ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

17 մարտի 2022 թվականի

թիվ 33

քաղ. Մոսկվա

«Եվրասիական տնտեսական միության մասին» 2014 թվականի մայիսի 29-ի պայմանագրի 37-րդ հոդվածի 3-րդ կետին, Եվրասիական տնտեսական միության մաքսային օրենսգրքի 314-րդ հոդվածի 5-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 12-րդ կետին համապատասխան, Եվրասիական տնտեսական միության անդամ պետությունների տնտեսական և պարենային կայունության ապահովմանն ուղղված միջոցների իրագործման նպատակով Եվրասիական տնտեսական հանձնաժողովի խորհուրդը որոշեց

1. Եվրասիական տնտեսական հանձնաժողովի խորհրդի 2018 թվականի հունիսի 14-ի թիվ 60 որոշմամբ հաստատված՝ Զարգացող և առավել թույլ զարգացած երկրներից ապրանքների ծագումը որոշելու կանոններում կատարել հետևյալ փոփոխությունները՝

ա) 22-րդ կետի 2-րդ ենթակետը լրացնել «՝ բացառությամբ Եվրասիական տնտեսական հանձնաժողովի խորհրդի 2022 թվականի մարտի 17-ի ««Զարգացող և առավել թույլ զարգացած երկրներից ապրանքների ծագումը որոշելու կանոններում փոփոխություններ կատարելու մասին» թիվ 33 որոշման 2-րդ կետի «ա» ենթակետով նախատեսված դեպքի» բառերով․

բ) 30-րդ կետի առաջին պարբերությունը շարադրել հետևյալ խմբագրությամբ՝

«30. Սակագնային առանձնաշնորհումներ տրամադրելու նպատակով ապրանքի ծագումը հաստատելու համար ներկայացվում է ապրանքի ծագման հավաստագրի բնօրինակը՝ բացառությամբ սույն կանոնների 35-րդ կետում նշված դեպքերի, Եվրասիական տնտեսական հանձնաժողովի խորհրդի 2020 թվականի ապրիլի 3-ի «Զարգացող և առավել թույլ զարգացած երկրներից ապրանքների ծագումը որոշելու կանոններում փոփոխություն կատարելու մասին և 2019-nCov կորոնավիրուսային վարակի տարածման պայմաններում ապրանքի ծագման հավաստագիր ներկայացնելու առանձնահատկությունների մասին» թիվ 36 որոշման մեջ և Եվրասիական տնտեսական հանձնաժողովի խորհրդի 2022 թվականի մարտի 17-ի «Զարգացող և առավել թույլ զարգացած երկրներից ապրանքների ծագումը որոշելու կանոններում փոփոխություններ կատարելու մասին» թիվ 33 որոշման 2-րդ կետի «բ» ենթակետում, կամ սույն կանոնների 41-րդ կետով նախատեսված դեպքում՝ ապրանքի ծագման հայտարարագիրը։»։

2. Սահմանել, որ 2022 թվականի մարտի 1-ից 2024 թվականի դեկտեմբերի 31-ը ներառյալ՝

ա) Եվրասիական տնտեսական հանձնաժողովի խորհրդի 2018 թվականի հունիսի 14-ի թիվ 60 որոշմամբ հաստատված՝ Զարգացող և առավել թույլ զարգացած երկրներից ապրանքների ծագումը որոշելու կանոնների 27-րդ կետով նախատեսված ուղղակի գնման պայմանը չի կիրառվում որպես պարտադիր պայման՝ սակագնային առանձնաշնորհումներ տրամադրելու համար

բ) «Եվրասիական տնտեսության միության մասին» 2014 թվականի մայիսի 29-ի պայմանագրի 37-րդ հոդվածի 3-րդ կետով նախատեսված նպատակների համար ապրանքի ծագումը հաստատելու համար կարող է տրամադրվել ապրանքի ծագման հավաստագրի էլեկտրոնային կամ թղթային պատճենը՝ նշված հավաստագրի բնօրինակը առաջիկայում պարտադիր ներկայացնելու պայմանով՝ ոչ ուշ, քան ապրանքների հայտարարագրի գրանցման օրվանից 6 ամիս ժամկետում։ Այս դեպքում հայտարարողի կողմից հավաստագրի պատճենի դարձերեսին ձեռքով գրվում կամ տպվում է ապրանքի ծագման հավաստագրի բնօրինակը նշված ժամկետում մաքսային մարմին ներկայացնելու մասին պարտավորությունը (ազատ ձևով)։

(2-րդ կետը փոփ. ԵՏՀԽ 24.11.23 թիվ 133)

3. Սույն որոշման 2-րդ կետի «բ» ենթակետում նշված ժամկետներում ապրանքի ծագման հավաստագրի բնօրինակը չներկայացնելու դեպքում ապրանքի ծագումը համարվում է չհաստատված։

4. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո և տարածվում է 2022 թվականի մարտի 1-ից հետո ծագած իրավահարաբերությունների վրա։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Բ. Սուլթանով	Ա. Կոժոշև	Ա. Օվերչուկ

Պաշտոնական հրապարակման օրը՝ 4 մայիսի 2023 թվական: