ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

10 նոյեմբերի 1988 թ. N 592

Քաղ. Երևան

Մշակույթի ոլորտում կառավարման տնտեսական մեխանիզմի կատարելագործման նպատակով և ի կատարումն Հայաստանի կոմկուսի Կենտկոմի և Հայկական ՍՍՀ Մինիստրների խորհրդի 1988 թ. հուլիսի 26-ի N 414 որոշման Հայկական ՍՍՀ Մինիստրների խորհուրդը որոշում է.

1. Հայկական ՍՍՀ կուլտուրայի մինիստրությանը՝

ա) ուշադրությունը կենտրոնացնել գործունեության նոր ձևերի ու կատարյալ մեթոդների, գոյություն ունեցող ռեսուրսների կառավարման և ռացիոնալ օգտագործման ավելի արդյունավետ միջոցների որոնումների վրա.

բ) հանրապետության մշակույթի և արվեստի հիմնարկների աշխատանքում հետևողականորեն խորացնել ու ընդլայնել տնտեսական հաշվարկի սկզբունքների օգտագործումը:

2. Սահմանել Հայկական ՍՍՀ կուլտուրայի մինիստրության կենտրոնական ապարատի աշխատողների առավելագույն թվաքանակը 71 միավոր (առանց շենքերի պահպանման ու սպասարկման անձնակազմի), հաշվի առնելով Հայկական ՍՍՀ կուլտուրայի մինիստրության և Հայկական ՍՍՀ կինեմատոգրաֆիայի պետական կոմիտեի ապարատների աշխատողների թվաքանակի 44 տոկոսով կրճատումը։

3. Թույլատրել Հայկական ՍՍՀ կուլտուրայի մինիստրությանը՝ ունենալ մինիստրի 3 տեղակալ, այդ թվում՝ մեկ առաջին տեղակալ և երկու տեղակալ, որոնք միաժամանակ հանդիսանում են կուլտուր-լուսավորական աշխատանքների և ժողովրդական ստեղծագործության վարչության ու կինեմատոգրաֆիայի վարչության պետերը և կոլեգիա՝ 11 մարդու կազմով։

4. Հաստատել Հայկական ՍՍՀ կուլտուրայի մինիստրության կենտրոնական ապարատի կառուցվածքը, համաձայն N 1 հավելվածի:

5. Լուծարել ժողովրդական դեպուտատների երևանի քաղաքային սովետի գործկոմի կինոֆիկացիայի վարչությունը, դրա ֆունկցիաները հանձնելով ժողովրդական դեպուտատների Երևանի քաղաքային սովետի գործկոմի կուլտուրայի վարչությանը:

6. Հաստատել Հայկական ՍՍՀ կուլտուրայի մինիստրության իրավասության ենթակա կազմակերպությունների ու հիմնարկների ցանկը, համաձայն N 2 հավելվածի։

7. Հայկական ՍՍՀ պետպլանին և Հայկական ՍՍՀ ֆինանսների մինիստրությանը` սույն որոշումից բխող համապատասխան փոփոխություններ մտցնել Հայկական ՍՍՀ տնտեսական ու սոցիալական զարգացման 1988 թվականի պետական պլանի և Հայկական ՍՍՀ 1988 թվականի պետական բյուջեի մեջ:

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի նախագահ

Ֆ. ՍԱՐԳՍՅԱՆ

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐԻՉ

Հ. ՎԱՐԴԱՆՅԱՆ

հԱՎԵԼՎԱԾ N 1 Հայկական ՍՍՀ Մինիստրների խորհրդի 1988 թ. նոյեմբերի 10-ի N 592 որոշման

Արվեստի գործերի վարչություն

Կինեմատոգրաֆիայի վարչություն

Կուլտուր-լուսավորական աշխատանքների և ժողովրդական ստեղծագործության

վարչություն

Կապիտալ շինարարության և նոր տեխնիկայի վարչություն

Պլանավորման, սոցիալական ու տնտեսական զարգացման վարչություն

Հաշվապահական հաշվառման ու վերահսկողության վարչություն

Կադրերի և ուսումնական հաստատությունների բաժին

Արտասահմանյան կապերի բաժին

Գործերի կառավարչություն

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐԻՉ

Հ. ՎԱՐԴԱՆՅԱՆ

հԱՎԵԼՎԱԾ N 2 Հայկական ՍՍՀ Մինիստրների խորհրդի 1988 թ. նոյեմբերի 10-ի N 592 որոշման

Հանրապետական ենթակայության թատրոններ

Համերգային կազմակերպություններ և պետական կոլեկտիվներ

Հ. Բեկնազարյանի անվան «Հայֆիլմ» կինոստուդիա

Թանգարաններ

Գրադարաններ

Կուլտուր-լուսավորական այլ հիմնարկներ

Կուլտուրայի աշխատողների որակավորման բարձրացման հանրապետական

դասընթացներ

«Սովետական արվեստ», «Կուլտուր-լուսավորական աշխատանք» ամսագրերի

խմբագրություններ

Ինֆորմացիոն-ռեկլամային բյուրո

Կինովարձույթի հանրապետական գրասենյակ

Խորեոգրաֆիկ ուսումնարան

Պ. Ի. Չայկովսկու անվան միջնակարգ մասնագիտական երաժշտական դպրոց

Կինոտեխնիկում և կինոմեխանիկների դպրոց

«Հայատրակցիոն» հանրապետական դիրեկցիա

Խանութ-սրահ

Արդկոմբինատ

Մատակարարման վարչություն

Քաղաքային և շրջանային կինոդիրեկցիաներ

«Հայկինոտեխնիկա» վարչական շենքի վարչություն

Նորոգման-շինարարական վարչություն

Ժողովրդական դեպուտատների քաղաքային (շրջանային) սովետների գործկոմների

կուլտուրայի բաժիններ (վարչություններ)

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐԻՉ

Հ. ՎԱՐԴԱՆՅԱՆ