ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2020 թվականի հուլիսի 16-ին

Հոդված 1. «Հանրային ծառայությունների համարանիշի մասին» 2011 թվականի նոյեմբերի 30-ի ՀՕ-288-Ն օրենքի (այսուհետ` Օրենք) 3-րդ հոդվածը լրացնել հետևյալ բովանդակությամբ 1.1-ին մասով․

«1.1. Հանրային ծառայությունների համարանիշն ամրագրվում է նաև սույն օրենքի 2-րդ հոդվածի 1-ին մասով սահմանված անձից ծնված երեխայի ծննդյան պետական գրանցման հիման վրա Հայաստանի Հանրապետությունում տրված ծննդյան վկայականում և ծննդի պետական գրանցման մասին տեղեկանքում։»:

Հոդված 2. Օրենքի 5-րդ հոդվածի 2-րդ մասում «երեխայի բնակության վայրի տեղական ռեգիստրի» բառերը փոխարինել «բնակչության պետական ռեգիստր վարող լիազոր մարմնի» բառերով:

Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հանրապետության նախագահ	Ա. Սարգսյան
2020 թ. օգոստոսի 3 Երևան ՀՕ-394-Ն

Պաշտոնական հրապարակման օրը՝ 4 օգոստոսի 2020 թվական: