ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԱՎԱԳԱՆԻ

26 դեկտեմբերի 2023 թ.

N 32-Ա

ՀՈՂԱՄԱՍԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆՆԵՐԸ ՓՈԽԵԼՈՒ ՄԱՍԻՆ

 Ղեկավարվելով հողային օրենսգրքի 3-րդ հոդվածի 1-ին մասի 1-ին կետով, «Քաղաքաշինության մասին» օրենքի 143-րդ հոդվածի 9-րդ և 12-րդ մասերով, «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 20.1 կետի պահանջներով և հիմք ընդունելով Հայաստանի Հանրապետության կառավարության 2011 թվականի դեկտեմբերի 29-ի հ.1920-Ն որոշումը.

 Երևան քաղաքի ավագանին որոշում է.

1. Երևան քաղաքի Անաստաս Միկոյան փողոցի հ.111/12 հասցեում գտնվող 0.2հա (հողամասի ծածկագիր՝ 01-004-0102-0024), Դավթաշեն 4-րդ թաղամասի հ.48/5 հասցեում գտնվող 0.5333հա (հողամասի ծածկագիր՝ 01-004-0102-0021) հողամասերի և դրանց կից գտնվող 01-004-102-0032, 01-004-102-022, 01-004-102-023 և 01-004-102-002 ծածկագրերով համայնքային սեփականություն հանդիսացող 5.13157հա (ընդհանուր՝ 5.8649հա) մակերեսներով հողամասերի նպատակային նշանակությունները փոխադրել «բնակավայրերի» հողերի կատեգորիա։

2. Երևանի քաղաքապետին՝ սույն որոշման 1-ին կետով հողամասերի նպատակային նշանակությունների կատարված փոփոխության մասին 10-օրյա ժամկետում օրենսդրությամբ սահմանված կարգով տեղեկացնել Կադաստրի կոմիտե և Քաղաքաշինության կոմիտե՝ կցելով սույն որոշման սահմանված կարգով հաստատված պատճենները։

Երևանի քաղաքապետ`	Տ. Ավինյան
2023 թ. դեկտեմբերի 26 Երևան