ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Ո Ր Ո Շ ՈՒ Մ Ը

ԱՇԽԱՐՀԻ ԵՐԿՐՆԵՐԻ ԽՈՐՀՐԴԱՐԱՆՆԵՐԻՆ ԵՎ ԿԱՌԱՎԱՐՈՒԹՅՈՒՆՆԵՐԻՆ ՈՒՂՂՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ԴԻՄՈՒՄԻ ՏԵՔՍՏԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության Գերագույն խորհուրդը որոշում է.

Հաստատել աշխարհի երկրների խորհրդարաններին և կառավարություններին ուղղված Հայաստանի Հանրապետության Գերագույն խորհրդի դիմումի տեքստը:

ՀԱՅԱՍՏԱՆի հանրապետության  Գերագույն խորհրդի նախագահ`

Լ. Տեր-Պետրոսյան

ՀԱՅԱՍՏԱՆի հանրապետության գերագույն խորհրդի քարտուղար`
ա. սահակյան
 
25 սեպտեմբերի 1991 թվականի,
քաղ. Երևան
Հ.Ն.-0409-1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ

Դ Ի Մ ՈՒ Մ Ը

ԱՇԽԱՐՀԻ ԵՐԿՐՆԵՐԻ ԽՈՐՀՐԴԱՐԱՆՆԵՐԻՆ ԵՎ ԿԱՌԱՎԱՐՈՒԹՅՈՒՆՆԵՐԻՆ

Հիմք ընդունելով ԽՍՀՄ կազմից դուրս գալու մասին 1991 թվականի սեպտեմբերի 21-ի հանրաքվեի արդյունքները, Հայաստանի Հանրապետության Գերագույն խորհուրդը 1991 թվականի սեպտեմբերի 23-ին Հայաստանի Հանրապետությունը հռչակեց անկախ պետություն:

Հայաստանի Հանրապետությունը հայտնում է իր պատրաստակամությունը հաստատել իրավահավասար փոխհարաբերություններ բոլոր պետությունների հետ:

Հայաստանի Հանրապետությունը մտադիր է ստեղծել միջազգային իրավունքի հանրաճանաչ նորմերին համապատասխան ժողովրդավարական հասարակություն:

Ձգտելով դառնալ Միավորված Ազգերի Կազմակերպության անդամ, Հայաստանի Հանրապետությունը գործելու է ՄԱԿ-ի սկզբունքներին համապատասխան:

Հայաստանի Հանրապետությունը քաղաքացիների իրավունքների և ազատությունների օրենսդրական կարգավորման հիմք է ընդունել մարդու իրավունքների համընդհանուր հռչակագիրը, Եվրոպայի անվտանգության և համագործակցության խորհրդակցության մասնակից պետությունների ներկայացուցիչների Վիեննայի հանդիպման եզրափակիչ փաստաթուղթը և մարդու իրավունքների միջազգային մյուս համաձայնագրերը:

Հայաստանի Հանրապետության Գերագույն խորհուրդը դիմում է աշխարհի երկրների խարհրդարաններին և կառավարություններին ճանաչել Հայաստանի Հանրապետության անկախությունը և նրա հետ դիվանագիտական հարաբերություններ հաստատել:

25 սեպտեմբերի 1991 թվականի, քաղ. ԵՐևան