Հայաստանի Հանրապետության Գերագույն խորհՐԴԻ

դ Ի Մ ՈՒ Մ Ը

խսհմ պետական խորհրդին

1991 թվականի մարտի 1-ին Հայաստանի Հանրապետության Գերագույն խորհուրդը որոշում ընդունեց Հայաստանի Հանրապետության հանրաքվեի մասին հետևյալ հարցադրմամբ. «Համաձա՞յն եք, որ Հայաստանի Հանրապետությունը լինի անկախ ժողովրդավարական պետություն ԽՍՀՄ կազմից դուրս»: Հանրաքվեի անցկացման օր նշանակվեց 1991 թվականի սեպտեմբերի 21-ը:

Սեպտեմբերի 21-ին Հայաստանի Հանրապետությունում հանրաքվեն անցկացվեց 25 երկրներից հրավիրված 117 դիտորդների մասնակցությամբ: Հանրաքվեի արդյունքներն են` քվեարկությանը մասնակցել է քվեարկությանը մասնակցելու իրավունք ունեցող քաղաքացիների 95,05 տոկոսը, առաջադրված հարցին «Այո» է պատասխանել քվեարկությանը մասնակցելու իրավունք ունեցող քաղաքացիների 94,39 տոկոսը:

Հիմնվելով հանրաքվեի արդյունքների վրա, արտահայտելով ժողովրդի միասնական կամքը, 1991 թվականի սեպտեմբերի 23-ին Հայաստանի Հանրապետության Գերագույն խորհուրդը Հայաստանի Հանրապետությունը հռչակեց անկախ պետություն:

Հայաստանի Հանրապետության Գերագույն խորհուրդը ընդունել է որոշումներ և օրենքներ, որոնցով միանում է միջուկային զենքը չտարածելու 1968 թվականի հունիսի 12-ի ՄԱԿ-ի պայմանագրին, քաղաքացիական ու քաղաքական իրավունքների միջազգային դաշնագրին, Եվրոպայի անվտանգության և համագործակցության խորհրդակցության բոլոր փաստաթղթերին:

Հայաստանի Հանրապետության Գերագույն խորհուրդը դիմում է ԽՍՀՄ Պետական խորհրդին ճանաչել Հայաստանի Հանրապետության պետական անկախությունը և աջակցել Հայաստանի Հանրապետության միջազգային իրավունքի սուբյեկտի կարգավիճակի ձեռքբերմանը:

Հայաստանի Հանրապետության Գերագույն խորհուրդը գտնում է, որ Հայաստանի Հանրապետության անկախության ճանաչումը կնպաստի ինքնիշխան հանրապետությունների հետ փոխշահավետ համագործակցության հաստատմանը:

Հայաստանի Հանրապետությունը իր պատրաստակամությունն է հայտնում շահագրգիռ բոլոր կողմերի հետ քաղաքական, տնտեսական, ռազմական և այլ բնույթի խնդիրները լուծել բանակցությունների միջոցով:

25 սեպտեմբերի 1991 թվականի, քաղ. ԵՐևան