Օ Ր Ե Ն Ք Ը

Ընդունված է 2022 թվականի նոյեմբերի 16-ին

Հոդված 1. «Քաղաքաշինության մասին» 1998 թվականի մայիսի 5-ի ՀՕ-217 օրենքի (այսուհետ՝ Օրենք) 6-րդ հոդվածի 4-րդ մասի «ժ» կետում «շինարարության թույլտվությամբ» բառերը փոխարինել «շինարարության կամ քանդման թույլտվությամբ» բառերով:

Հոդված 2. Օրենքի 10.1-ին հոդվածի 3-րդ մասը լրացնել հետևյալ բովանդակությամբ 27-րդ կետով.

«27) հաստատում է կառուցվող, հիմնանորոգվող, վերակառուցվող, վերականգնվող, ուժեղացվող, ընդլայնվող, արդիականացվող, վերազինվող, նորոգվող, քանդվող կամ ապամոնտաժվող շենքերի, շինությունների, կառուցվածքների և շինարարական աշխատանքների տեսակների արժեքի խոշորացված ցուցանիշները:»:

Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահ	Վ. ԽԱՉԱՏՈՒՐՅԱՆ
2022 թ. դեկտեմբերի 12 Երևան ՀՕ-430-Ն

Պաշտոնական հրապարակման օրը՝ 14 դեկտեմբերի 2022 թվական: