ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 794-Ա

Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ և 16-րդ մասերով, Հայաստանի Հանրապետության կառավարության 2023 թվականի օգոստոսի 24-ի N 1450-Լ որոշման N 2 հավելվածի 15-րդ կետով՝

1. Մասնավոր նախաձեռնությամբ ներդրումային ծրագրերի և դրանց իրականացման ընթացքում ի հայտ եկող խնդիրների լուծմանն ուղղված քննարկումների համակարգման և մշտադիտարկման, ինչպես նաև ներդրումների ներգրավմանը և խթանմանն առնչվող նորմատիվ իրավական ակտերի նախագծերի ներդաշնակեցմանն ուղղված քննարկումների իրականացման նպատակով ստեղծել ներդրումային ծրագրերին աջակցող միջգերատեսչական հանձնաժողով (այսուհետ՝ հանձնաժողով) և հաստատել դրա անհատական կազմը` համաձայն հավելվածի:

2. Սահմանել, որ պետական կառավարման համակարգի մարմիններից ստացված ներդրումային ծրագրերը ներկայացվում են հանձնաժողովի քննարկմանը «Ներդրումների աջակցման կենտրոն» հիմնադրամի միջոցով։

3. Սահմանել, որ հանձնաժողովն իր կատարած աշխատանքների վերաբերյալ տարեկան ամփոփ տեղեկատվություն է հրապարակում www.gov.am կայքում մինչև հաջորդ տարվա փետրվարի 20-ը:

4. Սահմանել, որ հանձնաժողովի աշխատակարգը հաստատում է հանձնաժողովն առաջին նիստի ընթացքում։

5. Հանձնաժողովի անդամներին՝

1) հանձնաժողովի աշխատակարգով սահմանված կարգով ապահովել մասնակցությունը հանձնաժողովի աշխատանքներին․

2) հանձնաժողովի քննարկմանը ներկայացնել ներդրումների ոլորտի կարգավորմանն ուղղված և համակարգային խնդիր պարունակող իրավական ակտերի նախագծերը։

Հայաստանի Հանրապետության վարչապետ	Ն. Փաշինյան
Երևան

06.09.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 794-Ա որոշման

ՀՀ փոխվարչապետ` համապատասխան ոլորտը համակարգող (հանձնաժողովի նախագահ)

Երևանի քաղաքապետ (համաձայնությամբ)

ՀՀ էկոնոմիկայի նախարար

ՀՀ տարածքային կառավարման և ենթակառուցվածքների նախարար

ՀՀ ֆինանսների նախարար

ՀՀ բարձր տեխնոլոգիական արդյունաբերության նախարար

ՀՀ կադաստրի կոմիտեի ղեկավար

ՀՀ քաղաքաշինության կոմիտեի նախագահ

ՀՀ վարչապետի աշխատակազմի ղեկավարի` համապատասխան ոլորտը համակարգող տեղակալ

ՀՀ էկոնոմիկայի նախարարի` համապատասխան ոլորտը համակարգող տեղակալ (առանց քվեարկության իրավունքի)

«Ներդրումների աջակցման կենտրոն» հիմնադրամի գլխավոր տնօրեն (համաձայնությամբ` հանձնաժողովի քարտուղար՝ առանց քվեարկության իրավունքի)

Հայաստանի Հանրապետության վարչապետի աշխատակազմի ղեկավար

Ա. Հարությունյան

06.09.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ