ԵՐԵՎԱՆԻ ՔԱՂԱՔԱՊԵՏ

N 512-Ա

«09» փետրվարի 2024 թ.

ՋՐԱՇԵՆԻ 2-ՐԴ ՓՈՂՈՑԻ Հ.38 ՀԱՍՑԵՈՒՄ ԳՏՆՎՈՂ ՀՈՂԱՄԱՍԻ ՍԱՀՄԱՆՆԵՐԸ ՃՇՏԵԼՈՒ ԵՎ ՀԱՏԱԿԱԳԻԾ ԹՈՂԱՐԿԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Արամայիս Սերոբյանի դիմումը՝ Ջրաշենի 2-րդ փողոցի հ.38 հասցեում գտնվող հողամասի /տնամերձ/ սահմանները ճշտելու և հատակագիծ թողարկելու մասին։

Հարցի քննարկման համար հիմք են հանդիսացել 06.07.2023թ. ըստ օրենքի ժառանգության իրավունքի հ.6251 վկայագիրը, «Հայաստանի ազգային արխիվ» ՊՈԱԿ-ի 14.09.2023թ. Հ-12721 տեղեկանքը, ՀՀ կադաստրի կոմիտեի 01.09.2023թ. հ.Կ-01092023-001-0042 որոշումը:

Տեղագրական հանույթի ճշգրտումից պարզվել է, որ քննարկվող հասցեում գտնվող հողամասի փաստացի մակերեսը կազմում է 1141.79քմ՝ փաստաթղթերում ամրագրված 1200.0քմ մակերեսի փոխարեն:

Քննարկվող հողամասը՝ համաձայն ՀՀ կառավարության 15.12.2005թ. հ.2330-Ն որոշմամբ հաստատված Երևան քաղաքի գլխավոր հատակագծում ամրագրված պայմանական նշանների՝ ցածրահարկ բնակելի կառուցապատման գոտում է, ընդգրկված չէ հողային օրենսգրքի 60-րդ հոդվածի սահմանափակումների ցանկում և ՀՀ կառավարության 2020թ. հունիսի 4-ի հ.1023-Ն որոշմամբ հաստատված Երևան քաղաքի հողերի տարածագնահատման 11-րդ գոտում է:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, հողային օրենսգրքի 52-րդ և 59-րդ հոդվածներով, ՀՀ կառավարության 2020թ. հունիսի 4-ի հ.1023-Ն որոշմամբ, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության հ.Ն/2426-24 եզրակացությունը և Ն/5136-24 գրությունը.

1. Սահմանել, որ Ջրաշենի 2-րդ փողոցի հ.38 հասցեում գտնվող, 06.07.2023թ. ըստ օրենքի ժառանգության իրավունքի հ.6251 վկայագրով Արամայիս Սերոբյանին փոխանցված տնամերձ հողամասի սահմանները որոշվում են 1141.79քմ մակերեսի համար սահմանված կարգով հաստատված հատակագծով:

2. Սույն որոշումից ծագող իրավունքը ենթակա է պետական գրանցման ՀՀ կադաստրի կոմիտեի համապատասխան ստորաբաժանումում։

3. Որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում:

4. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։

5. Որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա. Փամբուխչյանը։

Տ. ԱՎԻՆՅԱՆ