ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 դեկտեմբերի 1993 թվականի N 665

քաղ. Երևան

Սպառողական շուկայում ապրանքաշրջանառության ընդլայնման և հանրապետությունում արտադրության վնասաբերության նվազեցման նպատակով Հայաստանի Հանրապետության կառավարությունը որոշում է`

1. 1994 թվականի հունվարի 4-ից սահմանել`

ա) հացի մանրածախ գին` 1 կգ 1,5 դրամ (կամ 300 ռուբլի) ալյուրի 1 կգ 1,25 դրամ (կամ 250 ռուբլի), ներառյալ 2 տոկոս առևտրական զեղչը:

Սահմանել, որ արտասահմանից վարկի հաշվին և մարդասիրական օգնության կարգով ստացված ցորենը հացի արտադրության համար օգտագործելու դեպքում ալրաղաց գործարանները յուրաքանչյուր 1 տոննա ցորենի դիմաց բյուջե պետք է մուծեն 150 դրամ (կամ 30 հազ.ռուբլի)` վարկի տոկոսների մարման կամ միջազգային պայմանագրերով նախատեսված այլ նպատակների համար:

Սահմանել, որ հացի և բնակչությանն իրացման ենթակա ալյուրի բեռնումն ու փոխադրումը մինչև սպառողը կատարվում է մատակարարի միջոցով և նրա հաշվին, իսկ բեռնաթափումը` ստացողի միջոցով և նրա հաշվին.

բ) պետության կողմից կարգավորվող բնակչությանն իրացվող հիմնական ծառայությունների սակագների սահմանային գործակիցները, համաձայն հավելվածի.

գ) կենցաղային կարիքների համար բնակչությանը տրվող էլեկտրաէներգիայի միասնական սակագին` 1 կվտ ժամը 0,2 դրամ (կամ 40 ռուբլի)

դ) ներքաղաքային տրանսպորտով (ավտոբուս, տրոլեյբուս, տրամվայ) և մետրոյով ուղևորների փոխադրման համար սակագին` յուրաքանչյուր անձից 0,5 դրամ (կամ 100 ռուբլի):

2. Հայաստանի Հանրապետության էկոնոմիկայի նախարարությանը`

ա) Հայաստանի Հանրապետության ֆինանսների նախարարության, առևտրի նախարարության և Հայկոոպի վարչության հետ համաձայնեցնելով 1994 թվականի հունվարի 3-ի դրությամբ սահմանել հացի և ալյուրի մնացորդների վերագնահատման կարգ.

բ) հաստատել հացի մանրածախ գնի գնացուցակը և դրանով ապահովել բոլոր սպառող ձեռնարկություններին և կազմակերպություններին: 

3. Սույն որոշման ընդունման պահից ուժը կորցրած ճանաչել Հայաստանի Հանրապետության կառավարության 1993 թվականի հոկտեմբերի 17-ի «Բնակչությանն իրացվող հիմնական ծառայությունների սակագների փոփոխման մասին» N 530 (բացառությամբ 2-րդ կետի) և 1993 թվականի հոկտեմբերի 28-ի «Հացի մանրածախ գնի և ներքաղաքային տրանսպորտի սակագների փոփոխման մասին» N 549 (բացառությամբ 2-րդ և 4-րդ կետերի) որոշումները:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

Հավելված ՀՀ կառավարության 1993 թ. դեկտեմբերի 30-ի N 665 որոշման

ԲՆԱԿՉՈՒԹՅԱՆՆ ԻՐԱՑՎՈՂ ՀԻՄՆԱԿԱՆ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԻ ՍԱՀՄԱՆԱՅԻՆ ԳՈՐԾԱԿԻՑՆԵՐԸ

---------------------------------------------------------         ---------------------------------------------------------	--------------------------- Սահմանային գործակիցները գործող սակագների նկատմամբ ---------------------------	--------------------------- Սահմանային շահութաբերության չափը` տոկոսներով   ---------------------------	----------         ----------
1 ---------------------------------------------------------	2 ---------------------------	3 ---------------------------	4 ----------
Կաթ, մածուն	-	առանց փոփոխության
Մանկական սնունդ (բացի «Ազնավուրը Հայաստանին» ֆոնդի կողմից ստացված սարքավորումներով թողարկվող սննդից)	-	առանց փոփոխության
Բնակչությանը իրացվող կերակրի աղ	-	առանց փոփոխության
Հեղուկ գազ	-	առանց փոփոխության
Բնական գազ	2,5	-
Բնակվարձ, ներառյալ հանրակացարաններում բնակվելու համար վարձ	2,5	-
Ջրախողովակից օգտվելու ծառայություն	2	-
Կոյուղուց օգտվելու ծառայություն	4	-
Բնակելի շենքերի ջեռուցում	3	-
Տաք ջրամատակարարում	2	-
Կենցաղային աղբի տեղափոխում	3	-
Ուղևորատար տրանսպորտի ծառայություններ ---------------------------------------------------------
Երկաթուղային տրանսպորտով ուղևորների և բեռների փոխադրում	առանց փոփոխության	-
Օդային տրանսպորտով ուղևորների և բեռների փոխադրում	-	առանց փոփոխության առանց փոփոխության
Մերձքաղաքային ավտոտրանսպորտով ուղևորների փոխադրում	-	առանց փոփոխության
Կապի ծառայություններ ------------------------------		-
Քաղաքային և տեղական հեռախոսային կապի համար աբոնենտային վճար	2	-
Ռադիոֆիկացիա	-	առանց փոփոխության
Հեռախոսային կապ ------------------------
Ներհանրապետական	2	-
Հանրապետությունից դուրս (ԱՊՀ անդամ և նախկին ԽՍՀՄ հանրապետություններ)	2	-
Հեռագրական կապ -----------------------
Հանրապետությունից դուրս (ԱՊՀ անդամ և նախկին ԽՍՀՄ հանրապետություններ)	առանց փոփոխության	-
Ներհանրապետական	2	-
Փոստային կապ --------------------
Բացի ծանրոցների առաքումից	2,5	-
Ծանրոցների առաքում	2	-

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ