ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

10 փետրվարի 1989 թ. N 69

Քաղ. Երևան

Հայկական ՍՍՀ Մինիստրների խորհուրդը որոշում է.

Ընդունել Հայկական ՍՍՀ ժողովրդական կրթության մինիստրության առաջարկությունը, համաձայնեցված Հայկական ՍՍՀ պետպլանի և Հայկական ՍՍՀ ֆինանսների մինիստրության հետ, և ստեղծել`

ա) Հայկական ՍՍՀ ժողովրդական կրթության մինիստրության տեսչություն, լուծարելով նախկին Հայկական ՍՍՀ բարձրագույն և միջնակարգ մասնագիտական կրթության մինիստրության և Հայկական ՍՍՀ պրոֆեսիոնալ-տեխնիկական կրթության պետական կոմիտեի միջնակարգ մասնագիտական ուսումնական հաստատությունների տեսչությունները.

բ) Հայկական ՍՍՀ ժողովրդական կրթության մինիստրության նյութատեխնիկական մատակարարման տնտհաշվարկային վարչություն, լուծարելով նախկին Հայկական ՍՍՀ լուսավորության նյութատեխնիկական մատակարարման վարչությունը և նախկին Հայկական ՍՍՀ պրոֆեսիոնալ-տեխնիկական կրթության պետական կոմիտեի նյութատեխնիկական մատակարարման գրասենյակը.

գ) Հայկական ՍՍՀ ժողովրդական կրթության մինիստրության ավտոտրանսպորտային ձեռնարկություն ինքնուրույն հաշվեկշռով, լուծարելով նախկին Հայկական ՍՍՀ լուսավորության մինիստրության և Հայկական ՍՍՀ բարձրագույն ու միջնակարգ մասնագիտական կրթության մինիստրության ավտոտրանսպորտային ձեռնարկությունները:

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի նախագահ

Վ. ՄԱՐԳԱՐՅԱՆՑ

Հայկական ՍՍՀ ՄԻՆԻՍՏՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐԻՉ

Հ. ՎԱՐԴԱՆՅԱՆ