-րդ մասը «մեկ տոննայի» բառերից առաջ լրացնել «և նյութերի (հավելանյութերի)» բառերով:
Հոդված 3. Օրենսգրքի 346-րդ հոդվածում՝
1) 2-րդ մասի 2-րդ կետը և 3-րդ մասը «հարկային տարվա որևէ ժամանակահատվածում» բառերից առաջ լրացնել «տվյալ հարկային տարվա կամ տվյալ հարկային տարվան նախորդող» բառերով․
2) 10-րդ մասի 1-ին կետի «գ» ենթակետի «տարբեր տեսակների» բառերը փոխարինել «նույն կամ համանման» բառերով, իսկ նույն ենթակետը «տարբերությունները» բառից հետո լրացնել «` պայմանով, որ ապրանքների ձեռքբերման գների կամ իրացման գների միջև տարբերությունը չի գերազանցում 20 տոկոսը» բառերով․
3) 11-րդ մասի «տարբեր տեսակների» բառերը փոխարինել «նույն կամ համանման» բառերով, իսկ նույն մասը «տարբերությունները» բառից հետո լրացնել «` պայմանով, որ ապրանքների ձեռքբերման գների կամ իրացման գների միջև տարբերությունը չի գերազանցում 20 տոկոսը» բառերով։
Հոդված 4. Սույն օրենքն ուժի մեջ է մտնում 2025 թվականի հունվարի 1-ից, բացառությամբ սույն օրենքի 1-ին և 2-րդ հոդվածների, որոնք ուժի մեջ են մտնում սույն օրենքի պաշտոնական հրապարակման օրը ներառող ամսվան հաջորդող յոթերորդ ամսվա 1-ից:
|
Հանրապետության նախագահ |
Վ. Խաչատուրյան |
|
2024 թ. դեկտեմբերի 13 Երևան ՀՕ-474-Ն |
Պաշտոնական հրապարակման օրը՝ 13 դեկտեմբերի 2024 թվական: