ՀԱՅԿԱԿԱՆ ԽՍՀ ՄԻՆԻՍՏՐՆԵՐԻ ԽՈՐՀՈՒՐԴ

11 հունիսի 1990 թ. N 275

Քաղ. Երևան

ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՐԴԻ 1988 Թ. ՍԵՊՏԵՄԲԵՐԻ 20-Ի «ՀԱՅԿԱԿԱՆ ՍՍՀ ՖԻՆԱՆՍՆԵՐԻ ՄԻՆԻՍՏՐՈՒԹՅԱՆ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԻ ՄԱՍԻՆ» N 503 ՈՐՈՇՄԱՆ ՄԱՍՆԱԿԻ ՓՈՓՈԽՄԱՆ ՄԱՍԻՆ

Հայկական ԽՍՀ Մինիստրների խորհուրդը որոշում է.

1. Ընդունել Հայկական ԽՍՀ ֆինանսների մինիստրության առաջարկությունը և Հայկական ՍՍՀ Մինիստրների խորհրդի 1988 թ. սեպտեմբերի 20-ի «Հայկական ՍՍՀ ֆինանսների մինիստրության կենտրոնական ապարատի կառուցվածքի մասին» N 503 որոշման մեջ մտցնել հետևյալ փոփոխությունները`

ա) Հայկական ԽՍՀ ֆինանսների մինիստրության կենտրոնական ապարատի կառուցվածքից հանել հետևյալ կառուցվածքային ստորաբաժանումները` պետեկամուտների վարչությունը, ագրոարդյունաբերական ճյուղերի ֆինանսավորման վարչությունը, արդյունաբերության, տեղական տնտեսության և ծառայությունների ոլորտի ֆինանսավորման վարչությունը, շինարարության և նախագծային կազմակերպությունների ֆինանսավորման վարչությունը և լուսավորության, առողջապահության ու սոցապահովման ֆինանսավորման վարչությունը.

բ) Հայկական ԽՍՀ ֆինանսների մինիստրության կենտրոնական ապարատի կառուցվածքի մեջ մտցնել հետևյալ կառուցվածքային ստորաբաժանումները` պետական հարկային տեսչությունը, նյութական արտադրության և գիտության ճյուղերի ֆինանսական նորմաների ու նորմատիվների վարչությունը, ոչ արտադրական ոլորտի ֆինանսների, ֆինանսական նորմաների ու նորմատիվների վարչությունը, արտաքին տնտեսական կապերի, տնտեսական մեխանիզմի կատարելագործման, դրամական շրջանառության, վարկի և արժեքավոր թղթերի բաժինը.

գ) սահմանել մինիստրի տեղակալի` նյութական արտադրության և գիտության ճյուղերի ֆինանսների, ֆինանսական նորմաների ու նորմատիվների վարչության պետի պաշտոն` մինիստրի տեղակալի` ագրոարդյունաբերական ճյուղերի ֆինանսավորման վարչության պետի պաշտոնի փոխարեն.

2. Հայկական ԽՍՀ ֆինանսների մինիստրությանը (ընկ. Ջ. Ա. Ջանոյանին)` մինիստրության կենտրոնական ապարատի գործունեությունը կենտրոնացնել հանրապետությունում առաջնահերթ ֆինանսական վերափոխումների իրականացման վրա, ֆինանսական համակարգին տալ նոր ֆունկցիաներ արմատական տնտեսական ռեֆորմի պահանջներին համապատասխան: Ընդ որում, ելնել մինիստրության կառուցվածքային ստորաբաժանումների աշխատանքում նեղ ճյուղային ուղղվածության հաղթահարման անհրաժեշտությունից, նրանց վրա դնել հիմնականում ժողովրդական տնտեսության մեջ տնտեսական գործընթացների կառավարման ֆունկցիաները:

Հայկական ԽՍՀ ՄԻՆԻՍՏՐՆԵՐԻ ԽՈՐՀՐԴԻ նախագահ

Վ. ՄԱՐԳԱՐՅԱՆՑ

Հայկական ԽՍՀ Մինիստրների խորհրդի գործերի կառավարիչ

Հ. ՎԱՐԴԱՆՅԱՆ