ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 հոկտեմբերի 2023 թվականի N 1809-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆՎԱՐԻ 16-Ի N 111-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Համաձայն «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների՝ Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2003 թվականի հունվարի 16-ի «Ոստիկանության ծառայողի և ոստիկանության ուսումնական հաստատությունում սովորողի ուսման կամ վերապատրաստման համար պետության կատարած ծախսերի փոխհատուցման կարգը և չափը սահմանելու մասին» N 111-Ն որոշման (այսուհետ՝ որոշում) մեջ կատարել հետևյալ փոփոխությունները.
1) որոշման, որոշման 1-ին, 2-րդ հավելվածների և ձևի վերնագրերում, ինչպես նաև որոշման 1-ին կետի 1-ին և 2-րդ ենթակետերում, 3-րդ կետում և 1-ին հավելվածում «ոստիկանության ուսումնական» բառերը փոխարինել «լիազոր մարմնի ուսումնական» բառերով.
2) որոշման 1-ին և 2-րդ հավելվածներում «Հայաստանի Հանրապետության ոստիկանության ուսումնական» բառերը փոխարինել «Լիազոր մարմնի ուսումնական» բառերով.
3) որոշման 1-ին հավելվածի 10-րդ կետի «ա» ենթակետում «ոստիկանության ֆինանսաբյուջետային» բառերը փոխարինել «ներքին գործերի նախարարության ֆինանսաբյուջետային» բառերով, իսկ «բ» ենթակետում «ոստիկանության կադրային քաղաքականության» բառերը՝ «ներքին գործերի նախարարության մարդկային ռեսուրսների կառավարման» բառերով։
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ն. Փաշինյան |
|
Երևան |
|
20.10.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
Պաշտոնական հրապարակման օրը՝ 20 հոկտեմբերի 2023 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|