ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հուլիսի 1994 թ. N 299

քաղ. Երևան

Նկատի ունենալով Հայաստանի Հանրապետության կառավարության և Համաշխարհային բանկի միջև կնքված պայմանագիրը և Համաշխարհային բանկի կողմից Հայաստանի Հանրապետության կառավարությանը տրամադրված աղետի գոտու վերականգնման համար վարկային միջոցների առավել արդյունավետ օգտագործումը, ինչպես նաև Հայաստանի Հանրապետության ֆինանսների նախարարության և էկոնոմիկայի նախարարության առաջարկությունները` համաձայնեցված Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի հետ, Հայաստանի Հանրապետության կառավարությունը որոշում է.

Հայաստանի Հանրապետության էկոնոմիկայի նախարարությանն առընթեր աղետի գոտու վերականգնման ծրագրի պատրաստման և իրականացման գրասենյակի պատվերով աշխատող Հայաստանի Հանրապետության տարածքում գործող բոլոր ձեռնարկությունները և կազմակերպությունները աղետի գոտու վերականգնման ծրագրի պատրաստման և իրականացման գրասենյակի հետ կնքված պայմանագրով նախատեսված աշխատանքների, ծառայությունների մասով ազատել ավելացված արժեքի հարկից:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ա. ԽԱՉԱՏՐՅԱՆ