Basic information
Number
N 322-Ն
Type
Հրաման
Act type
Base act (05.06.2025-till now)
Status
Գործում է
Source
Միասնական կայք 2025.05.26-2025.06.08 Պաշտոնական հրապարակման օրը 04.06.2025
Enactment organisation
Արդարադատության նախարար
Enactment date
03.06.2025
Signing organisation
Արդարադատության նախարար
Signing date
03.06.2025
Effective date
05.06.2025

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

 

«03» հունիսի 2025 թ.
քաղ. Երևան

N 322-Ն

 

Հ Ր Ա Մ Ա Ն

 

ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2021 ԹՎԱԿԱՆԻ ՀՈԿՏԵՄԲԵՐԻ 8-Ի N 493-Ն ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով.

 

ՀՐԱՄԱՅՈՒՄ ԵՄ՝

 

1. Արդարադատության նախարարի 2021 թվականի հոկտեմբերի 8-ի «Քաղաքացիական կացության ակտում ուղղում կամ լրացում կամ փոփոխություն կատարելու, ինչպես նաև քաղաքացիական կացության ակտը վերականգնելու մասին եզրակացություն կազմելու կարգը սահմանելու մասին» N 493-Ն հրամանի 1-ին կետով հաստատված Հավելվածը լրացնել հետևյալ բովանդակությամբ նոր՝ 13-րդ կետով.

«13. Քաղաքացիական կացության ակտում ուղղում կամ լրացում կամ փոփոխություն կատարելու, ինչպես նաև քաղաքացիական կացության ակտը վերականգնելու դիմումը մերժելու մասին որոշումը կարող է տրամադրվել նաև էլեկտրոնային փաստաթղթի ձևաչափով: Էլեկտրոնային եղանակով տրամադրվող որոշումը հաստատվում է Գործակալության պետի էլեկտրոնային ստորագրությամբ և Գործակալության էլեկտրոնային կնիքով: Քաղաքացիական կացության ակտը վերականգնելու դիմումը մերժելու մասին որոշման իսկության ստուգումը հնարավոր է կատարել էլեկտրոնային կառավարման համակարգի միջոցով ինքնաշխատ գեներացվող 16 նիշանոց համարանիշի և արագ արձագանքման ծածկագրի միջոցով:»:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

 

 

Ս. ԳԱԼՅԱՆ

 

Պաշտոնական հրապարակման օրը՝ 4 հունիսի 2025 թվական: