ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2016 թվականի հոկտեմբերի 19-ին

«ՀՐԱՊԱՐԱԿԱՅԻՆ ՍԱԿԱՐԿՈՒԹՅՈՒՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հրապարակային սակարկությունների մասին» Հայաստանի Հանրապետության 2003 թվականի հոկտեմբերի 8-ի ՀՕ-15-Ն օրենքի (այսուհետ՝ Օրենք) 29-րդ հոդվածի 1-ին մասը «կատարողական թերթին» բառերից հետո լրացնել «և նոտարի կողմից տրված կատարողական մակագրության թերթին» բառերով:

Հոդված 2. Օրենքի 35.1-ին հոդվածի 1-ին մասը «կատարողական թերթին» բառերից հետո լրացնել «, ինչպես նաև նոտարի կողմից տրված կատարողական մակագրության թերթին» բառերով:

Հոդված 3. Օրենքի 35.4-րդ հոդվածի 5-րդ մասի երկրորդ նախադասությունը «կատարողական թերթերի» բառերից հետո լրացնել «, այդ թվում՝ նոտարի կողմից տրված կատարողական մակագրության թերթերի» բառերով:

Հոդված 4. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության Նախագահ	Ս. Սարգսյան
2016 թ. նոյեմբերի 12 Երևան ՀՕ-183-Ն