ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 սեպտեմբերի 2024 թվականի N 1403-Ա

Հիմք ընդունելով Հայաստանի Հանրապետության քաղաքացիական օրենսգրքի 605-րդ և 685-րդ հոդվածները, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին մասերը` Հայաստանի Հանրապետության կառավարությունը որոշում է.

1. Որպես նվիրաբերություն Հայաստանի Հանրապետությանը Կարմիր խաչի միջազգային կոմիտեից ընդունել «ՉԵՆԳԼՈՆԳ М3 ՔԱՐԳՈ ԹՐԱՔ» (CHENGLONG M3 CARGO TRUCK) մակնիշի, նույնացման համարը` LGGR3C132ML654210 դիատար-սառնարանային ավտոմեքենան, սկզբնական արժեքը` 26,110,000.0 ՀՀ դրամ, մնացորդային արժեքը` 26,110,000.0 ՀՀ դրամ, թողարկման տարեթիվը` 2021 թվական (այսուհետ` գույք):

2. Սույն որոշման 1-ին կետում նշված գույքն ամրացնել Հայաստանի Հանրապետության առողջապահության նախարարությանը` այն անժամկետ և անհատույց օգտագործման իրավունքով Հայաստանի Հանրապետության առողջապահության նախարարության «Դատաբժշկական գիտագործնական կենտրոն» պետական ոչ առևտրային կազմակերպությանը (այսուհետ` կազմակերպություն) տրամադրելու համար` մարդկային աճյունների տեղափոխման նպատակով:

3. Հայաստանի Հանրապետության առողջապահության նախարարին` սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 1-ին կետում նշված գույքի՝ կազմակերպության հետ անժամկետ, անհատույց օգտագործման պայմանագրի կնքումը, պետական հաշվառումը և հանձնման-ընդունման աշխատանքների իրականացումը` Հայաստանի Հանրապետության առողջապահության նախարարության միջոցների հաշվին:

Հայաստանի Հանրապետության վարչապետ	Ն. Փաշինյան
Երևան

05.09.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ