ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 հուլիսի 1992 թվականի N 416

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՍԱՀՄԱՆ ՄԵԿՆՈՂ ՔԱՂԱՔԱՑԻՆԵՐԻ ՀԱՄԱՔԱՂԱՔԱՑԻԱԿԱՆ ԱՐՏԱՍԱՀՄԱՆՅԱՆ ԱՆՁՆԱԳՐԵՐԻ ՁԵՎԱԿԵՐՊՄԱՆ ԺԱՄԱՆԱԿԱՎՈՐ ԿԱՐԳԻ ՄԱՍԻՆ

Հայաստանի Հանրապետության կառավարությունը որոշում է`

1. Մինչև Հայաստանի Հանրապետության քաղաքացիության մասին օրենսդրական ակտերի ընդունումը և Հայաստանի Հանրապետությունում անձնագրային նոր համակարգի անցնելը սահմանել Հայաստանի Հանրապետությունում համաքաղաքացիական արտասահմանյան անձնագրերի ձևակերպման հետևյալ ժամանակավոր կարգը`

ա) Հայաստանի Հանրապետության արտաքին գործերի նախարարությունը ստացված հրավերների և ձեռնարկությունների, հիմնարկների, կազմակերպությունների գրավոր դիմումների հիման վրա գործուղումներ ձեւակերպելիս համաքաղաքացիական արտասահմանյան անձնագրերում, մինչև նոր անձնագրային համակարգին անցնելը, կատարում է «բազմակի» ելքի թույլտվության նշում` չգրանցելով երկրի անունը, այցելության նպատակը և ժամկետը.

բ) Հայաստանի Հանրապետության ներքին գործերի նախարարությունը զբոսաշրջության (տուրիստական) և անհատական այցերի ձևակերպման ժամանակ համաքաղաքացիական արտասահմանյան անձնագրերում, մինչև նոր անձնագրային համակարգին անցնելը, կատարում է «բազմակի» ելքի թույլտվության նշում` չգրանցելով երկրի անունը, այցելության նպատակը և ժամկետը:

(1-ին կետը խմբ. 04.10.93 N 501)

2. Հայաստանի Հանրապետության արտաքին գործերի նախարարությանը` սույն որոշման մասին տեղյակ պահել նախկին ԽՍՀՄ հանրապետություններում գտնվող օտարերկրյա պետությունների դիվանագիտական և հյուպատոսական ներկայացուցչություններին, սահմանային ծառայություններին:

3. Հաստատել արտասահմանյան գործուղման մեկնող քաղաքացիների համաքաղաքացիական արտասահմանյան անձնագրերի և այլ փաստաթղթերի ձևակերպման հետ կապված ծառայությունների սակագները, համաձայն հավելվածի:

Որակավորման բարձրացման, վերապատրաստման և փոխանակման կարգով արտասահման մեկնող ուսանողների և ասպիրանտների նկատմամբ նշված սակագները կիրառվում են 50 տոկոս զեղչով:

(3-րդ կետն ուժը կորցրել է 26.05.93 թիվ 280 որոշմամբ)

4. Համաքաղաքացիական արտասահմանյան անձնագրերի և այլ փաստաթղթերի ձևակերպման հետ կապված ծառայությունների համար վճարվող գումարները գանձվում են Հայաստանի Հանրապետության բյուջե:

(4-րդ կետն ուժը կորցրել է 26.05.93 թիվ 280 որոշմամբ)

5. Ուժը կորցրած ճանաչել Հայաստանի Հանրապետության Նախարարների խորհրդի 1991 թվականի օգոստոսի 20-ի «ԽՍՀՄ Նախարարների խորհրդի 1991 թվականի հունվարի 2-ի «Աշխատողների արտասահմանյան գործուղումների փաստաթղթերի ձևակերպման հետ կապված ծառայությունների վճարման կարգի մասին» N 7 որոշումը» N 524 որոշման 5-րդ կետը: 

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

Ս Ա Կ Ա Գ Ն Ե Ր

ԱՐՏԱՍԱՀՄԱՆՅԱՆ ԳՈՐԾՈՒՂՄԱՆ ՄԵԿՆՈՂ ՔԱՂԱՔԱՑԻՆԵՐԻ ՀԱՄԱՔԱՂԱՔԱՑԻԱԿԱՆ ԱՐՏԱՍԱՀՄԱՆՅԱՆ ԱՆՁՆԱԳՐԵՐԻ ԵՎ ԱՅԼ ՓԱՍՏԱԹՂԹԵՐԻ ՁԵՎԱԿԵՐՊՄԱՆ ՀԵՏ ԿԱՊՎԱԾ ԾԱՌԱՅՈՒԹՅՈՒՆՆԵՐԻ

-------------------------------------------------------------------------------------- Ծառայության տեսակը --------------------------------------------------------------------------------------	----------------------------------------Վճարումը (ռուբլի) ----------------------------------------
Անձնագրի և վիզայի հարցաթերթիկների լրացման կարգի պարզաբանում և այլ խորհրդատվություն	100
Անձնագրի ձևակերպում` «բազմակի» ելքի թույլտվության նշումով	2000
Անձնագրում միայն «բազմակի» ելքի թույլտվության նշում	1500
Անձնագրի ժամկետի երկարաձգում	500
Անձնագրում երեխաների վերաբերյալ համապատասխան նշումների կատարում	300
Դեսպանատների մուտքի վիզաներ ստանալու համար նոտայի կազմում և մեքենագրում, փաստաթղթերի ստուգում, ծրարում, առաքում դեսպանատներ, մուտքի վիզաների լրացում, մուտքի (տարանցիկ) վիզաների ժամկետների երկարաձգում	500
Օտարերկրյա պետությունների դեսպանությունների հարցաթերթիկների թարգմանություն	100
Օտարերկրյա պետությունների դեսպանությունների հարցաթերթիկների լրացում	200
Բոլոր գործերի շտապ ձևակերպում (գործերը ներկայացնելու համար սահմանված ժամկետների խախտումով)	Վճարման ենթակա գումարն ավելանում է 100 տոկոսով (նոտայի արժեքը)
Կազմակերպությունների դիմումներով օտարերկրյա քաղաքացիների համար Հայաստանի Հանրապետություն մուտքի-ելքի միանգամյա վիզայի ձևակերպում	300
Կազմակերպությունների դիմումներով օտարերկրյա քաղաքացիների համար Հայաստանի Հանրապետություն մուտքի-ելքի բազմակի վիզայի ձևակերպում`
6 ամիս ժամկետով	500
1 տարի ժամկետով	1000
Փաստաթղթերի վավերացում	50

(հավելվածն ուժը կորցրել է 26.05.93 թիվ 280 որոշմամբ)

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ