ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2010 թվականի դեկտեմբերի 8-ին
«ՍՆԱՆԿՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Սնանկության մասին» Հայաստանի Հանրապետության 2006 թվականի դեկտեմբերի 25-ի ՀՕ-51-Ն օրենքի (այսուհետ` Օրենք) 21-րդ հոդվածի 1-ին մասի առաջին նախադասությունը շարադրել հետևյալ խմբագրությամբ`
«Ժամանակավոր կառավարիչ կարող է նշանակվել այն ֆիզիկական անձը, որը Հայաստանի Հանրապետության օրենքով սահմանված կարգով գրանցված (հաշվառված) է որպես ձեռնարկատիրական գործունեությամբ զբաղվող հարկ վճարող:»:
Հոդված 2. Օրենքի 22-րդ հոդվածում`
1) 1-ին մասը շարադրել հետևյալ խմբագրությամբ.
«1. Կառավարիչ կարող է նշանակվել այն ֆիզիկական անձը, որը Հայաստանի Հանրապետության օրենքով սահմանված կարգով գրանցված (հաշվառված) է որպես ձեռնարկատիրական գործունեությամբ զբաղվող հարկ վճարող:».
2) 3-րդ մասից հանել «լիցենզավորող մարմնին և» բառերը:
Հոդված 3. Օրենքի 23-րդ հոդվածում 1-ին մասի «Կառավարչի լիցենզիա կարող է տրվել ֆիզիկական անձին, որն ունի բարձրագույն կրթություն և լիցենզիա ստանալու» բառերը փոխարինել «Կառավարիչների ինքնակարգավորվող կազմակերպության անդամ կարող է հանդիսանալ այն ֆիզիկական անձը, որն ունի բարձրագույն կրթություն և կառավարիչների ինքնակարգավորվող կազմակերպության անդամ դառնալու» բառերով:
Հոդված 4. Օրենքի 24-րդ հոդվածի «լիցենզիա ստանալու» բառերը փոխարինել «կառավարչի գործունեություն իրականացնելու նպատակով, որպես ձեռնարկատիրական գործունեությամբ զբաղվող հարկ վճարող գրանցվելու (հաշվառվելու)» բառերով:
Հոդված 5. Օրենքի 26-րդ հոդվածում`
1) 1-ին մասից հանել «լիցենզավորված» բառը.
2) 2-րդ մասից հանել «և նրանց լիցենզիաների պատճենները» բառերը.
3) 6-րդ մասի «բ» կետից հանել «, ինչպես նաև կառավարչի լիցենզիա ստանալու համար անձանց ստաժավորում իրականացնելու նպատակով» բառերը:
Հոդված 6. Օրենքի 27-րդ հոդվածում`
1) 4-րդ մասից հանել «պետք է ունենա կառավարչի լիցենզիա, սակայն» բառերը.
2) 5-րդ մասից հանել «պետք է ունենա կառավարչի լիցենզիա, և» բառերը:
Հոդված 7. Օրենքի 28-րդ հոդվածում`
1. 2-րդ մասից հանել «լիցենզավորող մարմնին և» բառերը.
2. 3-րդ մասից հանել «օրենքով սահմանված կարգով լիցենզիայի գործողությունը կասեցնելու կամ դադարեցնելու, ինչպես նաև» բառերը:
Հոդված 8. Օրենքի 29-րդ հոդվածի 4-րդ մասից հանել «և լիցենզիայի համարի» բառերը:
Հոդված 9. Օրենքի 32-րդ հոդվածի 2-րդ մասն ուժը կորցրած ճանաչել:
Հոդված 10. Օրենքի 106-րդ հոդվածում 1-ին մասի «ա» կետի «սնանկության գործով կառավարչի լիցենզիա ունեցող» բառերը փոխարինել «կառավարիչների ինքնակարգավորվող կազմակերպության անդամ հանդիսացող» բառերով:
Հոդված 11. Սույն օրենքն ուժի մեջ է մտնում 2011 թվականի հունվարի 1-ից:
|
Հայաստանի Հանրապետության |
Ս. Սարգսյան |
|
2010 թ. դեկտեմբերի 29 |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|