ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

Հավելված 2 Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի թիվ 48-Ն որոշման

1. Սույն հրահանգով կարգավորում է «Թանգարանների գործունեության մասին» Ձև 1-թանգարան (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են թանգարանները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա փետրվարի 15-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

 5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԹԱՆԳԱՐԱՆԻ ՖՈՆԴԵՐԸ

6. Բաժին 1-ում (ըստ թանգարանային առարկաների հաշվառման և պահպանման հրահանգային փաստաթղթերի) լրացվում են՝

1) «100.1»-«100.9» ծածկագրերով տողերում` թանգարանային առարկաների տեսակների (թանգարանային առարկան հաշվառվում է նշված տեսակներից միայն մեկում) ցուցանիշները,

2) «100.10» ծածկագրով տողում` թանգարանային այն առարկաների քանակը, որոնք չեն ընդգրկվել «100.1»-«100.9» ծածկագրերով տողերում,

3) սյունակ 1-ում՝ թանգարանի հիմնական ֆոնդերի մատյաններում գրանցված (ընդհանուր), սյունակ 2-ում՝ հաշվետու տարում ցուցադրված, այդ թվում սյունակներ 3-6-ում՝ տարբեր նպատակներով ցուցադրված, սյունակ 7-ում՝ հիմնական ֆոնդի գիտական մշակում անցած (ըստ ֆոնդերի հաշվառման ու գիտական մշակման մատյանների գրանցումների), սյունակ 8-ում՝ վերականգնման կարիք ունեցող հիմնական ֆոնդի, սյունակ 9-ում՝ հաշվետու տարում վերականգնված թանգարանային առարկաների քանակները:

3. ՑՈՒՑԱԴՐԱԿԱՆ ԱՇԽԱՏԱՆՔ

7. Բաժին 2-ի «200» ծածկագրով տողում լրացվում է հաշվետու տարում թանգարանում կազմակերպած ժամանակավոր ցուցադրությունները, որից՝ «210» ծածկագրով տողում՝ թանգարանում, այդ թվում՝ «210.1» ծածկագրով տողում՝ սեփական ցուցանմուշներով, «210.2» ծածկագրով տողում՝ այլ կազմակերպության ցուցանմուշներով, «220» ծածկագրով տողում թանգարանից դուրս, այդ թվում՝ «220.1» ծածկագրով տողում՝ հանրապետությունում, «220.2» ծածկագրով տողում՝ հանրապետությունից դուրս կազմակերպված ժամանակավոր ցուցադրությունների քանակները:

4. ԶԱՆԳՎԱԾԱՅԻՆ ԱՇԽԱՏԱՆՔՆԵՐ

8. Բաժին 3-ում լրացվում են՝

1) «300» ծածկագրով տողում ՝ հաշվետու տարվա այն օրերի քանակը, որոնց ընթացքում թանգարանի մշտական ցուցադրությունը բաց է եղել այցելուների համար,

2) «310» ծածկագրով տողում՝ թանգարանի այցելուների քանակը (ընդհանուր), այդ թվում՝ «310.1» ծածկագրով տողում՝ այն այցելուների, որոնք այցելելու համար վճարել են (հաշվարկվում է վաճառված տոմսերի քանակի հիման վրա) «310.2» ծածկագրով տողում` այն այցելուների, որոնք այցելության համար չեն վճարել (ցուցադրությունների բացումների, տարբեր հանդիսությունների մասնակիցներ, թանգարանի հյուրեր և այլն),

3) «311» ծածկագրով տողում` անհատների, որից` «311.1» ծածկագրով տողում՝ սովորողների քանակը,

4) «312» ծածկագրով տողում` էքսկուրսանտների, որից` «312.1» ծածկագրով տողում՝ սովորողների թվաքանակը,

5) «320» ծածկագրով տողում՝ թանգարանում անցկացված էքսկուրսիաների քանակը,

6) «330» ծածկագրով տողում՝ թանգարանի աշխատակիցների կարդացած դասախոսությունների (թանգարանում և թանգարանից դուրս) քանակը,

7) «340» ծածկագրով տողում՝ գիտակրթական ծրագրերի քանակը,

8) «350» ծածկագրով տողում՝ միջազգային գիտաժողովների քանակը:

5. ԹԱՆԳԱՐԱՆԱՅԻՆ ՇԵՆՔԵՐ ԵՎ ՇԻՆՈՒԹՅՈՒՆՆԵՐ

9. Բաժին 4-ում (Սույն բաժնում չեն լրացվում թանգարանին հատկացված զբոսայգիների, այգիների և այլ ծառայությունների, ինչպես նաև բացօթյա թանգարանների, թանգարան-արգելոցների և զբոսայգի-համալիրների օժանդակ տարածքների ցուցանիշները («400» և «410» ծածկագրերով տողեր)) լրացվում են՝

1) «400» ծածկագրով տողում` թանգարանի շենքի, որից՝ «400.1» և «400.2» ծածկագրերով տողերում՝ մշտական և ժամանակավոր ցուցադրությունների, «400.3» ծածկագրով տողում՝ ֆոնդադարանների, «400.4» ծածկագրով տողում՝ վերականգնման արվեստանոցների, «400.5» ծածկագրով տողում՝ լուսանկարչական լաբորատորիաների մակերեսը,

2) «401» ծածկագրով տողում՝ թանգարանի զբաղեցրած ընդհանուր տարածքից բացօթյա թանգարանների թանգարանային առարկաների քանակը,

3) «410» ծածկագրով տողում՝ թանգարանի շինությունների, որից՝ «410.1» ծածկագրով տողում՝ կապիտալ վերանորոգման կարիք ունեցողների քանակը:

6. ԹԱՆԳԱՐԱՆԻ ԱՇԽԱՏՈՂՆԵՐԻ ԹՎԱՔԱՆԱԿԸ

10. Բաժին 5-ում լրացվում են՝

1) «500» ծածկագրով տողում` թանգարանի աշխատողների, որից` «500.1» ծածկագրով տողում՝ բարձրագույն կրթություն ունեցողների, «500.2» ծածկագրով տողում՝ գիտական անձնակազմի (այդ թվում՝ տնօրենը, գիտական գծով փոխտնօրենը, գիտական բաժինների և ենթաբաժինների ղեկավարները, գիտական աշխատողները, ինչպես նաև թանգարանի հատուկ միջոցների հաշվին վճարվող աշխատողները՝ առկայության դեպքում),

2) «501» ծածկագրով տողում՝ թանգարանի էքսկուրսավարների, որից՝ «501.1-501.3» ծածկագրերով տողերում՝ որակավորման կարգ ունեցողների թվաքանակը,

3) «502» ծածկագրով տողում՝ թանգարանի նկարիչ վերականգնողների (ընդհանուր), որից՝ «502.1»-«502.4» ծածկագրերով տողերում՝ որակավորման կարգ ունեցողների թվաքանակը:

7. ՖԻՆԱՆՍԱԿԱՆ ՄԻՋՈՑՆԵՐԻ ՍՏԱՑՈՒՄԸ ԵՎ ՕԳՏԱԳՈՐԾՈՒՄԸ

11. Բաժին 6-ում (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը) լրացվում են՝

1) «600» ծածկագրով տողում՝ ընդհանուր ֆինանսական միջոցները, որից՝ «600.1» ծածկագրով տողում՝ ֆինանսական միջոցների մնացորդը տարեսկզբին,

2) «610» ծածկագրով տողում՝ ընթացիկ տարվա ֆինանսական մուտքերը, այդ թվում՝ «610.1» ծածկագրով տողում՝ բյուջեից (պետական և համայնքային), «610.2» ծածկագրով տողում՝ բնակչությանը մատուցված ծառայություններից, «610.3» ծածկագրով տողում՝ նվիրատվությունից, «610.4» ծածկագրով տողում՝ վարձակալությունից և «610.5» ծածկագրով տողում՝ այլ եկամուտներից,

3) «620» ծածկագրով տողում՝ ընդհանուր ֆինանսական ծախսերը,

4) «620.1» ծածկագրով տողում («Նյութական ծախսեր»)՝ ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսեր,

5) «620.2» ծածկագրով տողում («Ոչ նյութական ծառայությունների վճարումներ»)՝ աշխատողների մասնագիտական ուսուցմանն ուղղված, շենքերի, մեքենաների և սարքավորումների վարձակալական, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների, ներկայացուցչական, գովազդային, լիցենզավորման, սերտիֆիկացման և այլ վճարումները,

6) «620.3» ծածկագրով տողում` գործուղման ծախսերը,

7) «620.4» ծածկագրով տողում («Աշխատավարձ և դրան հավասարեցված այլ վճարումներ»)՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

8) «620.5» ծածկագրով տողում` թանգարանի կողմից իրականացված շենքերի և շինությունների, հիմնավերանորոգման, վերանորոգման, սարքավորումների և գույքի ձեռք բերման ծախսերը,

9) «620.6» ծածկագրով տողում` այն ծախսերի (այլ ծախսեր), որոնք «620.1»-«620.5» ծածկագրերով տողերում չեն ներառվել,

10) «630» ծածկագրով տողում՝ ֆինանսական միջոցների մնացորդը տարեվերջին:

8. ԹԱՆԳԱՐԱՆԻ ԲՆՈՒՅԹՆ ԵՎ ԳԵՐԱՏԵՍՉԱԿԱՆ ԵՆԹԱԿԱՅՈՒԹՅՈՒՆԸ

12. Բաժին 7-ում լրացվում են`

1) «700» ծածկագրով տողում` թանգարանի բնույթի վերաբերյալ,

2) «710» ծածկագրով տողում` թանգարանի գերատեսչական ենթակայության մասին:

(հավելվածը խմբ. 01.12.23 թիվ 45-Ն)