ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՅՈՒՆԻՔԻ ՄԱՐԶԻ

ՄԵՂՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

29 հունվարի 2021 թվական N 2-Ն

ՄԵՂՐԻ ՀԱՄԱՅՆՔԻ 2021 ԹՎԱԿԱՆԻ ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, «Հայաստանի Հանրապետության բյուջետային համակարգի մասին» օրենքի 32-րդ հոդվածով, 33-րդ հոդվածի 3-րդ մասով՝ Մեղրի համայնքի ավագանին որոշում է՝

1.Հաստատել Հայաստանի Հանրապետության Սյունիքի մարզի Մեղրի համայնքի 2021 թվականի բյուջեն՝

1)եկամուտների գծով՝ 1,014,973,858 /մեկ միլիարդ տասնչորս միլիոն ինը հարյուր յոթանասուներեք հազար ութ հարյուր հիսունութ/ ՀՀ դրամ,

2)ծախսերի գծով՝ 1,053,868,820 /մեկ միլիարդ հիսուներեք միլիոն ութ հարյուր վաթսունութ հազար ութ հարյուր քսան/ ՀՀ դրամ,

3)դեֆիցիտը (պակասուրդը)՝ 38,894,962 /երեսունութ միլիոն ութ հարյուր իննսունչորս հազար ինը հարյուր վաթսուներկու/ ՀՀ դրամ։

2.Մեղրի համայնքի բյուջեի դեֆիցիտի (պակասուրդի) ֆինանսավորմանն ուղղել տարեսկզբի ազատ մնացորդը՝ 38,894,962 /երեսունութ միլիոն ութ հարյուր իննսունչորս հազար ինը հարյուր վաթսուներկու/ ՀՀ դրամ։

3.Հաստատել համայնքի բյուջեի եկամուտները և ծախսերը՝ համաձայն հավելվածների։

4.«Հայաստանի Հանրապետության բյուջետային համակարգի մասին» օրենքի 33-րդ հոդվածի 3-րդ կետի համաձայն

1)թույլատրել համայնքի ղեկավարին համայնքի բյուջեի կատարման ընթացքում կատարելու վերաբաշխումներ ըստ գործառնական և տնտեսագիտական դասակարգման ծախսերի նախատեսված հոդվածների միջև.

2)սահմանել, որ փոփոխությունների հանրագումարը բյուջետային տարվա ընթացքում չի կարող գերազանցել հաստատված չափաքանակների 15%-ը։

5.Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2021 թվականի հունվարի 1-ից ծագող հարաբերությունների վրա։

Կողմ-7 ԱԴԱՄՅԱՆ ԱՇՈՏ ԳԵՎՈՐԳՅԱՆ ԽԱՉԱՏՈՒՐ ԶԱՔԱՐՅԱՆ ՀՐԱՅՐ ՀԱՅՐԱՊԵՏՅԱՆ ՍՈՒՐԵՆ ՀՈՎՀԱՆՆԻՍՅԱՆ ՀԱՐՈՒԹ ՄԱՐՏԻՐՈՍՅԱՆ ԿՈՍՏԱՆՏ ՄԻՔԱԵԼՅԱՆ ՍԱՄՎԵԼ

Դեմ-0

Ձեռնպահ-0

Համայնքի ղեկավար`   2021 թ. հունվարի 29 ք. Մեղրի

Մ. ԶԱՔԱՐՅԱՆ

ՀԱՄԱՅՆՔԻ ՂԵԿԱՎԱՐԻ ԲՅՈՒՋԵՏԱՅԻՆ ՈՒՂԵՐՁԸ

Համայնքի 2021թ. ծրագրային բյուջեն մշակվել է` հիմք ընդունելով Մեղրի համայնքի 2017 - 2021 թթ. հնգամյա զարգացման ծրագիրը, ինչպես նաև 2021թ. տարեկան աշխատանքային պլանը:

Համայնքի գործունեության արդյունավետությունը կախված է բյուջետային գործընթացի ճիշտ կազմակերպումից, բյուջեի եկամուտների արդյունավետ հավաքագրումից և միջոցների նպատակային օգտագործումից:

Համայնքի 2021թ. բյուջետային քաղաքականության հիմնական ուղղություններն են՝

 Բարելավել համայնքի ֆինանսական վիճակը՝ ճշտելով հողի հարկի և գույքահարկի բազաները, բարձրացնելով սեփական եկամուտների հավաքագրման մակարդակը և նպատակային օգտագործելով բյուջետային միջոցները,

 Բարձրացնել ՏԻՄ-երի, համայնքի աշխատակազմի, համայնքային կազմակերպությունների և բնակիչների հետ աշխատանքի արդյունավետությունը,

 Իրականացնել համայնքի ֆինանսատնտեսական և հաշվապահական հաշվառման գործունեության արդյունավետ կազմակերպում՝ համադրելով ֆինանսական ծրագրեր /Հանրային հատվածի հաշվապահություն, e-invoise հարկային ծրագիր, ՀՀ ՖՆ գանձապետարանի ծրագիր/ և ամփոփ հաշվեկշիռների հրապարակայնություն ՀԿՏՀ-ում:

 Բարձրացնել բնակչությանը և տնտեսվարող սուբյեկտներին մատուցվող համայնքային ծառայությունների և այլ լրացուցիչ ծառայությունների /ըստ համայնքի բնակավայրերի յուրահատկությունների/ մակարդակն ու որակը:

 Իրականացնել կրթության, մշակույթի և սպորտի բնագավառների համայնքային ենթակառուցվածքների պահպանման, շահագործման, նորոգման, ջեռուցման համակարգերի վերականգնման, գույքային վերազինման և այլ աշխատանքներ՝ ըստ համայնքի բնակավայրերի յուրահատկությունների:

 Կապիտալ ներդրումներ կատարել համայնքի բնակարանային-կոմունալ տնտեսության, բարեկարգման և ճանապարհային տնտեսության բնագավառներում ըստ բնակավայրերի յուրահատկությունների:

 Աշխուժացնել համայնքի մշակութային, մարզական և հասարակական կյանքը, կառուցելով նոր ենթակառուցվածքներ՝ հաշվի առնելով նաև համայնքի համառոտ նկարագիրը և զարգացման ուղղվածությունն ու տեսլականը:

 Խոցելի խմբերին և բազմազավակ ընտանիքներին ցուցաբերել աջակցություն,

 Կապիտալ ներդրումներ կատարել համայնքի բնակարանային-կոմունալ տնտեսության բարեկարգման, ճանապարհային տնտեսության բնագավառներում, ավելացնել փողոցային լուսավորություն,

 Զարգացնել զբոսաշրջությունը և զբոսաշրջիկների ներհոսքը,

 Բարձրացնել գյուղատնտեսության և անասնապահության մակարդակը,

 Իրականացնել սոցիալական տարաբնույթ ծրագրեր:

 __________________________________։

Համայնքի 2021թ. զարգացման հիմնական ուղղությունները միտված են բնակչության կենսական մակարդակի բարելավմանը, շրջակա միջավայրի պահպանմանը, համայնքի հարմարավետ ու բարեկեցիկ միջավայրի ստեղծմանը, համայնքային ենթակառուցվածքների արդիականացմանն ու զարգացմանը, ինչպես նաև համայնքի գլխավոր հատակագծին համապատասխան քաղաքաշինական ծրագրերի իրականացմանը:

Ես դիմում եմ համայնքի բնակիչներին, ավագանուն, աշխատակազմի և համայնքային կազմակերպությունների աշխատակիցներին՝ շահագրգիռ և սրտացավ մոտեցում ցուցաբերել համայնքի 2021թ. բյուջեի միջոցների գոյացման, դրանց նպատակային և հասցեական օգտագործման, բյուջեի կատարման և վերահսկման համար:

Համայնքի ղեկավար`

Բ. ԶԱՔԱՐՅԱՆ

Հավելվածներ

(հավելվածը փոփ. 23.03.21 N 23-Ն, 14.05.21 N 47-Ն, 31.08.21 N 66-Ն)

Պաշտոնական հրապարակման օրը՝ 4 փետրվարի 2021 թվական: