ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 փետրվարի 2024 թվականի N 167-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ԴԵԿՏԵՄԲԵՐԻ 7-Ի N 2146-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2023 թվականի դեկտեմբերի 7-ի «Բնակելի տարածքներ նվիրելու մասին» N 2146-Ա որոշման (այսուհետ՝ որոշում) մեջ կատարել հետևյալ փոփոխությունները՝

1) որոշման 3-րդ կետի 1-ին ենթակետից հանել «, իսկ քաղաքացիները Հայաստանի Հանրապետության հանդեպ հետագայում սույն որոշման հիման վրա բնակելի նշանակության գույքի ձեռքբերման վերաբերյալ գույքային պահանջ չեն ներկայացնելու» բառերը.

2) որոշման 4-րդ կետում՝

ա․ «պարտավորվում են նվիրել» բառերը փոխարինել «նվիրում են» բառերով,

բ․ «, ընդ որում, հավելվածներով նախատեսված նոր բնակարանների նվիրատվության և Հայաստանի Հանրապետության Արագածոտնի մարզի Ապարան համայնքին քաղաքացիներին սեփականության իրավունքով պատկանող բնակարանների նվիրատվության պայմանագրերը կնքվում են միաժամանակ» բառերը հանել։

Հայաստանի Հանրապետության վարչապետ	Ն. Փաշինյան
Երևան

01.02.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ