ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Կ Ա Ր Գ Ա Դ Ր ՈՒ Թ Յ ՈՒ Ն

6 սեպտեմբերի 2016 թվականի

թիվ 133

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ «ԳԵՐԱԿԱ ԵՎՐԱՍԻԱԿԱՆ ՏԵԽՆՈԼՈԳԻԱԿԱՆ ՀԱՐԹԱԿՆԵՐԻ ՁԵՎԱՎՈՐՄԱՆ ՄԱՍԻՆ» ԿԱՐԳԱԴՐՈՒԹՅԱՆ ՆԱԽԱԳԾԻ ՎԵՐԱԲԵՐՅԱԼ

1. Հավանություն տալ «Գերակա եվրասիական տեխնոլոգիական հարթակների ձևավորման մասին» Եվրասիական տնտեսական հանձնաժողովի խորհրդի կարգադրության նախագծին (կցվում է) և այն ներկայացնել Եվրասիական տնտեսական հանձնաժողովի խորհրդի քննարկմանը:

2. Սույն կարգադրությունն ուժի մեջ է մտնում «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում դրա հրապարակման օրվանից 10 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ 

Կ Ա Ր Գ Ա Դ Ր ՈՒ Թ Յ ՈՒ Ն

«   » ի 20    թվականի

թիվ

քաղ.

«Եվրասիական տեխնոլոգիական հարթակների ձևավորման և գործառման վերաբերյալ հիմնադրույթը հաստատելու մասին» Եվրասիական միջկառավարական խորհրդի 2016 թվականի ապրիլի 13-ի թիվ 2 որոշման 3-րդ կետն իրականացնելու նպատակով`

1. Ձևավորել գերակա եվրասիական տեխնոլոգիական հարթակներ ըստ ցանկի՝ 1-ին հավելվածի համաձայն։

2. Սահմանել, որ սույն կարգադրության 1-ին հավելվածով նախատեսված եվրասիական տեխնոլոգիական հարթակների գործունեության նպատակները, խնդիրները և հիմնական ուղղությունները որոշվում են անձնագրերին համապատասխան՝ 2-12-րդ հավելվածների համաձայն։

3. Եվրասիական տեխնոլոգիական հարթակների հիմնադիրներին՝ մինչև 2017 թվականի հունվարի 1-ը Եվրասիական տնտեսական միության անդամ պետությունների լիազորված մարմիններ և Եվրասիական տնտեսական հանձնաժողով ներկայացնել տեղեկատվություն՝

2017 թվականի համար ղեկավար մարմիններ ձևավորելու և ռոտացիոն կարգով համակարգող կազմակերպությունը որոշելու մասին,

2017 թվականի գործողությունների ծրագրերը հաստատելու մասին,

2017 թվականի համատեղ կոոպերացիոն նորարարական նախագծերի ցանկերի մասին։

4. Սույն կարգադրությունն ուժի մեջ է մտնում «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում այն հրապարակելու օրվանից:

Հավելվածներ