ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

    ԿՈԴ

050.0085 Ն. 05.06.24

5 հունիսի 2024 թվականի

թիվ 85-Ն

Հիմք ընդունելով «Հայաստանի Հանրապետության կենտրոնական բանկի մասին» օրենքի 2-րդ հոդվածի 3-րդ մասը, 20-րդ հոդվածի 1-ին մասի «ե» և «է» կետերը` Հայաստանի Հանրապետության կենտրոնական բանկի խորհուրդը

1. 2024 թվականի հունիսի 12-ից շրջանառության մեջ դնել «Եվրասիական տնտեսական միության 10 տարին» արծաթե հուշադրամը՝ համաձայն սույն որոշման Հավելված 1-ով սահմանված նկարագրությունների և էսքիզների:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության կենտրոնական բանկի նախագահ	Մ. Գալստյան
Երևան

Հավելված 1 Հայաստանի Հանրապետության կենտրոնական բանկի խորհրդի 2024 թվականի հունիսի 5-ի թիվ 85-Ն որոշման

1. Հուշադրամի դիմերեսին պատկերված են ՀՀ զինանշանը և ԵԱՏՄ անդամ պետությունների քանակին համապատասխանող հավերժության հայկական նշանի աջ պտույտ ունեցող թևերի պատկերներ:

Մակագրություններն են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «РЕСПУБЛИКА АРМЕНИЯ», «1000 ԴՐԱՄ ДРАМ» և «2024»:

2. Հուշադրամի դարձերեսին պատկերված են ԵԱՏՄ պատկերանիշը և ԵԱՏՄ անդամ պետությունների դրոշների գույներով ոճավորված պատկերներ:

Մակագրություններն են՝ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ», «ЕВРАЗИЙСКИЙ ЭКОНОМИЧЕСКИЙ СОЮЗ» և «10 ՏԱՐԻ ЛЕТ»:

3. Տեխնիկական չափանիշները

Անվանական արժեքը	1000 դրամ
Մետաղը/հարգը	արծաթ 9250
Քաշը	33,6 գ
Տրամագիծը	38,61 մմ
Որակը	պրուֆ
Դրամաշուրթը	ատամնավոր
Քանակը	200 հատ

4. Էսքիզների հեղինակներն են Լուսինե Լալայանը (դիմերես) և Կարապետ Աբրահամյանը (դարձերես):

5. Հուշադրամը հատվել է Լեհաստանի դրամահատարանում:

Պաշտոնական հրապարակման օրը՝ 11 հունիսի 2024 թվական: