ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎ
Ո Ր Ո Շ ՈՒ Մ
|
4 մարտի 2025 թվականի ք. Երևան |
թիվ 14-Ա |
«ՎԻՐՈՒՍ ՆԵՏ» ՍՊ ԸՆԿԵՐՈՒԹՅԱՆ 2018 ԹՎԱԿԱՆԻ ՄԱՅԻՍԻ 4-Ի N 257 ԼԻՑԵՆԶԻԱՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՑԱՆՑԱՅԻՆ ՕՊԵՐԱՏՈՐԻ ԳՈՐԾՈՒՆԵՈՒԹՅԱՆ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ
Ղեկավարվելով «Տեսալսողական մեդիայի մասին» օրենքի 48-րդ հոդվածի 1-ին մասով, 58-րդ հոդվածի 3-րդ մասի 5-րդ կետով, «Լիցենզավորման մասին» օրենքի 37-րդ հոդվածի 1-ին մասով, Հեռուստատեսության և ռադիոյի հանձնաժողովի 2020 թվականի սեպտեմբերի 8-ի «Ցանցային օպերատորի գործունեության լիցենզավորման կարգը և լիցենզիայի ձևը հաստատելու մասին» թիվ 96-Ն որոշմամբ հաստատված կարգի դրույթներով և հիմք ընդունելով «ՎԻՐՈՒՍ ՆԵՏ» ՍՊ ընկերության 2025 թվականի փետրվարի 12-ի՝ 2018 թվականի մայիսի 4-ի N 257 լիցենզիայի գործողությունը դադարեցնելու և Հայաստանի Հանրապետության տարածքում ցանցային օպերատորի գործունեության լիցենզիա ստանալու մասին դիմումները` Հեռուստատեսության և ռադիոյի հանձնաժողովը որոշում է.
Բավարարել «ՎԻՐՈՒՍ ՆԵՏ» ՍՊ ընկերության դիմումները`
1. Ուժը կորցրած ճանաչել «ՎԻՐՈՒՍ ՆԵՏ» ՍՊ ընկերությանը 2018 թվականի մայիսի 4-ին տրամադրված հեռուստառադիոծրագրերի կաբելային (մալուխային) հեռարձակման (ցանցային օպերատորի գործունեության) N 257 լիցենզիան։
2. Տրամադրել «ՎԻՐՈՒՍ ՆԵՏ» ՍՊ ընկերությանը Հայաստանի Հանրապետության տարածքում ցանցային օպերատորի գործունեության լիցենզիա:
3. «ՎԻՐՈՒՍ ՆԵՏ» ՍՊ ընկերության 2018 թվականի մայիսի 4-ի N 257 լիցենզիան ուժը կորցրած ճանաչել Հայաստանի Հանրապետության տարածքում ցանցային օպերատորի գործունեության լիցենզիայի տրամադրմանը հաջորդող օրվանից։
4. Սույն որոշումն ուժի մեջ է մտնում «ՎԻՐՈՒՍ ՆԵՏ» ՍՊ ընկերությանը պատշաճ իրազեկելու օրվան հաջորդող օրվանից։
5. Սույն որոշումը կարող է բողոքարկվել ՀՀ վարչական դատարան` ուժի մեջ մտնելու օրվանից երկամսյա ժամկետում:
|
ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎԻ ՆԱԽԱԳԱՀ |
Տ. ՀԱԿՈԲՅԱՆ |
|
2025 թ. մարտի 4 ք. Երևան |