նախագահությամբ դատավոր՝	Ելենա Առաքելյանի
	դատավորներ՝	Արթուր Ավագյանի
		Մերի Համբարձումյանի Արմեն Ներսիսյանի
		Գևորգ Սոսյանի

08 փետրվարի 2024 թ.

ք. Երևան

գրավոր ընթացակարգով քննելով վարչական գործն ըստ դիմումի Անի Թադևոսի Թումանյանի (անձնագիր` AS 0227269, տրվ. 13.06.2018թ., 052-ի կողմից) ընդդեմ Հայաստանի Հանրապետության` ի դեմս կառավարության, երրորդ անձ` Սպիտակ համայնք` ՀՀ կառավարության «Լոռու մարզի Սպիտակի քաղաքային համայնքի վարչական սահմանների նկարագիրը հաստատելու և Սպիտակ քաղաքային համայնքի վարչական սահմաններում գտնվող՝ պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» 01.06.2006 թվականի թիվ 1054-Ն որոշման 6-րդ հավելվածի 965-001 ծածկագրով հողամասին վերաբերող կետն անվավեր ճանաչելու պահանջի մասին,

ՈՐՈՇԵՑ

1. Անի Թադևոսի Թումանյանի դիմումը բավարարել մասնակի. անվավեր ճանաչել ՀՀ կառավարության «Լոռու մարզի Սպիտակի քաղաքային համայնքի վարչական սահմանների նկարագիրը հաստատելու և Սպիտակ քաղաքային համայնքի վարչական սահմաններում գտնվող՝ պետական սեփականություն հանդիսացող հողամասերն անհատույց սեփականության իրավունքով համայնքին փոխանցելու մասին» 01.06.2006 թվականի թիվ 1054-Ն որոշման 6-րդ հավելվածի 965-001 ծածկագրով հողամասին վերաբերող կետը՝ 06006-495-9 կադաստրային ծածկագրով հողամասի հետ համադրվող մասով:

2. Մնացած մասով Անի Թադևոսի Թումանյանի դիմումը մերժել:

3. Հայաստանի Հանրապետությունից հօգուտ Անի Թադևոսի Թումանյանի բռնագանձել 3.000 ՀՀ դրամ՝ որպես նախապես վճարված պետական տուրքի գումար:

4. Օրինական ուժի մեջ մտնելուց հետո որոշումը դատական ծախսերի մասով կամովին չկատարվելու դեպքում, կկատարվի Հարկադիր կատարումն ապահովող ծառայության միջոցով՝ պարտապանի հաշվին:

5. Որոշումը կարող է բողոքարկվել վերաքննության կարգով՝ ՀՀ վերաքննիչ վարչական դատարան հրապարակման պահից մեկ ամսվա ընթացքում:

Նախագահող դատավոր՝	Ելենա Առաքելյան
Դատավորներ՝	Արթուր Ավագյան
	Մերի Համբարձումյան Արմեն Ներսիսյան
	Գևորգ Սոսյան

Պաշտոնական հրապարակման օրը՝ 25 մարտի 2024 թվական: