ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱԽՈՒՐՅԱՆ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

22 դեկտեմբերի 2020 թվականի թիվ 140-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 18-րդ կետի և «Տեղական տուրքերի և տեղական վճարների մասին» Հայաստանի Հանրապետության օրենքի 8-րդ, 9-րդ, 10-րդ, 11-րդ, 12-րդ, 13-րդ և 14-րդ հոդվածների դրույթներով՝

Հայաստանի Հանրապետության Շիրակի մարզի Ախուրյան համայնքի ավագանին որոշում է.

1. Հայաստանի Հանրապետության Շիրակի մարզի Ախուրյան համայնքի վարչական տարածքում սահմանել 2021 թվականի տեղական տուրքերի դրույքաչափերը՝ համաձայն թիվ 1 հավելվածի:

2. Հայաստանի Հանրապետության Շիրակի մարզի Ախուրյան համայնքի վարչական տարածքում սահմանել 2021 թվականի տեղական վճարների դրույքաչափերը՝ համաձայն թիվ 2 հավելվածի:

3. Սահմանված տեղական տուրքերի դրույքաչափերը Հայաստանի Հանրապետության Շիրակի մարզի Ախուրյան համայնքի բնակավայրերում հաշվարկել 0.5 գործակցի կիրառմամբ:

4. Տեղական վճարների հաշվառումը և հավաքագրումը նախադպրոցական կրթության մասով վերապահել նախադպրոցական ուսումնական հաստատություններին:

5. Տեղական վճարների հաշվառումը և հավաքագրումը արտադպրոցական կրթության մասով վերապահել արտադպրոցական, արվեստի և երաժշտական դպրոցներին:

6. Աղբահանության, կոմունալ սպասարկման և բնակվարձերի հաշվառումը և հավաքագրումը վերապահել «Ախուրյանի կոմունալ սպասարկում և բարեկարգում» համայնքային ոչ առևտրային կազմակերպությանը:

7. Սույն որոշումն ուժի մեջ է մտնում 2021 թվականի հունվարի 1-ից:

Հայաստանի Հանրապետության Շիրակի մարզի Ախուրյան համայնքի ավագանու անդամներ՝

Կողմ -10   Ֆ. ԱՆՏՈՆՅԱՆ Ժ. ԳԱԲՈՅԱՆ Ա. ԳԵՎՈՐԳՅԱՆ Վ. ԷԼԲԱԿՅԱՆ Հ. ԽԱՉԱՏՐՅԱՆ Ա. ՀԱՄԻԿՅԱՆ Տ. ՄԱԹԵՎՈՍՅԱՆ Հ. ՄԱԹՈՍՅԱՆ Մ. ՄՆԱՑՅԱՆ Ա. ՄՔՈՅԱՆ

Դեմ -0

Ձեռնպահ -0

Հայաստանի Հանրապետության Շիրակի մարզի Ախուրյան համայնքի ղեկավար`	Ա. Իգիթյան
2020 թ. դեկտեմբերի 22

Հավելված 1, 2 Հայաստանի Հանրապետության Շիրակի մարզի Ախուրյան համայնքի ավագանու 2020 թվականի դեկտեմբերի 22-ի թիվ 140-Ն որոշման

Պաշտոնական հրապարակման օրը՝ 27 մայիսի 2021 թվական: