ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2023 թվականի հունիսի 14-ին

Հոդված 1. «Բարեգործության մասին» 2002 թվականի հոկտեմբերի 8-ի ՀՕ-424-Ն օրենքի (այսուհետ՝ Օրենք) 9-րդ հոդվածը շարադրել հետևյալ խմբագրությամբ.

«Հոդված 9.

Կամավորը

1. Կամավորը սույն օրենքով սահմանված բարեգործությանը մասնակցում և բարեգործություն ստացողների օգտին կամավոր աշխատանքներ կատարում է օրենքով սահմանված կարգով:»:

Հոդված 2. Օրենքի 13-րդ հոդվածի 2-րդ մասի 4-րդ կետից հանել «և կամավորների կատարած աշխատանքի» բառերը:

Հոդված 3. Օրենքի 14-րդ հոդվածի 1-ին մասում «կամավորների գործունեության հետ կապված ծախսերը» բառերը փոխարինել «բարեգործական ծրագրերի շրջանակներում կամավոր աշխատանքների հետ կապված՝ օրենքով սահմանված կարգով կատարվող ծախսերը» բառերով:

Հոդված 4. Օրենքի 15-րդ հոդվածում՝

1) 1-ին մասի՝

ա. «և կամավորի» բառերը հանել,

բ. 2-րդ և 4-րդ կետերն ուժը կորցրած ճանաչել.

2) 4-րդ և 5-րդ մասերը հանել.

3) 6-րդ մասից հանել «և կամավորների կատարած աշխատանքի» բառերը:

Հոդված 5. Սույն օրենքն ուժի մեջ է մտնում պաշտոնական հրապարակմանը հաջորդող օրվանից երեք ամիս հետո:

Հանրապետության նախագահ	Վ. ԽԱՉԱՏՈՒՐՅԱՆ
2023 թ. հուլիսի 10 Երևան ՀՕ-207-Ն

Պաշտոնական հրապարակման օրը՝ 11 հուլիսի 2023 թվական: