ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Կ Ա Ր Գ Ա Դ Ր ՈՒ Թ Յ ՈՒ Ն Ը
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԲՆԱԳԱՎԱՌՈՒՄ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԿՐԹԱԿԱՆ ՊԱՐԳԵՎՆԵՐ ՀԻՄՆԵԼՈՒ ՄԱՍԻՆ
Հաշվի առնելով «Սինոփսիս Արմենիա» փակ բաժնետիրական ընկերության և «Հայաստան» համահայկական հիմնադրամի միջև կնքված համաձայնագիրը` որոշում եմ.
1. Հիմնել տեղեկատվական տեխնոլոգիաների բնագավառում Հանրապետության Նախագահի կրթական պարգևներ և դրանք յուրաքանչյուր տարի շնորհել հետևյալ անվանակարգերով`
ա) բակալավրիատի լավագույն ուսանող (1-ին և 2-րդ կարգեր).
բ) մագիստրատուրայի լավագույն ուսանող (1-ին և 2-րդ կարգեր).
գ) լավագույն ասպիրանտ (1-ին և 2-րդ կարգեր).
դ) լավագույն ուսանողուհի.
ե) լավագույն աշակերտ.
զ) լավագույն սփյուռքահայ ուսանող.
է) գլխավոր մրցանակ:
(1-ին կետը լրաց. 04.07.09 ՆԿ-105-Ն)
2. Հաստատել տեղեկատվական տեխնոլոգիաների բնագավառում Հանրապետության Նախագահի կրթական պարգևների շնորհման հանձնաժողովի կազմը` համաձայն հավելվածի:
3. Սահմանել, որ տեղեկատվական տեխնոլոգիաների բնագավառում Հանրապետության Նախագահի կրթական պարգևները յուրաքանչյուր անվանակարգի համար շնորհվում են համանուն վկայագրի և դրամական պարգևի ձևով:
4. Ի գիտություն ընդունել, որ`
ա) հանձնաժողովի կողմից պարգևների թեկնածուներին ներկայացվող պահանջները, նրանց ընտրությունը և առաջադրումը կատարվում է՝ համաձայն «Սինոփսիս Արմենիա» փակ բաժնետիրական ընկերության և «Հայաստան» համահայկական հիմնադրամի միջև կնքված համաձայնագրի.
բ) յուրաքանչյուր անվանակարգի համար շնորհվող դրամական պարգևները հատկացվում են «Սինոփսիս Արմենիա» փակ բաժնետիրական ընկերության կողմից:
5. Սույն կարգադրությունն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ռ. Քոչարյան |
|
|
|
Հավելված |
Կ Ա Զ Մ
Տեղեկատվական տեխնոլոգիաների բնագավառում Հանրապետության Նախագահի կրթական պարգևների շնորհման հանձնաժողովի
| Արկադի ԽԱՉԱՏՐՅԱՆ | - | Հայաստանի Հանրապետության Նախագահի աշխատակազմի փորձագիտական-վերլուծական վարչության պետ |
| Հովիկ ՄՈՒՍԱՅԵԼՅԱՆ | - | «Սինոփսիս Արմենիա» ՓԲԸ ԼԽ գործադիր տնօրեն |
| Գարեգին ՉՈՒՔԱՍԶՅԱՆ | - | Այ Թի Ի ՓԲԸ նախագահ |
| Արա ԱՎԵՏԻՍՅԱՆ | - | Հայաստանի պետական ճարտարագիտական համալսարանի ռեկտոր |
| Արամ ՍԻՄՈՆՅԱՆԻՆ | - | Երևանի պետական համալսարանի ռեկտոր |
| Մեսրոպ քահանա ԱՐԱՄՅԱՆ | - | «ԱՅԲ» կրթական հիմնադրամի հոգաբարձուների խորհրդի նախագահ |
| Ռալֆ ՅԻՐԻԿՅԱՆ | - | «Ղ-Տելեկոմ» ՓԲԸ (Վիվասել-ՄՏՍ) գլխավոր տնօրեն |
| Արմեն ԲԱԼԴԻՐՅԱՆ | - | «Յունիքոմփ» ՓԲԸ գլխավոր տնօրեն |
| Սամվել ՀԱՐՈՒԹՅՈՒՆՅԱՆ | - | Հայաստանի Հանրապետության գիտության պետական կոմիտեի նախագահ |
(Կազմը փոփ. 16.09.06 ՆԿ-184-Ն, 04.07.09 ՆԿ-105-Ն, փոփ., լրաց. 21.02.11 ՆԿ-22-Ն, փոփ. 06.07.11 ՆԿ-137-Ն, 25.02.12 ՆԿ-15-Ն)
|
ՀՀ Նախագահի |
Ա. Թումանյան |
| Փոփոխող ակտ | Համապատասխան ինկորպորացիան |
|---|