Մարդու իրավունքների եվրոպական դատարանը (Հինգերորդ բաժանմունք), 2024 թվականի դեկտեմբերի 19-ին հանդես գալով Կոմիտեի հետևյալ կազմով՝

Դիանա Սարկու [Diana Sârcu]՝ Նախագահ,

Կատերինա Շիմաչկովա [Kateřina Šimոčková],

Միկոլա Գնատովսկի [Mykola Gnatovskyy]՝ դատավորներ,

և Վիկտորիա Մարադուդինա [Viktoriya Maradudina]՝ Բաժանմունքի քարտուղարի տեղակալի պաշտոնակատար,

հաշվի առնելով 2014 թվականի դեկտեմբերի 18-ին ներկայացված վերոնշյալ գանգատը,

անցկացնելով խորհրդակցություն, որոշեց հետևյալը.

Դիմումատու պրն Ֆելիքս Գևորգյանը ծնվել է 1979 թվականին։ Նրան ներկայացրել է Երևանում գործող իրավաբան պրն Եգորյանը։

Կոնվենցիայի 3-րդ հոդվածի համաձայն դիմումատուի այն բողոքը, որը վերաբերում է վատ վերաբերմունքի վերաբերյալ նրա պնդումների մասով ենթադրյալ արդյունավետ քննություն չիրականացնելուն, ուղարկվել է Հայաստանի կառավարություն (Կառավարություն), որը ներակայացրել է գանգատի ընդունելիության և ըստ էության քննության վերաբերյալ դիտարկումներ։ Դիտարկումներն ուղարկվել են դիմումատուին, որին առաջարկվել է ներկայացնել իր դիտարկումները: Քարտուղարության գրությանը պատասխան չի ստացվել։

2021 թվականի հունվարի 11-ի՝ պատվիրված առաքանու միջոցով ուղարկված գրությամբ դիմումատուն ծանուցվել է այն մասին, որ նրա դիտարկումների ներկայացման համար թույլատրված ժամկետը լրացել է 2019 թվականի մարտի 18-ին, և որ ժամկետի երկարաձգման համար դիմում չի ներկայացվել։ Դիմումատուի ուշադրությունը հրավիրվել է Կոնվենցիայի 37-րդ հոդվածի 1-ին կետի ,աե ենթակետի վրա, որով նախատեսվում է, որ Դատարանը կարող է գանգատը հանել քննվող գործերի ցուցակից, եթե հանգամանքները հանգեցնեն եզրակացության այն մասին, որ դիմումատուն մտադիր չէ հետամուտ լինելու գանգատին։ Այնուամենայնիվ, պատասխան չի ստացվել։

Վերոշարադրյալի լույսի ներքո, ինչպես նաև Կոնվենցիայով և դրան կից արձանագրություններով երաշխավորված իրավունքների նկատմամբ հարգանքի մասով որևէ հատուկ հանգամանքի բացակայության պարագայում Դատարանը, Կոնվենցիայի 37-րդ հոդվածի 1-ին կետի «ա» ենթակետին համապատասխան, համարում է, որ գանգատի քննությունը շարունակելն այլևս արդարացված չէ։

Համապատասխանաբար գործը պետք է հանվի քննվող գործերի ցուցակից։

Այս հիմնավորմամբ Դատարանը միաձայն՝

Որոշում է գանգատը հանել քննվող գործերի ցուցակից։

Կատարված է անգլերենով և գրավոր ծանուցվել է 2025 թվականի հունվարի 23-ին։

Դիանա Սարկու	Վիկտորիա Մարադուդինա
Նախագահ	Քարտուղարի տեղակալի պաշտոնակատար