N 289-Ա

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Սիթի օֆ սմայլ» բարեգործական հիմնադրամի կողմից իրականացվող` 137,660,771 դրամ արժողությամբ «Աջակցություն քաղցկեղ և արյան հիվանդություն ունեցող անձանց» ծրագիրը՝ համաձայն հավելվածի:

(1-ին կետը փոփ. 20.02.24 N 126-Ա)

2. Սահմանել, որ «Սիթի օֆ սմայլ» բարեգործական հիմնադրամի (ՀՎՀՀ` 00464744) կողմից կնքված՝ ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն`

1) «Ազադ Ֆարմասյութիքլզ» սահմանափակ պատասխանատվությամբ ընկերության հետ (ՀՎՀՀ` 02235575) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 3,333,333.34 դրամի չափով, առանց ավելացված արժեքի հարկի.

2) «Ալֆա-ֆարմ իմպորտ» փակ բաժնետիրական ընկերության հետ (ՀՎՀՀ` 02606482) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 5,000,000 դրամի չափով, առանց ավելացված արժեքի հարկի.

3) «Աստերիա» սահմանափակ պատասխանատվությամբ ընկերության հետ (ՀՎՀՀ` 01537077) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 30,724,083 դրամի չափով, առանց ավելացված արժեքի հարկի.

4) «ԱՐՄԵՆԻԱ ԻՆԿԱՍԱՑԻՈՆ ԾԱՌԱՅՈՒԹՅՈՒՆ» փակ բաժնետիրական ընկերության հետ (ՀՎՀՀ` 02260596) 2019 թվականի հունիսի 20-ին կնքված՝ եռակողմ պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում կանխիկ դրամի ընդունման, փոխադրման (տեղափոխման), հանձնման բանկ կամ հակառակ ուղղությամբ, ինչպես նաև անհրաժեշտության դեպքում դրամապահոցներում ժամանակավոր պահպանության ծառայությունների մատուցում՝ 1,183,333 դրամի չափով, առանց ավելացված արժեքի հարկի.

5) «ԷՆՋԻ ՀՈԼԴԻՆԳ» սահմանափակ պատասխանատվությամբ ընկերության հետ (ՀՎՀՀ` 00240216) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 10,000,000 դրամի չափով, առանց ավելացված արժեքի հարկի.

6) «Թեոֆարմա Իմպորտ» սահմանափակ պատասխանատվությամբ ընկերության հետ (ՀՎՀՀ` 00471216) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 40,136,328 դրամի չափով, առանց ավելացված արժեքի հարկի.

7) «Նունե Եղիազարյան Պլյուս» սահմանափակ պատասխանատվությամբ ընկերության հետ (ՀՎՀՀ` 00237505) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 8,333,333.33 դրամի չափով, առանց ավելացված արժեքի հարկի.

8) «Վիոլետա ֆարմ» սահմանափակ պատասխանատվությամբ ընկերության հետ (ՀՎՀՀ` 01044241) 2023 թվականի հունվարի 4-ին կնքված՝ N 10 պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 8,333,333.33 դրամի չափով, առանց ավելացված արժեքի հարկի.

9) «Ֆարմատեք» փակ բաժնետիրական ընկերության հետ (ՀՎՀՀ` 01818051) 2022 թվականի նոյեմբերի 28-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում դեղորայքի ձեռքբերում՝ 23,167,027 դրամի չափով, առանց ավելացված արժեքի հարկի.

10) «Երևան-Աուդիտ Կոնսալտ» փակ բաժնետիրական ընկերության հետ (ՀՎՀՀ` 02703411) 2018 թվականի սեպտեմբերի 1-ին կնքված պայմանագրում նշված գործարքը, որով նախատեսվում է 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում հաշվապահական հաշվառման ծառայությունների մատուցում՝ 6,300,000 (ամսեկան՝ 300,000 դրամ) դրամի չափով, առանց ավելացված արժեքի հարկի:

(2-րդ կետը փոփ. 20.02.24 N 126-Ա)

3. «Սիթի օֆ սմայլ» բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Խաչատրյան
Երևան

18.04.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 289-Ա որոշման

1.	Ծրագրի նպատակը	Ծրագրի նպատակն է անհատույց կերպով աջակցել քաղցկեղ և արյան հիվանդություններ ունեցող, Հայաստանի Հանրապետությունում բուժվող մինչև 25 տարեկան ֆիզիկական անձանց:
2.	Ծրագրի բարեգործական որակման նպատակը	Օրենքով սահմանված կարգով օգտվել Հայաստանի Հանրապետության հարկերի գծով արտոնություններից:
3.	Բարեգործը	«Սիթի օֆ սմայլ» բարեգործական հիմնադրամ (hասցե՝ քաղ. Երևան, Ներսիսյան 7, հեռախոսահամարներ՝ 00 374 91 403 927, 00 374 10 283 800, e-mail՝ info@cityofsmile.org, ՀՎՀՀ՝ 00464744)
4.	Ծրագիրը կատարողը	«Սիթի օֆ սմայլ բարեգործական հիմնադրամ (hասցե՝ քաղ. Երևան, Ներսիսյան 7, հեռախոսահամարներ՝ 00 374 91 403 927, 00 374 10 283 800, e-mail՝ info@cityofsmile.org, ՀՎՀՀ՝ 00464744)
5.	Ծրագրի իրականացման վայրը և բնագավառը	Իրականացման վայրը՝ Հայաստանի Հանրապետություն, քաղ. Երևան, Ներսիսյան 7, բնագավառը՝ առողջապահական:
6.	Ծրագրի բյուջեն	137,660,771 դրամ
7.	Բարեգործություն ստացողը	Ծրագրի շահառուներն են քաղցկեղ և արյան հիվանդություններ ունեցող մինչև 25 տարեկան Հայաստանի Հանրապետությունում բուժվող ֆիզիկական անձինք, ովքեր հանդիսանում են «Սիթի օֆ սմայլ» բարեգործական հիմնադրամի շահառուներ, որոնք չեն կարող ինքնուրույն ապահովել իրենց բուժման ծախսերը:
8.	Ծրագրի իրականացման տևողությունը	2023 թվականի ապրիլի 1-ից մինչև 2024 թվականի դեկտեմբերի 31-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	1. 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում նախատեսվում է իրականացնել անհատույց դեղորայքային աջակցության միջոցառումներ քաղցկեղ և արյան հիվանդություններ ունեցող, Հայաստանի Հանրապետությունում բուժվող մինչև 25 տարեկան ֆիզիկական անձանց: Միջոցառումների արժեքը կազմում է՝ 129,027,438 դրամ: 2. 2023 թվականի ապրիլի 1-ից մինչև 2024 թվականի դեկտեմբերի 31-ն ընկած ժամանակահատվածում նախատեսվում են ծրագրի իրականացման հետ կապված կազմակերպական ծախսեր՝ հաշվապահական հաշվառման, ինկասացիոն և աուդիտորական ծառայություններ: Կազմակերպական ծախսերի արժեքը կազմում է՝ 8,633,333 դրամ:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	1. Դեղորայքի ձեռքբերում՝ 129,027,438 դրամ: 2. Հաշվապահական հաշվառման ծառայությունների ձեռքբերում՝ 6,300,000 դրամ: 3. Ինկասացիոն ծառայությունների ձեռքբերում՝ 1,183,333 դրամ: 4. Աուդիտորական ծառայությունների ձեռքբերում՝ 1,150,000 դրամ:
11.	Ծրագրի իրականացման հետ կապված կազմակերպական ծախսերը	1. Հաշվապահական հաշվառման ծառայությունների ձեռքբերում՝ 6,300,000 դրամ: 2. Ինկասացիոն ծառայությունների ձեռքբերում՝ 1,183,333 դրամ: 3. Աուդիտորական ծառայությունների ձեռքբերում՝ 1,150,000 դրամ:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Առողջապահության նախարարության և Առողջապահության նախարարության «Պրոֆեսոր Ռ. Օ. Յոլյանի անվան արյունաբանական կենտրոն» փակ բաժնետիրական ընկերության հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	1. Ծրագրի նկատմամբ վերահսկողությունն իրականացվում է «Սիթի օֆ սմայլ» բարեգործական հիմնադրամի հոգաբարձուների խորհրդի կողմից: 2. Հիմնադրամն անցնում է տարեկան ֆինանսական աուդիտ, որի արդյունքները հրապարակվում են Հայաստանի Հանրապետության օրենսդրությամբ սահմանված կարգով: 3. Յուրաքանչյուր եռամսյակ հիմնադրամի կայքում հրապարակվում է հիմնադրամի ծախսերի մանրամասն հաշվետվություն: 4. Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով տեղեկությունների ներկայացում լիազորված մարմնին:

(հավելվածը խմբ. 20.02.24 N 126-Ա)

Հայաստանի Հանրապետության փոխվարչապետ

Տ. Խաչատրյան

18.04.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ