ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 193-Ա

ԳՅՈՒՄՐՈՒ «ԵՐԻՏԱՍԱՐԴԱԿԱՆ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԵՐԻՏԱՍԱՐԴՆԵՐԻ ՀԶՈՐԱՑՈՒՄ ՀԱՆՈՒՆ ՀԱՋՈՂՈՒԹՅԱՆ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին կետը՝

1. Բարեգործական որակել Գյումրու «Երիտասարդական նախաձեռնությունների կենտրոն» հասարակական կազմակերպության կողմից իրականացվող՝ 25,710,607 դրամ ընդհանուր արժողությամբ «Երիտասարդների հզորացում հանուն հաջողության» ծրագիրը՝ համաձայն հավելվածի:

2. Գյումրու «Երիտասարդական նախաձեռնությունների կենտրոն» հասարակական կազմակերպությանը` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. ԽաչատրՅԱՆ
Երևան

31.03.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 193-Ա որոշման

«ԵՐԻՏԱՍԱՐԴՆԵՐԻ ՀԶՈՐԱՑՈՒՄ ՀԱՆՈՒՆ ՀԱՋՈՂՈՒԹՅԱՆ» ԾՐԱԳԻՐԸ

1.	Ծրագրի նպատակը	Բարելավել Հայաստանի Հանրապետության Շիրակի և Տավուշի մարզերում կյանքի դժվարին իրավիճակում հայտնված 400 երիտասարդի (17-35 տարեկան) սոցիալ-տնտեսական վիճակը՝ զբաղունակության և ձեռներեցության ներուժի, պետական և ոչ առևտրային կառույցների կարողությունների զարգացման միջոցով։ Պետական և ոչ առևտրային կառույցների զարգացումը նախատեսված է իրականացնել թեմատիկ դասընթացների միջոցով։ Ոչ առևտրային կառույցները դասընթացների ավարտին կկարողանան ստանալ աջակցություն՝ ենթադրամաշնորհների տեսքով։ Ծրագրի ուղիղ շահառու երիտասարդների համար նախատեսված են տարբեր թեմատիկ դասընթացներ, աշխատարաններ, հանդիպումներ, որոնք իրականացվելու են Գյումրի և Իջևան քաղաքներում։ Դասընթացների փուլը հաջողությամբ ավարտած 12 երիտասարդներ կկարողանան իրականացնել իրենց համայնքային զարգացման գաղափարը՝ ծրագրի շրջանակներում ֆինանսական և մենթորական աջակցություն ստանալու միջոցով։
2.	Ծրագրի բարեգործական որակման նպատակը	Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից:
3.	Բարեգործը	«ՍՕՍ-Մանկական Գյուղեր» հայկական բարեգործական հիմնադրամ (ՀՎՀՀ` 03517269, իրավաբանական հասցե` Հայաստանի Հանրապետություն, քաղաք Երևան, Հրաչյա Քոչարի 8, բնակարան 18-19, գործունեության հասցե՝ Հայաստանի Հանրապետություն, քաղաք. Երևան, Երզնկյան փողոց, տուն 79)
4.	Ծրագրի կատարողը	Գյումրու «Երիտասարդական նախաձեռնությունների կենտրոն» հասարակական կազմակերպություն (ՀՎՀՀ` 05536501, իրավաբանական հասցե` Հայաստանի Հանրապետություն,
		Շիրակի մարզ, քաղաք Գյումրի, Հովսեփյան 5/1, գործունեության հասցե՝ Հայաստանի Հանրապետություն, Շիրակի մարզ, քաղաք Գյումրի, Ալեք Մանուկյան 26)
5.	Ծրագրի իրականացման վայրը և բնագավառը	Հայաստանի Հանրապետության Շիրակի և Տավուշի մարզեր, բնագավառը` սոցիալական
6.	Ծրագրի բյուջեն	25,710,607 դրամ
7.	Բարեգործություն ստացողը	Հայաստանի Հանրապետության Շիրակի և Տավուշի մարզերում բնակվող, կյանքի դժվարին իրավիճակում հայտնված շուրջ 400 երիտասարդ (17-35 տարեկան)
8.	Ծրագրի իրականացման տևողությունը	2025 թվականի ապրիլի 1-ից մինչև 2027 թվականի դեկտեմբերի 31-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	1) քաղաքացիական հասարակական կազմակերպությունների կարողությունների զարգացում վերապատրաստում-դասընթացների միջոցով՝ 5,331,762 դրամի չափով (ռազմավարական կառավարում, ծրագրերի որակյալ մշակում և արդյունավետ կառավարում, հաղորդակցություն, ֆոնդհայթայթում, երիտասարդների հետ տարվող աշխատանքի տեսակներ, սկզբունքներ, մեթոդաբանություն և երիտասարդական քաղաքականություն թեմաներով), նախատեսվում է իրականացնել 2025 թվականի ապրիլի 1-ից մինչև 2027 թվականի դեկտեմբերի 31-ն ընկած ժամանակահատվածում. 2) քաղաքացիական հասարակական կազմակերպությունների կողմից համայնքային երիտասարդական ծառայությունների տրամադրման և երիտասարդների ու համայնքի զարգացմանն ուղղված ծրագրերի իրականացման համար ենթադրամաշնորհների տրա մադրում և ընթացիկ աջակցություն՝ 5,402,369 դրամի չափով, նախատեսվում է իրականացնել 2026 թվականի հունվարի 1-ից մինչև 2027 թվականի դեկտեմբերի 31-ն ընկած ժամանակահատվածում. 3) երիտասարդական տարածքների ստեղծում և գործարկում, ներառյալ ոչ ֆորմալ կրթական հարթակի մոդելի ստեղծում՝ 1,162,800 դրամի չափով, նախատեսվում է իրականացնել 2025 թվականի ապրիլի 1-ից մինչև 2027 թվականի դեկտեմբերի 31-ն ընկած ժամանակահատվածում. 4) ստեղծել երիտասարդների շահերի պաշտպանության ցանց և նպաստել երիտասարդների կարողությունների զարգացմանն ու աշխատաշուկայում մրցունակության բարձրացմանը թեմատիկ դասընթացների կազմակերպման միջոցով՝ 5,728,728 դրամի չափով: Նախատեսված դասընթացները ներառում, բայց չեն սահմանափակվում հետևյալ թեմաներով՝ մարդու, սոցիալական և աշխատանքային իրավունքներ, առաջնորդություն, քննադատական մտածողություն, հաղորդակցություն, հանրային խոսք և շահերի պաշտպանություն և այլն, նախատեսվում է իրականացնել 2025 թվականի ապրիլի 1-ից մինչև 2027 թվականի դեկտեմբերի 31-ն ընկած ժամանակահատվածում. 5) դասընթացներին հաջողությամբ մասնակցած 12 ակտիվ երիտասարդներ աջակցություն կստանան իրականացնելու համայնքի զարգացման իրենց նախաձեռնությունները՝ 6,418,656 դրամի չափով, նախատեսվում է իրականացնել 2025 թվականի ապրիլի 1-ից մինչև 2027 թվականի դեկտեմբերի 31-ն ընկած ժամանակահատվածում. 6) Շիրակի և Տավուշի մարզերում երիտասարդների հիմնախնդիրների, առկա հնարավորությունների, մարզային երիտասարդական նախաձեռնությունների, հաջողության պատմությունների մասին «Երիտասարդների ձայնը» խորագրով տեսանյութերի պատրաստում՝ 1,666,292 դրամի չափով, նախատեսվում է իրականացնել 2026 թվականի հունվարի 1-ից մինչև 2027 թվականի դեկտեմբերի 31-ն ընկած ժամանակահատվածում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	1) իրականացվող դասընթացների, ծրագրային հանդիպումների ընթացքում հյուրանոցային և սննդի կազմակերպման ծառայությունների ու անհրաժեշտ պարագաների (սուրճ, թեյ, միրգ, խմորեղեն, հյութեր, շշալցված ջուր) ձեռքբերում՝ 7,785,721 դրամի չափով. 2) դասընթացների, հանդիպումների համար անհրաժեշտ գրենական պարագաների ձեռքբերում` 455,754 դրամի չափով. 3) դասընթացավարների, հետազոտող-փորձագետների, մենթորների, ֆասիլիտատորների, տեսանկարահանման և խմբագրական ծառայությունների ձեռքբերում` 11,248,152 դրամի չափով. 4) 12 երիտասարդների և 4 ոչ առևտրային կազմակերպությունների նախաձեռնություններն իրականացնելու համար՝ գրենական պիտույքների, տպագրական նյութերի և սննդի ձեռքբերում՝ 4,434,144 դրամի չափով. 5) տրանսպորտային ծառայությունների ձեռքբերում` 1,786,836 դրամի չափով:
11.	Ծրագրի իրականացման հետ կապված կազմակերպական ծախսերը	Նախատեսված չեն։
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Հայաստանի Հանրապետության կրթության, գիտության, մշակույթի և սպորտի, աշխատանքի և սոցիալական հարցերի, տարածքային կառավարման և ենթակառուցվածքների նախարարությունների, ինչպես նաև Տավուշի մարզպետի և Շիրակի մարզպետի աշխատակազմերի, տեղական ինքնակառավարման մարմինների հետ
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության փոխվարչապետ

Տ. ԽաչատրՅԱՆ

31.03.2025 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ