ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

18 նոյեմբերի 1990 թ. N 524

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՄԻՆԻՍՏՐՈՒԹՅԱՆ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԻ ՄԱՍԻՆ

Ի կատարումն Հայաստանի Հանրապետության Գերագույն խորհրդի 1990 թվականի սեպտեմբերի 18-ի որոշման և Հայաստանի Հանրապետության Մինիստրների խորհրդի 1990 թվականի սեպտեմբերի 27-ի N 430 որոշմանը համապատասխան Հայաստանի Հանրապետության Մինիստրների խորհուրդը որոշում է.

 1. Հաստատել Հայաստանի Հանրապետության գյուղատնտեսության մինիստրության կենտրոնական ապարատի կառուցվածքը, համաձայն հավելվածի:

2. Սահմանել Հայաստանի Հանրապետության գյուղատնտեսության մինիստրության կենտրոնական ապարատի աշխատողների առավելագույն թվաքանակը` 165 միավոր (առանց վարչական շենքը սպասարկող և պահպանող անձնակազմի):

3. Թույլատրել Հայաստանի Հանրապետության գյուղատնտեսության մինիստրությանը ունենալ մինիստրի չորս տեղակալ, որից մեկը` առաջին, և 11 անդամից բաղկացած կոլեգիա:

4. Հանձնարարել գյուղատնտեսության մինիստրությանը` մշակել և 2-ամսյա ժամկետում, սահմանված կարգով, Հայաստանի Հանրապետության Մինիստրների խորհրդի հաստատմանը ներկայացնել մինիստրության կանոնադրությունը:

5. Թույլատրել Հայաստանի Հանրապետության գյուղատնտեսության մինիստրությանը`

ա) կազմակերպել նոր արտադրահարաբերությունների կացութաձևերի մշակման, կիրառման և ապապետականացման խորհուրդ.

բ) ֆերմերային, գյուղացիական տնտեսությունների, կոոպերատիվների և վարձակալների իրավական պաշտպանվածության խորհուրդ.

գ) գիտատեխնիկական աշխատանքների խորհուրդ.

դ) անհրաժեշտության դեպքում փոփոխել առանձին միավորումների, ձեռնարկությունների և կազմակերպությունների անվանումները, մինիստրության կենտրոնական ապարատի կառուցվածքը` ապարատի աշխատողների թվաքանակի և աշխատանքի վարձատրության ֆոնդի սահմաններում:

6. Լուծարել շրջանային ագրոարդյունաբերական միավորումները և նպատակահարմար համարել ժողովրդական պատգամավորների շրջանային խորհուրդների գործկոմների կառուցվածքում ունենալ համապատասխան կառուցվածքային ստորաբաժանումներ, նրանց պահպանումը կատարելով տեղական բյուջեների միջոցների հաշվին:

7. Սահմանել, որ Հայաստանի Հանրապետության գյուղատնտեսության մինիստրության կենտրոնական ապարատի պահպանումը կատարվում է մինիստրությանը ենթակա ձեռնարկությունների ու կազմակերպությունների մասհանումների հաշվին:

8. Հայաստանի Հանրապետության գյուղատնտեսության մինիստրությանը` մինչև 1990 թվականի դեկտեմբերի 15-ը Հայաստանի Հանրապետության Մինիստրների խորհուրդ առաջարկություն ներկայացնել մինիստրության ապարատի աշխատողների աշխատանքի վարձատրության ֆոնդի վերաբերյալ:

9. Հանրապետության նախկին մելիորացիայի և ջրային տնտեսության մինիստրության բազայի վրա ստեղծել մելիորացիայի և ջրային տնտեսության հանրապետական գիտաարտադրական միավորում, այն ենթարկելով Հայաստանի Հանրապետության գյուղատնտեսության մինիստրությանը:

10. Հայաստանի Հանրապետության գյուղատնտեսության մինիստրությանը, Հայաստանի Հանրապետության սննդի արդյունաբերության մինիստրությանը և Հայաստանի Հանրապետության շինարարության մինիստրությանը` մինչև 1990 թվականի դեկտեմբերի 1-ը որոշել այն միավորումների, ձեռնարկությունների և կազմակերպությունների ցանկը, որոնց նկատմամբ փոխվում է գերատեսչական ենթակայությունը և սահմանված կարգով ապահովել դրանց հանձնում-ընդունումը:

11. Լուծարել «Հայագրոարդշին» պետական-կոոպերատիվ միավորումը:

12. Կառավարության լուծումը պահանջող հարցերի վերաբերյալ առաջարկություններ ներկայացնել Հայաստանի Հանրապետության Մինիստրների խորհուրդ:

ՀԱՅԱՍՏԱՆի հանրապետության ՄԻՆԻՍՏՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ

Հավելված Հայաստանի Հանրապետության Մինիստրների խորհրդի 1990 թվականի նոյեմբերի 18-ի N 524 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՄԻՆԻՍՏՐՈՒԹՅԱՆ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԸ

Բուսաբուծության հեռանկարային զարգացման գլխավոր վարչություն

Անասնապահության հեռանկարային զարգացման գլխավոր վարչություն

Տնտեսագիտական գլխավոր վարչություն

Կադրերի պատրաստման և ուսումնական հաստատությունների և արտաքին տնտեսական կապերի գլխավոր վարչություն

Անասնաբուծության գլխավոր վարչություն-պետական անասնաբուծության տեսչություն

Հողաշինարարության, հողօգտագործման գլխավոր վարչություն - հողօգտագործման և պահպանության պետական տեսչություն

Գյուղատնտեսական տեխնիկայի պետական վերահսկողության վարչություն

Կապիտալ շինարարության գլխավոր վարչություն

Վերահսկողության վարչություն

Գյուղատնտեսության սոցիալական զարգացման վարչություն

Գիտատեխնիկական առաջընթացի վարչություն

Մելիորացիայի և ջրային ռեսուրսների օգտագործման վարչություն

Մեքենայացման, տրանսպորտի և էներգետիկայի բաժին

Իրավաբանական և արբիտրաժի բաժին

Հատուկ և մոբիլիզացիոն աշխատանքների բաժին

Ընդհանուր բաժին

ՀԱՅԱՍՏԱՆի հանրապետության ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ