1. Սույն Կարգը մշակվել է «Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 5-րդ կետին համապատասխան, և դրանով սահմանվում են համապատասխանության գնահատման հավատարմագրված մարմինները (այդ թվում՝ հավաստագրման մարմինները, փորձարկման լաբորատորիաները (կենտրոնները)) Եվրասիական տնտեսական միության համապատասխանության գնահատման մարմինների միասնական ռեեստրում (այսուհետ համապատասխանաբար՝ միասնական ռեեստր, Միություն) ներառելու, դրանք ռեեստրից հանելու չափորոշիչները, միասնական ռեեստրը ձևավորելու ու վարելու, ինչպես նաև դրանում փոփոխություններ կատարելու կանոնները։

2. Սույն կարգի նպատակներով գործածվում են հասկացություններ, որոնք ունեն հետևյալ իմաստը.

«փաստաթղթերի մասսայական անհիմն տրամադրում»՝ Միության մեկ կամ մի քանի տեխնիկական կանոնակարգերի պահանջներին արտադրանքի համապատասխանության գնահատման մասին փաստաթղթերի անհիմն տրամադրում (երեքից ոչ պակաս), ինչը հայտնաբերվել է Միության անդամ պետության հավատարմագրման մարմնի կողմից համապատասխանության գնահատման հավատարմագրված մարմնի մեկ գնահատման և (կամ) համապատասխանության գնահատման հավատարմագրված մարմնի գործունեության մեկ վերահսկողական միջոցառման ընթացքում (այն դեպքում, երբ հսկողության այդպիսի միջոցառման անցկացումը նախատեսված է Միության անդամ պետության օրենսդրությամբ).

«փաստաթղթերի անհիմն տրամադրում»՝ համապատասխանության գնահատման մասին փաստաթղթերի տրամադրում սույն կարգով նախատեսված համապատասխանության գնահատման ընթացակարգերի խախտմամբ․

«փաստաթղթերի սիստեմատիկ անհիմն տրամադրում»՝ 1 տարվա ընթացքում բազմիցս կրկնվող (առնվազն 3 անգամ) սահմանված կարգով բացահայտված համապատասխանության գնահատման մասին փաստաթղթերի անհիմն տրամադրում՝ անկախ անհիմն տրամադրված համապատասխանության գնահատման մասին փաստաթղթերի քանակից։

Սույն կարգում գործածվող այլ հասկացություններ կիրառվում են «Եվրասիական տնտեսական միության շրջանակներում տեխնիկական կանոնակարգման մասին» արձանագրությամբ («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) և «Համապատասխանության գնահատման մարմինների հավատարմագրման աշխատանքների արդյունքները ճանաչելու մասին» արձանագրությամբ («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 11 հավելված) սահմանված իմաստներով։

(2-րդ կետը խմբ. ԵՏՀԽ 22.05.23 թիվ 62)

3. Միասնական ռեեստրն ընդհանուր տեղեկատվական ռեսուրս է, որում տեղեկություններ են պարունակվում համապատասխանության գնահատման մարմինների վերաբերյալ, և որի ձևավորումն ու վարումը Միության ինտեգրված համակարգի միջոցների օգտագործմամբ (այսուհետ՝ ինտեգրված համակարգ) էլեկտրոնային եղանակով իրականացվում են Եվրասիական տնտեսական հանձնաժողովի կողմից (այսուհետ՝ Հանձնաժողով)՝ անդամ պետությունների հավատարմագրման մարմինների (այսուհետ՝ լիազորված մարմիններ) կողմից միասնական ռեեստրի ազգային մասերից Հանձնաժողով ներկայացվող տեղեկությունների հիման վրա՝ Միության անդամ պետությունների (այսուհետ՝ անդամ պետություններ) և Հանձնաժողովի փոխգործակցության շրջանակներում։

4. Լիազորված մարմինները պարտավոր են ներկայացնել հավաստի տեղեկություններ՝ միասնական ռեեստրում ներառելու համար։

5. Միասնական ռեեստրի ձևավորումն ու վարումը ներառում են՝

ա) լիազորված մարմինների կողմից Հանձնաժողով տեղեկություններ ներկայացնելը համապատասխանության գնահատման հետևյալ մարմինների մասին՝

հավաստագրման մարմիններ, որոնք աշխատանքներ են իրականացնում Միության տեխնիկական կանոնակարգերի պահանջներին համապատասխանության գնահատման ենթակա արտադրանքի կամ միասնական ձևով համապատասխանության հավաստագրերի և համապատասխանության հայտարարագրերի տրամադրմամբ համապատասխանության պարտադիր հաստատման ենթակա արտադրանքի միասնական ցանկում ներառված արտադրանքի համապատասխանության գնահատման մասով (այսուհետ համապատասխանաբար՝ հավաստագրման մարմիններ, միասնական ցանկ).

փորձարկման լաբորատորիաներ (կենտրոններ), որոնք իրականացնում են փորձարկումներ Միության տեխնիկական կանոնակարգերի պահանջներին համապատասխանության գնահատման ենթակա արտադրանքի կամ միասնական ցանկում ներառված արտադրանքի մասով (այսուհետ՝ փորձարկման լաբորատորիաներ (կենտրոններ)).

տեսչական մարմիններ, որոնք աշխատանքներ են իրականացնում արտադրանքը Միության տեխնիկական կանոնակարգերի պահանջներին դրա համապատասխանության գնահատման մասով՝

բ) համապատասխանության գնահատման մարմինները միասնական ռեեստրում ներառելը՝ դրանց համար նշելով «գործում է» կարգավիճակը։ Համապատասխանության գնահատման մարմինները միասնական ռեեստրում ներառելու ամսաթիվ է համարվում այդ մարմինների մասին տեղեկությունները Միության տեղեկատվական պորտալում հրապարակելու ամսաթիվը.

գ) միասնական ռեեստրում համապատասխանության գնահատման մարմինների մասին տեղեկություններն արդիականացնելը, ինչպես նաև պահպանելը.

դ) միասնական ռեեստրից տեղեկությունները Միության տեղեկատվական պորտալում հրապարակելը.

ե) ինտեգրված համակարգի միջոցների օգտագործմամբ շահագրգիռ լիազորված մարմիններին միասնական ռեեստրում պարունակվող տեղեկությունների հասանելիություն ապահովելը.

զ) համապատասխանության գնահատման մարմինները միասնական ռեեստրից հանելը՝ դրանց համար նշելով «հանվել է» կարգավիճակը։ Համապատասխանության գնահատման մարմինները միասնական ռեեստրից հանելու ամսաթիվ է համարվում լիազորված մարմնի կողմից համապատասխան որոշումն ընդունելու ամսաթիվը։

(5-րդ կետը փոփ. ԵՏՀԽ 22.05.23 թիվ 62)

6. Միասնական ռեեստրի վարումն իրականացվում է ռուսերենով։

7. Միասնական ռեեստրը տեղեկություններ է պարունակում համապատասխանության գնահատման հետևյալ մարմինների մասին՝

ա) հավաստագրման մարմիններ.

բ) փորձարկման լաբորատորիաներ (կենտրոններ).

գ) տեսչական մարմիններ։

8. Հավաստագրման մարմինները միասնական ռեեստրում ներառվում են հետևյալ չափորոշիչներին համապատասխանելու դեպքում`

ա) անդամ պետության տարածքում դրա օրենսդրությանը համապատասխան որպես իրավաբանական անձ հավաստագրման մարմնի կամ այնպիսի կազմակերպության գրանցման առկայություն, որի կազմի մեջ է մտնում հավաստագրման մարմինը, և այդ պետության տարածքում գործունեության իրականացում.

բ) այն անդամ պետության լիազորված մարմնի կողմից տրված գործող հավատարմագրման առկայություն, որի տարածքում գրանցված է հավաստագրման մարմինը.

գ) Միության տեխնիկական կանոնակարգերի պահանջներին համապատասխանության գնահատման ենթակա արտադրանքի (Միության տեխնիկական կանոնակարգերի պահանջներին համապատասխանության գնահատման աշխատանքներ իրականացնող հավաստագրման մարմինների համար) կամ միասնական ցանկում ներառված արտադրանքի (միասնական ցանկում ներառված արտադրանքի համապատասխանության գնահատման աշխատանքներ իրականացնող հավաստագրման մարմինների համար) առկայություն հավատարմագրման բնագավառում.

դ) հավաստագրման մարմնի հաստիքացուցակում հավատարմագրման բնագավառին համապատասխան գործունեության բոլոր ուղղություններով համապատասխանության գնահատման ոլորտի այնպիսի փորձագետների (փորձագետ-աուդիտորների) առկայություն, որոնք աշխատանքային պայմանագրի հիման վրա համապատասխանության գնահատման գործունեություն են իրականացնում մեկ հավաստագրման մարմնում.

ե) 1 տարվա ընթացքում այն փաստաթղթերի անհիմն տրամադրման բացահայտված դեպքերի բացակայությունը, որոնք հանգեցրել են անդամ պետության օրենսդրության կամ նորմատիվային փաստաթղթերի պահանջներին (միասնական ցանկում ներառված արտադրանքի համար) կամ Միության տեխնիկական կանոնակարգերի պահանջներին չհամապատասխանող արտադրանքը շրջանառության մեջ դնելուն․

զ) 1 տարվա ընթացքում փաստաթղթերի մասսայական և (կամ) սիստեմատիկ անհիմն տրամադրման բացահայտված դեպքերի բացակայությունը։

է) հավաստագրման մարմնի աշխատակազմում սույն կետի «ե» և «զ» ենթակետերում նշված խախտումները թույլ տված անձանց բացակայությունը.

ը) հավաստագրման մարմնի ղեկավարի, նրա տեղակալների (առկայության դեպքում) կրթության և աշխատանքային փորձի համապատասխանությունն անդամ պետության օրենսդրության պահանջներին (առկայության դեպքում)։

(8-րդ կետը խմբ., լրաց. ԵՏՀԽ 22.05.23 թիվ 62)

81. Փաստաթղթերի անհիմն տրամադրմանը հանգեցնող՝ հավաստագրման մարմինների կողմից համապատասխանության գնահատման ընթացակարգերի խախտումներին են վերաբերում՝

ա) հավատարմագրման ոլորտի խախտումը.

բ) հավատարմագրման սխեմայի խախտումը.

գ) արտադրանքի նույնականացման մասով պահանջների խախտումը.

դ) արտադրանքի նմուշների (փորձանմուշների) ընտրության պահանջների խախտումը.

ե) արտադրանքի հետազոտությունների (փորձարկումների) և չափումների ծրագրի ձևավորման պահանջների խախտումը.

զ) արտադրանքի հետազոտությունների (փորձարկումների) և չափումների անցկացման պահանջների խախտումը։

(81-րդ կետը լրաց. ԵՏՀԽ 22.05.23 թիվ 62)

9. Փորձարկման լաբորատորիաները (կենտրոնները) միասնական ռեեստրում ներառվում են հետևյալ չափորոշիչներին համապատասխանելու դեպքում`

ա) անդամ պետության տարածքում դրա օրենսդրությանը համապատասխան որպես իրավաբանական անձ փորձարկման լաբորատորիայի (կենտրոնի) կամ այնպիսի կազմակերպության գրանցման առկայություն, որի կազմի մեջ է մտնում փորձարկման լաբորատորիան (կենտրոնը), և այդ պետության տարածքում գործունեության իրականացում․

բ) այն անդամ պետության լիազորված մարմնի կողմից տրված գործող հավատարմագրման առկայություն, որի տարածքում գրանցված է փորձարկման լաբորատորիան (կենտրոնը).

գ) Միության տեխնիկական կանոնակարգերի պահանջներին համապատասխանության գնահատման ենթակա արտադրանքի (Միության տեխնիկական կանոնակարգերի պահանջներին համապատասխանության մասով արտադրանքի փորձարկումներ իրականացնող փորձարկման լաբորատորիաների (կենտրոնների) համար) կամ միասնական ցանկում ներառված արտադրանքի (միասնական ցանկում ներառված արտադրանքի համապատասխանության մասով փորձարկումներ իրականացնող փորձարկման լաբորատորիաների (կենտրոնների) համար) առկայություն հավատարմագրման բնագավառում.

դ) 1 տարվա ընթացքում այն փաստաթղթերի անհիմն տրամադրման բացահայտված դեպքերի բացակայությունը, որոնք հանգեցրել են անդամ պետության օրենսդրության կամ նորմատիվային փաստաթղթերի պահանջներին (միասնական ցանկում ներառված արտադրանքի համար) կամ Միության տեխնիկական կանոնակարգերի պահանջներին չհամապատասխանող արտադրանքը շրջանառության մեջ դնելուն.

ե) 1 տարվա ընթացքում փաստաթղթերի մասսայական և (կամ) սիստեմատիկ անհիմն տրամադրման բացահայտված դեպքերի բացակայությունը։

զ) փորձարկման լաբորատորիայում (կենտրոնում) օրինական հիմքով տարածքների և սարքավորումների առկայությունը, որոնք ապահովում են Միության տեխնիկական կանոնակարգերի պահանջներին համապատասխանության՝ հավատարմագրման ոլորտում ներառված արտադրանքի (արտադրանքի խմբերի), ինչպես նաև միասնական ցանկում ներառված արտադրանքի բնութագրերի (ցուցանիշների) հետազոտությունների (փորձարկումների) և չափումների անցկացումը.

է) փորձարկման լաբորատորիայի (կենտրոնի) ղեկավարի, նրա տեղակալների (առկայության դեպքում) կրթության և աշխատանքային փորձի համապատասխանությունն անդամ պետության օրենսդրության պահանջներին (առկայության դեպքում)։

(9-րդ կետը խմբ., լրաց. ԵՏՀԽ 22.05.23 թիվ 62)

91. Փաստաթղթերի անհիմն տրամադրմանը հանգեցնող՝ փորձարկման լաբորատորիաների (կենտրոնների) կողմից համապատասխանության գնահատման ընթացակարգերի խախտումներին են վերաբերում՝

ա) հավատարմագրման ոլորտի խախտումը.

բ) արտադրանքի նմուշների (փորձանմուշների) ընտրության պահանջների խախտումը.

գ) փորձարկվող նմուշի նախապատրաստման կամ մշակման պահանջների խախտումը.

դ) արտադրանքի հետազոտության (փորձարկման) և չափման մեթոդի կիրառման խախտումը.

ե) չափման միջոցների, փորձարկման սարքավորմանը, օժանդակ սարքավորմանը ներկայացվող պահանջների խախտումը․

զ) արտադրանքի հետազոտությունների (փորձարկումների) և չափումների անցկացման պայմանների խախտումը.

է) անձնակազմին ներկայացվող պահանջների խախտումը:

(91-րդ կետը լրաց. ԵՏՀԽ 22.05.23 թիվ 62)

10. Տեսչական մարմինները միասնական ռեեստրում ներառվում են հետևյալ չափորոշիչներին համապատասխանելու դեպքում`

ա) անդամ պետության տարածքում դրա օրենսդրությանը համապատասխան որպես իրավաբանական անձ տեսչական մարմնի կամ այնպիսի կազմակերպության գրանցման առկայություն, որի կազմի մեջ է մտնում տեսչական ստուգման մարմինը, և այդ պետության տարածքում գործունեության իրականացում.

բ) այն անդամ պետության լիազորված մարմնի կողմից տրված գործող հավատարմագրման առկայություն, որի տարածքում գրանցված է տեսչական մարմինը.

գ) Միության տեխնիկական կանոնակարգերի պահանջներին համապատասխանության գնահատման ենթակա ստուգման և արտադրանքի առկայություն հավատարմագրման բնագավառում.

դ) տեսչական մարմնի աշխատակազմում` մեկ տեսչական մարմնի կազմում, հավատարմագրման ոլորտին համապատասխան գործունեության բոլոր ուղղություններով տեսչական ստուգման համար պատասխանատու, աշխատանքային պայմանագրի հիման վրա աշխատող աշխատողների առկայությունը։

ե) 1 տարվա ընթացքում այն փաստաթղթերի անհիմն տրամադրման բացահայտված դեպքերի բացակայությունը, որոնք հանգեցրել են Միության տեխնիկական կանոնակարգերի պահանջներին չհամապատասխանող արտադրանքը շրջանառության մեջ դնելուն․

զ) 1 տարվա ընթացքում փաստաթղթերի մասսայական և (կամ) սիստեմատիկ անհիմն տրամադրման բացահայտված դեպքերի բացակայությունը․

է) տեսչական մարմնի ղեկավարի, նրա տեղակալների կրթության և աշխատանքային փորձի համապատասխանությունը (առկայության դեպքում) անդամ պետության օրենսդրության պահանջներին (առկայության դեպքում)։

(10-րդ կետը փոփ., խմբ., լրաց. ԵՏՀԽ 22.05.23 թիվ 62)

101. Փաստաթղթերի անհիմն տրամադրմանը հանգեցնող՝ տեսչական մարմինների կողմից համապատասխանության գնահատման ընթացակարգերի խախտումներին են վերաբերում՝

ա) հավատարմագրման ոլորտի խախտումը․

բ) արտադրանքի նմուշների (փորձանմուշների) ընտրության պահանջների խախտումը․

գ) տեսչական ստուգման ծրագրի ձևավորման պահանջների խախտումը․

դ) տեսչական ստուգման անցկացման պահանջների խախտումը։

(101-րդ կետը լրաց. ԵՏՀԽ 22.05.23 թիվ 62)

102. Սույն կարգի 81, 91 և 101 կետերում նշված խախտումներին չեն վերաբերում տեխնիկական սխալները (գրասխալները, վրիպակները, քերականական սխալները).

(102-րդ կետը լրաց. ԵՏՀԽ 22.05.23 թիվ 62)

11. Սույն Կարգի 8-10-րդ կետերով նախատեսված չափորոշիչների հաշվառմամբ՝ միասնական ռեեստրի ազգային մասում համապատասխանության գնահատման մարմինները ներառելու (դրանից հանելու) մասին լիազորված մարմնի կողմից որոշում կայացնելու կարգը սահմանվում է անդամ պետությունների օրենսդրությամբ։

12. Միասնական ռեեստրում ներառվում են հետևյալ տեղեկությունները՝

ա) հավաստագրման մարմինների համար՝

միասնական ռեեստրի ազգային մասում նշված նույնականացման եզակի համարը.

անվանումը (նաև իրավաբանական անձի անվանումը), գտնվելու վայրը (նաև իրավաբանական անձի հասցեն), ինչպես նաև գործունեության իրականացման վայրի հասցեն (հասցեները) (եթե հասցեները տարբեր են), հեռախոսահամարը, էլեկտրոնային փոստի հասցեն (նաև իրավաբանական անձի), բաժանորդային արկղի համարը (առկայության դեպքում), ղեկավարի անունը, ազգանունը, հայրանունը (առկայության դեպքում), գրանցման կամ հաշվառման (անհատական, նույնականացման) համարը, որը տրվում է իրավաբանական անձի՝ անդամ պետության օրենսդրությանը համապատասխան պետական գրանցման ժամանակ.

միասնական ռեեստրում կարգավիճակը («գործում է», «հանվել է»). միասնական ռեեստրում ներառելու (ռեեստրից հանելու) ամսաթիվը.

հավատարմագրման կարգավիճակը («գործում է», «մասնակիորեն կասեցվել է», «կասեցվել է», «դադարեցվել է»).

միասնական ռեեստրում ներառելու (դրանից հանելու) մասին որոշման ամսաթիվը.

հավատարմագրման վկայականի գրանցման համարը, գրանցման ամսաթիվն ու գործողության ժամկետը.

հավատարմագրման կարգավիճակի փոփոխության մասին որոշման ամսաթիվը.

հավաստագրման մարմնի հետ միասին իրավաբանական անձի կազմի մեջ մտնող փորձարկման լաբորատորիայի (կենտրոնի) անվանումն ու հավատարմագրման վկայականի գրանցման համարը (առկայության դեպքում).

տեղեկություններ անդամ պետության օրենսդրությամբ նախատեսված այն փաստաթղթերի վերաբերյալ (անվանումը և տրման ամսաթիվը), որոնցով հաստատվում է, որ հավաստագրման մարմինը ձեռնարկում է համապատասխան միջոցներ (օրինակ՝ ապահովագրում կամ պահուստների ստեղծում)՝ իր գործունեության հետ կապված պատասխանատվությունն իրագործելու համար (առկայության դեպքում).

տեղեկություններ հավատարմագրման բնագավառի վերաբերյալ, այդ թվում՝

Միության տեխնիկական կանոնակարգերի անվանումները (Միության տեխնիկական կանոնակարգերի պահանջներին արտադրանքի համապատասխանության գնահատման աշխատանքներ իրականացնող հավաստագրման մարմինների համար)՝ նշելով դրանց նշագրերը («ԵԱՏՄ ՏԿ» կամ «ՄՄ ՏԿ» հապավումները, հերթական համարը և ընդունման տարին).

հավատարմագրման շրջանակում ներառված արտադրանքի (արտադրանքի խմբերի) անվանումը (Միության տեխնիկական կանոնակարգերի պահանջներին արտադրանքի համապատասխանության գնահատման աշխատանքներ իրականացնող հավաստագրման մարմինների համար՝ Միության յուրաքանչյուր տեխնիկական կանոնակարգի համար առանձին).

հավատարմագրման շրջանակում ներառված արտադրանքի (արտադրանքի խմբերի) ծածկագիրը (ծածկագրերը)՝ ըստ Եվրասիական տնտեսական միության արտաքին տնտեսական գործունեության միասնական ապրանքային անվանացանկի (Միության տեխնիկական կանոնակարգերի պահանջներին արտադրանքի համապատասխանության գնահատման աշխատանքներ իրականացնող հավաստագրման մարմինների համար՝ Միության յուրաքանչյուր տեխնիկական կանոնակարգի համար՝ առանձին).

բ) փորձարկման լաբորատորիաների (կենտրոնների) համար՝

միասնական ռեեստրի ազգային մասում նշված նույնականացման եզակի համարը.

անվանումը (նաև իրավաբանական անձի անվանումը), գտնվելու վայրը (նաև իրավաբանական անձի հասցեն), ինչպես նաև գործունեության իրականացման վայրի հասցեն (հասցեները) (եթե հասցեները տարբեր են), հեռախոսահամարը, էլեկտրոնային փոստի հասցեն (նաև իրավաբանական անձի), բաժանորդային արկղի համարը (առկայության դեպքում), ղեկավարի անունը, ազգանունը, հայրանունը (առկայության դեպքում), գրանցման կամ հաշվառման (անհատական, նույնականացման) համարը, որը տրվում է իրավաբանական անձի՝ անդամ պետության օրենսդրությանը համապատասխան պետական գրանցման ժամանակ.

միասնական ռեեստրում կարգավիճակը («գործում է», «հանվել է»). միասնական ռեեստրում ներառելու (ռեեստրից հանելու) ամսաթիվը.

հավատարմագրման կարգավիճակը («գործում է», «մասնակիորեն կասեցվել է», «կասեցվել է», «դադարեցվել է»).

միասնական ռեեստրում ներառելու (դրանից հանելու) մասին որոշման ամսաթիվը.

հավատարմագրման վկայականի գրանցման համարը, գրանցման ամսաթիվն ու գործողության ժամկետը.

հավատարմագրման կարգավիճակի փոփոխության մասին որոշման ամսաթիվը.

տեղեկություններ անդամ պետության օրենսդրությամբ նախատեսված այն փաստաթղթերի վերաբերյալ (անվանումը և տրման ամսաթիվը), որոնցով հաստատվում է, որ փորձարկման լաբորատորիան (կենտրոնը) ձեռնարկում է համապատասխան միջոցներ (օրինակ՝ ապահովագրում կամ պահուստների ստեղծում) իր գործունեության հետ կապված պատասխանատվությունն իրագործելու համար (առկայության դեպքում).

տեղեկություններ հավատարմագրման բնագավառի վերաբերյալ, այդ թվում՝

Միության տեխնիկական կանոնակարգերի անվանումները (Միության տեխնիկական կանոնակարգերի պահանջներին համապատասխանության մասով արտադրանքի փորձարկումներ իրականացնող փորձարկման լաբորատորիաների (կենտրոնների) համար)՝ նշելով դրանց նշագրերը (այն փորձարկման լաբորատորիաների (կենտրոնների) համար, որոնց դեպքում Միության տեխնիկական կանոնակարգերի անվանումները չեն նշվում՝ անդամ պետությունների՝ հավատարմագրման բնագավառում օրենսդրությանը համապատասխան՝ որպես տեղեկատվություն).

հավատարմագրման շրջանակում ներառված և Միության տեխնիկական կանոնակարգերի պահանջներին համապատասխանության գնահատման ենթակա արտադրանքի (արտադրանքի խմբերի) անվանումը (Միության տեխնիկական կանոնակարգերի պահանջներին համապատասխանության մասով արտադրանքի փորձարկումներ իրականացնող փորձարկման լաբորատորիաների (կենտրոնների) համար՝ Միության յուրաքանչյուր տեխնիկական կանոնակարգի համար առանձին) կամ միասնական ցանկում ներառված արտադրանքի (արտադրանքի խմբերի) (միասնական ցանկում ներառված արտադրանքի համապատասխանության մասով փորձարկումներ իրականացնող փորձարկման լաբորատորիաների (կենտրոնների) համար).

Արտադրանքի՝ որոշվող բնութագրերը (ցուցանիշները), այդ բնութագրերը (ցուցանիշները) որոշելու համար հետազոտությունների (փորձարկումների) ու չափումների մեթոդներ պարունակող նորմատիվ փաստաթղթերի նշագրերը և, անհրաժեշտության դեպքում, հետազոտությունների (փորձարկումների) ու չափումների մեթոդների անվանումները.

գ) տեսչական մարմինների համար՝

միասնական ռեեստրի ազգային մասում նշված նույնականացման եզակի համարը.

անվանումը (նաև իրավաբանական անձի անվանումը), գտնվելու վայրը (նաև իրավաբանական անձի հասցեն), ինչպես նաև գործունեության իրականացման վայրի հասցեն (հասցեները) (եթե հասցեները տարբեր են), հեռախոսահամարը, էլեկտրոնային փոստի հասցեն (նաև իրավաբանական անձի), բաժանորդային արկղի համարը (առկայության դեպքում), ղեկավարի անունը, ազգանունը, հայրանունը (առկայության դեպքում), գրանցման կամ հաշվառման (անհատական, նույնականացման) համարը, որը տրվում է իրավաբանական անձի՝ անդամ պետության օրենսդրությանը համապատասխան պետական գրանցման ժամանակ.

միասնական ռեեստրում կարգավիճակը («գործում է», «հանվել է»). միասնական ռեեստրում ներառելու (ռեեստրից հանելու) ամսաթիվը.

հավատարմագրման կարգավիճակը («գործում է», «մասնակիորեն կասեցվել է», «կասեցվել է», «դադարեցվել է»).

միասնական ռեեստրում ներառելու (դրանից հանելու) մասին որոշման ամսաթիվը.

հավատարմագրման վկայականի գրանցման համարը, գրանցման ամսաթիվն ու գործողության ժամկետը.

հավատարմագրման կարգավիճակի փոփոխության մասին որոշման ամսաթիվը.

տեղեկություններ անդամ պետության օրենսդրությամբ նախատեսված այն փաստաթղթերի վերաբերյալ (անվանումը և տրման ամսաթիվը), որոնցով հաստատվում է, որ տեսչական մարմինը ձեռնարկում է համապատասխան միջոցներ (օրինակ՝ ապահովագրում կամ պահուստների ստեղծում) իր գործունեության հետ կապված պատասխանատվությունն իրագործելու համար (առկայության դեպքում).

տեղեկություններ հավատարմագրման բնագավառի վերաբերյալ, այդ թվում՝

Միության տեխնիկական կանոնակարգերի անվանումները՝ նշելով դրանց նշագրերը.

հավատարմագրման շրջանակում ներառված արտադրանքի անվանումը (Միության տեխնիկական կանոնակարգերի պահանջներին արտադրանքի համապատասխանության գնահատում իրականացնող տեսչական մարմինների համար՝ Միության յուրաքանչյուր տեխնիկական կանոնակարգի համար առանձին)։

(12-րդ կետը լրաց. ԵՏՀԽ 22.05.23 թիվ 62)

13. Լիազորված մարմինները ոչ ուշ, քան համապատասխանության գնահատման մարմինների մասին տեղեկությունները միասնական ռեեստրի ազգային մասում ներառելու վերաբերյալ որոշումն ընդունելու օրվանից 5 աշխատանքային օրվա ընթացքում ինտեգրված համակարգի միջոցների օգտագործմամբ Հանձնաժողով են ներկայացնում սույն Կարգի 12-րդ կետում նշված տեղեկությունները՝ միասնական ռեեստրում ներառելու համար։

14. Միասնական ռեեստրում պարունակվող տեղեկությունների արդիականացման նպատակով՝ լիազորված մարմինն ինտեգրված համակարգի միջոցների օգտագործմամբ սույն Կարգի 12-րդ կետում նշված՝ համապատասխանության գնահատման մարմնի վերաբերյալ արդիականացված տեղեկությունները Հանձնաժողով է ներկայացնում ոչ ուշ, քան միասնական ռեեստրում այդ տեղեկությունները փոփոխելու վերաբերյալ որոշում ընդունելու օրվանից 5 աշխատանքային օրվա ընթացքում։

15. Համապատասխանության գնահատման մարմնի հավատարմագրման գործողության ժամկետը լրանալու կամ գործողությունը չեղարկելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է այդ մարմնի կարգավիճակը՝ «հանվել է», ինչպես նաև այդ որոշումն ընդունելու ամսաթիվը։ Ընդ որում, նշվում են հավատարմագրման կարգավիճակը՝ «դադարեցվել է», ինչպես նաև հավատարմագրման գործողության ժամկետը լրանալու ամսաթիվը կամ հավատարմագրման գործողությունը չեղարկելու ամսաթիվն ու պատճառը։

16. Համապատասխանության գնահատման մարմնի՝ հավատարմագրման ամբողջ շրջանակի մասով հավատարմագրման գործողությունը կասեցնելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է այդ մարմնի հավատարմագրման կարգավիճակը՝ «կասեցվել է», ինչպես նաև այդ որոշումն ընդունելու ամսաթիվն ու պատճառը։ Ընդ որում, միասնական ռեեստրում համապատասխանության գնահատման մարմնի կարգավիճակը չի փոփոխվում։

Համապատասխանության գնահատման մարմնի հավատարմագրման գործողությունը վերականգնելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է այդ մարմնի հավատարմագրման կարգավիճակը՝ «գործում է», ինչպես նաև հավատարմագրման գործողությունը վերականգնելու ամսաթիվն ու պատճառը և հավատարմագրման գործող շրջանակը, եթե այն չի փոփոխվել։

17. Համապատասխանության գնահատման մարմնի՝ հավատարմագրման շրջանակի մի մասով հավատարմագրման գործողությունը կասեցնելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է հավատարմագրման շրջանակի կասեցված մասը, ինչպես նաև այդ որոշումն ընդունելու ամսաթիվն ու պատճառը։

Համապատասխանության գնահատման մարմնի՝ հավատարմագրման շրջանակի կասեցված մասով հավատարմագրման գործողությունը վերականգնելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է հավատարմագրման շրջանակի գործող մասը, ինչպես նաև այդ որոշումն ընդունելու ամսաթիվն ու պատճառը։

171. Համապատասխանության գնահատման մարմնի հավատարմագրման ոլորտի ընդլայնման (կրճատման) դեպքում լիազորված մարմինը ներկայացնում է սույն կարգի 12-րդ կետում նշված համապատասխանության գնահատման մարմնի մասին արդիականացված տեղեկություններ։

(171-րդ կետը լրաց. ԵՏՀԽ 22.05.23 թիվ 62)

18. Համապատասխանության գնահատման մարմինը միասնական ռեեստրից հանում է Հանձնաժողովը՝ լիազորված մարմնի կողմից ներկայացված՝ համապատասխանության գնահատման մարմինը միասնական ռեեստրի ազգային մասից հանելու վերաբերյալ տեղեկությունների հիման վրա։

Համապատասխանության գնահատման մարմինները միասնական ռեեստրից հանվում են սույն Կարգի համապատասխանաբար 8-րդ, 9-րդ կամ 10-րդ կետերով նախատեսված չափորոշիչներից անգամ մեկին չհամապատասխանելու դեպքում։

19. Համապատասխանության գնահատման մարմինը միասնական ռեեստրի ազգային մասից հանելու դեպքում լիազորված մարմինը սույն Կարգի 14-րդ կետին համապատասխան արդիականացված տեղեկությունները ներկայացնելիս նշում է համապատասխանության գնահատման մարմնի կարգավիճակը՝ «հանվել է», ինչպես նաև այդ որոշումն ընդունելու ամսաթիվն ու պատճառը։

20. Միասնական ռեեստրում պարունակվող տեղեկությունները բաց են և հանրամատչելի։

21. Շահագրգիռ անձանց պահանջով միասնական ռեեստրում ներառված համապատասխանության գնահատման մարմինների վերաբերյալ տեղեկությունների տրամադրումն իրականացվում է լիազորված մարմինների կողմից՝ անդամ պետությունների օրենսդրությանը համապատասխան։

22. Համապատասխանության գնահատման մարմինը միասնական ռեեստրում ներառելու (դրանից հանելու) հետ կապված հարցերի շուրջ բողոքներն ու հարցումներն ուսումնասիրվում են լիազորված մարմինների կողմից՝ անդամ պետությունների օրենսդրությանը համապատասխան։

(կարգը խմբ., փոփ., լրաց. ԵՏՀԽ 22.05.23 թիվ 62)