ԵՐԵՎԱՆԻ ՔԱՂԱՔԱՊԵՏ

ԲՈՒԶԱՆԴԻ ՓՈՂՈՑԻ Հ.1/3 ՀԱՍՑԵՈՒՄ ԳՏՆՎՈՂ ՇԵՆՔԻ 53.7ՔՄ ՄԱԿԵՐԵՍՈՎ ՏԱՐԱԾՔԻ ՊԱՅՄԱՆԱԳՐՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Սմբատ Գրիգորյանի դիմումը՝ Բուզանդի փողոցի հ.1/3 հասցեում գտնվող շենքի 6-րդ հարկի 53.7քմ մակերեսով տարածքի համար կնքված վարձակալության պայմանագրի գործողության ժամկետը երկարաձգելու մասին:

Բուզանդի փողոցի հ.1/3 հասցեում գտնվող շենքը՝ սեփականության իրավունքով պատկանում է Երևան համայնքին /անշարժ գույքի նկատմամբ իրավունքների պետական գրանցման հ.09122021-01-0408 վկայական/:

Հարցի քննարկման համար հիմք են հանդիսացել Երևանի քաղաքապետի 2011թ. նոյեմբերի 8-ի հ.5417-Ա, 2021թ. դեկտեմբերի 7-ի հ.4313-Ա, 2022թ. ապրիլի 12-ի հ.1394-Ա և 2024թ. օգոստոսի 29-ի հ.3329-Ա որոշումները, դրանց հիման վրա համապատասխանաբար՝ 2011թ. նոյեմբերի 30-ին կնքված ոչ բնակելի տարածքի վարձակալության հ.4393 պայմանագիրը, 2021թ. դեկտեմբերի 23-ին կնքված հ.12992 համաձայնագիրը և անշարժ գույքի նկատմամբ իրավունքների պետական գրանցման հ.13092024-01-0014 վկայականը:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, քաղաքացիական օրենսգրքի 466-րդ, 468-րդ, 620-րդ հոդվածներով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Երևան քաղաքի ավագանու 2023 թվականի դեկտեմբերի 26-ի N 50-Ն որոշման հավելվածով, հաշվի առնելով 2011 թվականի նոյեմբերի 30-ի ոչ բնակելի տարածքի վարձակալության հ.4393 պայմանագիրը, «ԱԲԻՏ» ՍՊԸ-ի կողմից 29.10.2024թ. ներկայացված անշարժ գույքի վարձակալության արժեքի գնահատման հ.78 հաշվետվությունը.

1. Լիազորել Երևանի քաղաքապետարանի աշխատակազմի անշարժ գույքի կառավարման վարչության պետին, Երևանի քաղաքապետի անունից, ՀՀ օրենսդրությամբ սահմանված կարգով Սմբատ Գրիգորյանի հետ կնքել համաձայնագիր՝ Բուզանդի փողոցի հ.1/3 հասցեում գտնվող շենքի 6-րդ հարկի՝ 53.7քմ մակերեսով տարածքի համար 2011 թվականի նոյեմբերի 30-ին կնքված ոչ բնակելի տարածքի վարձակալության հ.4393 պայմանագրում փոփոխություն և լրացում կատարելու մասին, ներառելով հետևյալ փոփոխությունը և լրացումը.

 1) պայմանագրի 1.2-րդ ենթակետը լրացնել նոր պարբերությամբ, հետևյալ բովանդակությամբ.

«Կողմերի միջև կնքված համաձայնագրի հիման վրա պայմանագրի գործողության ժամկետը երկարաձգվել է մինչև 2027 թվականի դեկտեմբերի 31-ը:».

2) պայմանագրի 3-րդ կետի 3.1 ենթակետում՝ «155000 (հարյուր հիսունհինգ հազար)» բառերը փոխարինել «236100 (երկու հարյուր երեսունվեց հազար մեկ հարյուր)» բառերով:

2. Ընդունել ի գիտություն, որ.

1) սույն որոշման 1-ին կետով նշված համաձայնագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման Հայաստանի Հանրապետության կադաստրի կոմիտեի համապատասխան ստորաբաժանումում.

2) պետական գրանցման, միասնական տեղեկանքի և նոտարական վավերացման հետ կապված ծախսերը կատարվում Սմբատ Գրիգորյանի կողմից:

3. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով՝ Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

4. Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի անշարժ գույքի կառավարման վարչության պետի վրա։

5. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը:

Տ. Ավինյան