«ՋՐՄՈՒՂԻ ԱՇԽԱՏԱՆՔԻ ՄԱՍԻՆ» ՁԵՎ 1-ՋՐՄՈՒՂ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 12-Ի ԹԻՎ 178-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Ջրմուղի աշխատանքի մասին» Ձև 1-ջրմուղ (տարեկան) վիճակագրական ամփոփ հաշվետվության ձևը՝ համաձայն հավելված 1-ի:

2. Հաստատել «Ջրմուղի աշխատանքի մասին» Ձև 1-ջրմուղ (տարեկան) վիճակագրական ամփոփ հաշվետվության  լրացման հրահանգը՝ համաձայն հավելված 2-ի:

(2-րդ կետը փոփ. 01.11.2023 թիվ 24-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի ««Ամփոփ հաշվետվություն ջրմուղի աշխատանքի մասին» Ձև թիվ 1-ջրմուղ պետական վիճակագրական հաշվետվության ձևը և լրացման հրահանգը հաստատելու մասին» թիվ 178-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Բաժին 1. Ջրմուղի ցանցերի միագիծ երկարությունները

կմ

Բաժին 2. Ջրմուղի աշխատանքի հիմնական ցուցանիշները

Բաժին 3. Ֆինանսական մուտքերը

հազար դրամ

Մարզ	Տողի ծած-կագիրը	Ջրմուղի և ջրմուղի ցանցերի արտադ-րական կարողութ-յունների միջին տարեկան հաշվե-կշռային արժեքը	Մուտքեր, ընդա-մենը	այդ թվում`					Տարիների ընթացքում գոյացած պարտքերը		որից` բնակչությունից
				բյու-ջեից	բաց թողնված ջրից ստացված մուտքեր		նվիրատ-վությու-նից	այլ մուտ-քեր	ընդա-մենը	հաշվե-տու տարում	ընդա-մենը	հաշվե-տու տարում
					ընդա-մենը	որից` բնակչու-թյունից
Ա	Բ	1	2	3	4	5	6	7	8	9	10	11
Ընդամենը ՀՀ	300
ք.Երևան	300.1
Արագածոտն	300.2
Արարատ	300.3
Արմավիր	300.4
Գեղարքունիք	300.5
Լոռի	300.6
Կոտայք	300.7
Շիրակ	300.8
Սյունիք	300.9
Վայոց ձոր	300.10
Տավուշ	300.11

Բաժին 4. Ֆինանսական ծախսեր

հազար դրամ

Ղեկավար՝	_____________________________		________________________
	(Ազգանուն, անուն)		(Ստորագրություն)
Լրացնող (լիազորված անձ)՝	_____________________________		________________________
	(Ազգանուն, անուն)		(Ստորագրություն)
			« ___ »____________20___թ.

 (հավելվածը խմբ. 01.11.2023 թիվ 24-Ն)

Հ Ր Ա Հ Ա Ն Գ

1. Սույն հրահանգը կարգավորում է «Ջրմուղի աշխատանքի մասին» Ձև 1-ջրմուղ (տարեկան) վիճակագրական ամփոփ հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են Հայաստանի Հանրապետությունում գործող ջրամատակարարմամբ և ջրահեռացմամբ զբաղվող կազմակերպությունները (այսուհետ՝ ռեսպոնդենտներ), որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության վիճակագրական կոմիտե` մինչև հաշվետու ժամանակաշրջանին հաջորդող տարվա ապրիլի 1-ը:

4. Հաշվետվության առաջին և երկրորդ բաժինները լրացվում են ըստ հանրապետության, մարզերի, ըստ մարզի առանձին քաղաքների և ամփոփ գյուղական վայրերի, իսկ երրորդ և չորորդ բաժիններն` ըստ հանրապետության և մարզերի:

5. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

6. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

7. Բաժին 1-ում լրացվում է ջրմուղի ցանցերի միագիծ երկարությունները, որտեղ՝

1) սյունակ 1-ում լրացվում է մագիստրալային ջրատարների միագիծ երկարությունը: Ջրատարների միագիծ երկարությունը որոշվում է մի գծով շարված խողովակների երկարությամբ: Եթե ջրատարը կազմված է երկու և ավելի խողովակաշարից, ապա պետք է հաշվել յուրաքանչյուր խողովակաշարի երկարությունը: Ջրագծերի ընդհանուր երկարության մեջ ներառվում է նաև այն խողովակաշարերի երկարությունը, որոնց օգնությամբ ջուրը տրվում է ուրիշ բնակավայրերի, եթե դրանք գտնվում են ջրմուղի տվյալ տնտեսության հաշվեկշռում:

2) սյունակ 2-ում լրացվում է միջթաղային և միջբակային ցանցերի միագիծ երկարությունը:

3) սյունակ 3-ում լրացվում է ջրմուղի փողոցային ցանցերի միագիծ երկարությունը, որից առանձնացվում է փոխարինման կարիք ունեցող ցանցերի միագիծ երկարությունը (սյունակ 4):

8. Բաժին 2-ում լրացվում է ջրմուղի աշխատանքի հիմնական ցուցանիշները, որտեղ՝

1) սյունակ 1-ում լրացվում է տարվա ընթացքում ցանցին տրված ջրի քանակը, որը որոշվում է ջրատարների և ջրմուղի փողոցային բաշխիչ ցանցերի միացման տեղում տեղաբաշխված ջրաչափերի տվյալներով` տեխնիկական մատյաններում կատարվող ամենօրյա գրանցումների հիման վրա: Ջրաչափերի բացակայության դեպքում ջրատարների կողմից ցանցին տրված ջրի քանակը որոշվում է ելնելով ջրմուղի տեխնիկական ցուցանիշներից: Մաքրող սարքավորումներով կահավորված մեխանիկական ջրմուղներում` այն իրենից ներկայացնում է մաքրող սարքավորումներով բաց թողնված և սեփական կարիքների համար օգտագործված ջրի քանակների տարբերությունը: Մաքրող սարքավորումների բացակայության դեպքում` ցանցին տրված ջրի քանակը սովորաբար հավասար է լինում առաջին բարձրացման (ջրհան) պոմպերի կողմից բարձրացված ջրի քանակին, որից առանձնացվում է ինքնահոսով բաց թողնված ջրի ծավալը (սյունակ 2):

2) սյունակ 3-ում լրացվում է ջրի տարեկան կորուստը ցանցում, որը որոշվում է ցանցին տրված ջրի քանակի և բոլոր սպառողներին բաց թողնված ջրի քանակի տարբերությամբ (սյունակ 1 – սյունակ 8):

3) բոլոր սպառողներին բաց թողնված ջրի ընդհանուր քանակը լրացվում է սյունակ 4-ում: Բոլոր սպառողներին բաց թողնված ջրի քանակը որոշվում է ջրաչափիչների ցուցմունքների հիման վրա, բաժանորդների ներկայացրած հաշիվներով:

4) սյունակ 5-ում լրացվում է բնակչությանը, սյունակ 6-ում՝ կոմունալ-կենցաղային կարիքների, սյունակ 7-ում՝ արտադրական կարիքների համար բաց թողնված ջրի քանակը:

5) սյունակ 8-ում լրացվում է այլ սպառողներին բաց թողնված ջրի քանակը:

9. Բաժին 3-ում լրացվում է բոլոր տեսակի ֆինանսական մուտքերը, որտեղ՝

1) սյունակ 1-ում լրացվում է ջրմուղի և ջրմուղի ցանցերի արտադրական կարողությունների միջին տարեկան հաշվեկշռային արժեքը,

2) սյունակ 2-ում լրացվում է բոլոր տեսակի ֆինանսական մուտքերը, որից առանձնացվում է բյուջեից մուտքերը (սյունակ 3), բաց թողնված ջրից ստացված մուտքերը (սյունակ 4), մուտքեր նվիրատվությունից (սյունակ 6) և այլ մուտքեր (սյունակ 7): Սյունակ 4-ից առանձնացվում է բնակչությունից ստացված մուտքերը (սյունակ 5):

3) սյունակ 8-ում լրացվում են սպառողների ջրամատակարարման դիմաց գոյացած պարտքերը, որից հաշվետու տարում գոյացածը` սյունակ 9-ում: Այդ թվում` բնակչությանը մատուցված ծառայություններից գոյացած պարտքերի մասով` համապատասխանաբար 10 և 11 սյունակներում:

10. Բաժին 4-ում լրացվում է ֆինանսական ծախսերը, որտեղ՝

1) սյունակ 1-ում լրացվում է ընդհանուր ծախսերը,

2) «նյութական ծախսեր» սյունակ 2-ում լրացվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

3) «ոչ նյութական ծառայությունների վճարումները» սյունակ 3-ում լրացվում են աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

4) «գործուղման ծախսեր» սյունակ 4-ում լրացվում են հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

5) «աշխատավարձ և դրան հավասարեցված այլ վճարումներ» սյունակ 5-ում լրացվում են հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

6) սյունակ 6-ում լրացվում են կազմակերպությունների կողմից կատարված շենքերի և շինությունների, ինչպես նաև մեքենաների և սարքավորումների ձեռքբերման և վերանորոգման ծախսերը,

7) սույն կետի 1-6-րդ ենթակետերում նշված սյունակներում չընդգրկված և ընթացիկ գործունեության հետ կապված այլ ծախսերը լրացվում են սյունակ 7-ում:

11. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:

12. Ֆինանսական մուտքերի և ծախսերի վերաբերյալ տվյալները լրացվում են հաշվապահական հաշվառման փաստաթղթերի համապատասխան տողերի հիման վրա:

(հավելվածը խմբ. 01.11.2023 թիվ 24-Ն)